بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
_بعد بوستو في خدو أنا كنتا طبيعية جدا وابتسمتا هو اتلخبط شوية حتى عيونو فضحتوو لو كان اضايق كنتا ح اعرف من عيونو 💕💕قال لي يلا لمن اجي،،قولته ليهو طيييب،،دخلتا جوه ومشيت رسمتا كذا طلب وسلمتهم خلال اليوم،،تسنيم هي الكانت متكفلة بححكاية انها تسلم الطلبات لأنو أنا أغلب وقتي بكون في البيت نادرا ما اطلع....💕
"على لسان أحمد وهو في طريقو للشركة"
_الحركة العملتا إيناس دي ما قدرتا افسرها ابدا،كل العارفو أني استغربتا بس كنتا مبسوط،،ما ح اقدر أنكر إنو قربها لي بالطريقة دي بسطني كيف حتى لو ما اظهرتا ليها كده ما بقدر أظهر ليها العكس لأنو اساسا ماف عكس،ماف احساس بالضيق،،ما قادر اوصل ليكم احساسي بالطريقة الصح بس إيناس قدرت تلفت نظري خلال الفترة الفاتت وبقت جزء من حياتي ما بقدر انكر وجودها ابدا ولا بقدر انكر أنها بتاخد كل يوم مساحه من عقلي عشان يفكر فيها...💕
_________________________________
بعد الضهر غسلتا ملابسي وكويتهم وعملتا كم حاجه في البيت بعدها استحميت ولفيت شعري،،،ما كان في موضوع وحتى ما قدرتا انوم،،مشيت غرفتي عسى ولعل القى لي حاجه تشغلني،،،كل كتب أحمد تقريبا قريتهم،،كنتا بقراهم وبرجعهم محلهم لما هو يكون في الشغل،،عيني وقعت على الجيتار،،،شلتوو براحه وطلعتوا من شنطتوو،،،بقيت بحاول اعزف بيهو 😂😂🔥،،،الموسيقى تحلف تقول العازف حمار 🤦،،،على طول رجعتو بس من غبائي رجعتو مقلوب،،بعد العصر حتى دخلتا المطبخ عملتا عملتا شووربة وضفتا ليها كمية جزر وعملتا عصير برتقال وختيتو في التلاجه،،،قررريب المغرب كده حسيتي بحركة في الصالة طلعتا لقيتو أحمد،،،عاين لي وقال السلام عليكم قولته ليهو وعليكم السلام وانا ماشة عليهو،،،برضو بستو في خدو 💕قولته ليهو نتغدا اسي ولا بعد نصلي المغرب؟،،قال لي ممكن اسي بس استحمى،،،قولته ليهو طيب،،((راجلك يعني حلالك حلالك يعني قربك منوو شي طبيعي ميولك ناحيتو كمان شي طبيعي،،لما يكون من نوعية أحمد بكون نفسو يعمل حاجات كتيرة بس محتاج انك تفهمي،،ما ح يجي يشرح ليك ولا يبرر كل البكون عاوزو منك تفهمي كويس هو عاوز منك شنو ومتين وليه💕))
بعد استحمى وجاا رصيت الغداء نفس موال كل يوم العودتو عليهو بسألو من الشغل وكده،،،،بعد صلينا المغرب،،انا كنتا برتب في المطبخ وهو جاا من المسجد قبل يخش المطبخ يعمل قهوتو مشى الصالة الصغيرة شوية كده وكنتا سامعه صوتو بقرا قران تحديدا سورة الرحمن 💕،،،يعني أنا الصوت خلاني اقهي ماشاء الله تبارك الرحمن صوتو هادئ شديد وتلاوتو مبالغة ونطقو للاحرف بصورة صحيحه جدا،،،نساني كنتا بعمل في شنو اساسا بعد خلص جاا داخل المطبخ عمل قهوتو وانا كنتا ماسكة كباية عصير،،،قولته ليهو تشرب عصير؟؟،،قال لي لالا،،قولته ليهو اممم على الفكرة القهوة الكتيرة مضرة،،،يعني قلل منها،،طبعا ما ردا لي بس عاين لي وطلع،،تلفوني رن كانت فوفة اول ما رديت قالت لي العروس يختي إنتي قدمتي خلااااص ما نفسك نطلع 😭😭😭😭قولته ليها نفسي والله بس ماف طريقة،،قالت لي نعم،،نينا جاده بتقولي ماف طريقة،،انتي الكنتي بتقنعيني للطلعات💔،،قولته ليها بس حاليا الوضع اختلف شوية،،قالت لي الاختلاف في شنو أنك بقيتي متزوجهه؟؟؟،،،،حتى إيثار قالت كده،،يعني انتو لما اتزوجتو طلعتوني برة حساباتكم صح؟؟طيب خير يا زولة،،قولته ليها فو...قفلت في وشي الخط،،،قولته معاها حق تزعل 💔بس برضو هي ما عارفة انو الواحده لما تتزوج وضعها بختلف،،اذا كانت بتطلع كتير طلعاتها بتخف مكالماتها بتخف حتى سؤالها بخف ما زي زمان الا لو هي ما مسؤولة هنا الوضع ممكن يختلف،،،،اتصلتا على إيثار قالت لي اسي كنتا عاوزة اتصل عليك ما ح تصدقي قولته ليها شنوو قالت لي طلعتا حااااامل💕 قولته ليها الف الف مبروك يتربى في عزكم،،قالت لي تسلمييي،،بعدها جبتا ليها سيرة فوفة،،قالت لي والله يا إيناس أنا احيانا بمسك التلفون بكون عاوزة اتصل عليها بنسى أنا مسكتو ليه اصلا 🤦💔 متلوووومين ومتكومين والله بس نعمل شنوو!؟،،قولته ليها بتقدري تطلعي بكرة؟،،،قالت لي ما عارفة بشوف اسماعيل وبرجع ليك قولته ليها طيب،،،بعد قفلت مني مشيت عشان اخد إذن من أحمد،،،قولته ليهو أحمد،،قال لي ايوة،،،قولته ليهو بكرة عاوزة امشي لصحبتي بس ما ح اتأخر كلها ساعتين وبرجع،،سكت شوية وقال لي طيب امشي ليها،،قولته ليهو شكرا،،،،ايثار أكدت لي في رسالة أنها ماشة،،،،،لما جيت انوم شايفة احمد ماسك الجيتار وبقلبو يمين وشمال،،،،قال لي انتي اليوم طلعتي الجيتار صح؟؟،،قولته ليهو اممم صح بس عرفتا كيف أنا رجعتو زي ما هو،،قال لي رجعتي مقلوب وابتسم 🤦😂،،،بقيت بس اعاين ليهو،،قولته ليهو طيب تصبح على خير،،قال لي وانتي من اهل الخير،،،انا اصلا ما كنتا عاوزة انوم بس دامو شال الجيتار معناها اكيد عاوز يعزف،،،بعد طلع من الغرفة أنا اتسحبتا براحه براحه مشيت لقيتو في المظلة البرة بعزف وبغني أغنية غربية رهيبةة،،،كنتا مندمجه لدرجه مغمضة عيوني وبدندن 😂😂فجأه حسيت بضل في وشي فتحتا عيوني لقيتو قدامي 🙂،،قولته ليهو كنتا عاوزة........ قال لي الناس لما يكون ما جايها نوم ما تقول للناس انها عايزة تنوم..ودخل خلاني واقفة 😂😂....
