بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
_طبعا الجو اتكهرب لما عمتي قالت كده خصوصي أنها ما بتهظر ولا حاجه لا هي فعليا قاصده تضايق تسنيم 💔،،،تسنيم بقت تضحك وقالت ليها والله يا عمتو زي ما شايفة زدتا زيادة،،وعلى قول اخواتي كلمبوظة وحليوة 😌💛،،قولته ليها اي والله حقيقي يعني قطعه باسطة بس إنتي 💛😂،،،إيڤا قالت لعمتي وبعدين ما تزيد بتٱكل من بيتك؟؟؟،،،عمتي قالت ليها بري ما ماكلة من بيتي،،بس الوزن مروح ليها عمرها كلو كلو،،،إيڤا قالت ليها بخنقة طيب هي شكت ليك؟؟،،طبعا إيڤا ما بترضى في واحده فينا نهائي ولئيمة شديد،،،قبل عمتي ترد ليها أبوي جاا نازل من فوق كان ماشي الصلاة،،لمن شافنا جاا سلم علينا 💛،،،قال لينا جيتوا متين انتو؟؟،،قولته ليهو قبل شوية بس،،،إيڤا قالت ليهو وح نطلع كمان شوية،،قال ليها ليه يا بتي،،انا طولتا منكم عديل كده،،،الليلة ماف ليكم مشي،،،تسنيم كيفك يا بتي؟؟،،قالت ليهو نحمد الله 💛،،،خالتو بقت احسن؟؟،،قال ليها ما مشيتوا شفتوها يعني؟؟،،،قولته ليهو لالا لقينا عمتي وقعدنا معاها،،،قال لينا لالا ياخ اطلعوا ليها فوق،،،انا بمشي اصلي واجيكم💛قولنا ليهو طيب،،،،بعد أبوي طلع،،،إيڤا قالت لينا اتقدموا انتو انا بلحقكم،،كانت بتعاين لعمتي بطريقة غريبة،،،،طلعنا لخالتو سعاد سلمنا عليها وقعدنا جنبها 💛،،،قالت لينا كتر خيركم م بتقصروا،،،قولته ليها ولوو،،العمليه كانت بسيطه صاح؟؟ قالت لي يعني ههه،،تسنيم كيف مع الشغل؟؟،،قالت ليها شغل شنو يا خالتو والله يوم امشي ويوم لا 😂😂 بس الحمد لله،،،قالت ليها الله يعينك أن شاء الله 💛،،،قولته ليها طيب نحنا ننزل ونخليك ترتاحي،،،،قالت لينا إيڤا ما جات معاكم؟؟،،قبل ارد إيڤا جات قالت ليها خالتو سعاد ما اهو انتي كويسه شكلك بتدلعي بس 😂😂😂،،،قالت ليها جربي اعملي عملية زايدة وبعدين اعرفي الدلع الأنا فيهو كويس 😂😂😂،،،سلمت عليها وقالت ليها حمد لله على السلامة واجر وعافية 💛،،،قالت ليها الله يعافيك،،،انتو ح تقعدوا تونسوني كده فاكرين نفسكم ضيوف 🙊😂😂قوموا ح يكون وراكم شغل كتييير،،،،تسنيم قالت ليها أنا غايتو ح اعمل ليكم القهوة والشاي 💛،،،قولته ليها يا بت هاا قهوة شنو،،،كده ارح ننزل ما اكيد الطباخين براهم ما ح يعرفوا يرصوا الاكل يلا يلا،،،،،نزلنا تحت ومشينا المطبخ،،،تسنيم مشت ووقفت جنب الطباخ،،جريت إيڤا علي قولته ليها إنتي قولتي لعمتك شنو؟؟،،،قالت لي ولا شي 😁،،،قولته ليها ياخ بالجد،،،عايني شكلها متغير كيف،،،،قالت لي قولته ليها م عندها شغلة بسمن تسنيم ولا ضعفها،،المهم ياخ ردحتا ليها لمن اتفشيت،،،انسينااااا،،،،المهم بقينا واقفين في المطبخ فترة كده مع النسوان بنرص في الصواني،،،،حقيقي الرجال كانو اكتر من النسوان،،،،
