بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
_لما طلعتا وختيت العصير قدامهم،،،شربوا وعلى طول قاموا،،،امي قالت ليهم اقعدوا،،خالتو فتحية قالت ليها على عجلة والله 💛يلا فتكن بعافية،،،امي قالت ليها الله يعافيك،،،قدمناهم لحدي الباب،،،بعد دخلنا جوه،،قولته لامي زيارة غريبة،،،كنتوا بتقولوا في شنو؟؟،،،قالت لي جات طلبتك لولدها،،،قولته ليها ولدها منوو 😳😳،،،قالت لي الكبير،،أحمد،،،طبعا قلبي قرب يقيف،،،كيف يطلب يدي؟؟،،لا هو حاسس بشنو؟؟،،،امي قالت لي سكتي يعني!!،،عموما أنا عارفاك ما ح توافقي بس قولته ما احرجهم قولته ليهم بشاورك إنتي وادم واوريهم الرد،،،قبل اتكلم تلفوني ضرب،،،مشيت شلتو لقيتو مازن،،رديت الو،،،قال لي نينا كيفك!،،قولته ليهو كويسة وانت!،،قال لي بخييير والله،،،مشتاق ليك أنا،،،ما رديت عليهو،،،قال لي ايناس،،قولته ليهو اها،،،قال لي فكرتي في موضوعنا؟؟،،،قولته ليهو اممم موضوع زواجك مني!!،،قال لي أيوة،،،فكرتي صح!!،،عاوز اعرف ردك،،،"قولته لنفسي ارفضي وخلصي نفسك منو""،،،قولته ليهو مازن أنا اتقدم لي عريس قبلك ووافقتا عليهو،،،قال لي كيف كيف؟،،كيف تعملي كده وانتي من زمان عارفة أني عايزك وما عايز غيرك،،،قولته ليهو يااخي وكلامك ده بأمارة شنوو؟؟،،خليني اذكرك إنو انت فصلتها مني عشان بت يا استاذ +اساسا أنا نسيتك ونسيت الموضوع ده،،،قال لي كذابة إنتي لسة بتحبيني واكيد وافقتي على العريس ده عشان تغيظيني،،،قولته ليهو اغيظك!!،،يا إنسان أنا في حساباتي ما خاتاك وأنا خلاص وافقتا ومستحيل اتراجع لاني موافقة عليهو عن قناعة 💛،،،قال لي قولتي كده تمام ربنا يسعدك وقفل الخط في وشي،،،امي جات قالت لي كنتي بتتكلمي مع منو؟؟،،،قولته ليها كان مازن،،،قالت لي اها قلتي ليهو شنو 😻😻 وافقتي مش؟؟،،،قولته ليها لا طبعا،،انا رفضتو،،،قالت لي ليه يا بت انتي مجنونة،،انا وريتك زي مازن ما بتلللقي،،،قولته ليها ليه هو ملاك مثلا يعني!!!،،،قالت لي تعالي هنا انتي ما يكون في شي بينك وبين الاسمو احمد ده؟؟،،،قولته ليها لو كان في اكيد انتي كان عرفتي،،،ماف يا أمي بس ح يبقى في،،،داخلة اخد لي غفوة،،،دخلتا وقفلتا الباب علي،،بقيت ماشة وجاية في الغرفة،،،راسي ضرب،،ايوة صح أنا معترفة إنو عاجبني واي شي وينفع اصاحبو بس انو يبقى راجلي لالالا،،الفكرة في حد زاتها مرعبة،،،اعيش مع أحمد في بيت واحد؟؟ كيييف،،،ختيت يدي على راسي وقولته لنفسي كيف تقولي لمازن انك موافقة،،،ح تعملي شنو!!،،ح تتراجعي!!،،،ايوة ممكن اتراجع بس كيف،،لو اتراجعتا أمي ح تصر على موضوع مازن اكتر،،اووف ده شنو الأنا عملتو في نفسي ده 💔،،،،
