_أحمد وشو اتغير وبقى زي الزول الجابو ليهو خبر بكاا،،م عرفتا أقول ليهو شنو💔 عدلتا توبي بعد تعب وهو وقتها مشى جاب محفظتو،،طلعنا من الشقة وهو زي الجاري وانا لاحقة خطواتو،،،وصلنا الظلط أقرب أمجاد وقفت لينا ركبناها،،،طول الطريق كان شابك يدينو مع بعض وبقول لا اله الا الله،،قولته ليهو أن شاء الله ح يبقى كويس،،،اكيد حادث خفيف م تخاف،،،ختيت يدي على كتفو وبقيت اهدي فيهو،،،وصلنا المستشفى "نفسها المستشفى الكان شغالة فيها تسنيم اختي" أحمد بقى يسأل عن الزول العمل حادث قبل شوية وجاهم،،،وصفوا لينا في الطابق التالت،،،احمد من الحالة الفيهو والتوتر والخوف ما استنى الاصانصير حتى،،،قال لي إيناس تعالي بالاصانصير ومشى ناحية السلم بخطوات سرريعة،،،طلعتا بالاصانصير بعد فتح ووصلتا الطابق وقفتا مسااافة بعدها هو جااا،،،نفسو كان قايم وعيونو دي بقت حمرررا💔،،،،جااا دكتور ماري بينا،،احمد وقفو وقال ليهو في في شاب جابو ليكم قبل شوية عمل حادث،،هو وين!؟،،،كويس؟!،،،الدكتور قال ليهو أيوة أيوة حادث العربية الصغيرة،،هو في غرفة العمليات حاليا،،،قال ليهو غرفة العمليات ليه،،،الحادث كان كبير،،،،وريني يا دكتور!!،،،الدكتور بقى يعاين ليهو مسافة بعدها قال ليهو العربية اتقلبت بيهو بس الدكاترة والممرضين معاهو بعملوا اللازم وكل البطلع بيدهم عشان يبقى كويس،،،ان شاء الله خير،،،بعد الدكتور مشى شئ طبيعي اي زول في مكانا يهبط من الكلام ده،،،احمد ختا راسو على الحيطه وبقى واااقف مسافة ما بتحرك ولا ببدي اي ردة فعل،،قولته ليهو أحمد جيب تلفونك،،،امك واخواتك لازم يعرفوا،،،ولا قال لي إنتي بتقولي في شنو،،،دخلتا يدي في جيب الجلابية طلعتا التلفون بعد زنن مني وهو ما واعي لي زي الناس فتح التلفون،،،زحيت منو واتصلتا على رقم رهام،،مكالمتين حتى ردت،،قالت الو اي يا أحمد!،،،قولته ليها معاك إيناس يا رهام،،قالت لي نوسة العروسة❤️قولته ليها اتصلتا عشان اقول ليك إنو فارس...قبل اتم جملتي قالت لي لو عاوزين تعرفو فارس وصل ولالا فهو وصل بس أنا خليتو يطلع تاني يجيب لي عشاا اتأخر شديد ياخ وبتصل عليهو تلفونو م بخش معاي،،،قولته ليها رهام لو قاعدة اقيفي ولو واقفة اقعدي،،،قالت لي في شنو!!،،،اها قمتا،،خوفتيني يا بت،،،قولته ليها قبل شوية اتصلوا علينا وقالو إنو فارس عمل حادث وحاليا نحنا في المستشفى،،،قالت لي شنووو كيف يعني حادث😳😳،،،فجأه بقت تبكي وتقول لي انتي متاكده فارس عمل حادث 💔💔،،،قولته ليها نحنا في مستشفى (...)،قالت لي طيب طيب.
______________________________
رهام مشت لامها وهي بتبكي وبتقول ليها يا ماما فارس عمل حادث،،،خالتو فتحية قالت ليها ح ح حادث،،،،لا اله الا الله محمد الرسول الله،،الكلمك منو؟،،قالت ليها إيناس وأحمد حاليا معاهو في المستشفى 😭😭،،رهام لبست عبايتها وامها اول توب قداما لبستو وطلعوا،،،،الطريق كلو بتتحسبن لحدي ما وصلوا المستشفى،،،جونا طالعين فوق،،،خالتو فتحية اول ما شافت أحمد قالت ليهو اخوك،،،اخوك مالو،،،احمد قال ليها بصوت ضعيف ما ما عارف💔،،،ختت يديها على راسها وبقت تقول حسبي الله ونعم الوكيل،،،،انا قلبي كان حاسسني والله العظيم قلبي كان حاسسني إنو طلعتو دي ما لخيير،،يارب تلطف بيهو،،بقت تبكي بحس طولها ورهام ماسكاها،،،التفتت عليها وقالت ليها زحي زحي مني كلو بسببك💔،،،""أسوأ حاجه في الحياة تحصل كارثة ولمجرد انك كنتا سبب بغير قصد فيها،،كل الناس بتبدا تلومك وتفرغ غضبها فيك،،في حين إنو ده قدر""،،رهام بقت تعاين لامها ووشها بدل على أنها متحسسرة،،قالت ليها يا ماما،،قالت ليها اسكتي اسكتي،،لو كان ما قلتي ليهو يطلع ما كان طلع والله ما كان طلع 💔،،،في ممرضة جات قالت لينا لو سمحتوا اصواتكم عالية ممكن تنزلوا تحت لانو الوضع هنا ما بتحمل اي ازعاج واكيد لو في اي تطورات انتو ح تعرفوها❤️ الدكاترة بعملوا كل البطلع بيدهم حاليا عشان ينقذوا المريض،،فانتو بس ادعو ليهو بدل البكا والنواح،،الف لا بأس عليه❤️،،،قالت كده ومشت،،،قولته لخالتو فتحية خلينا ننزل تحت،،،قالت لي ما بقدر يا بتي ما بقدر،،،ياربي الحاصل عليهو شنو جوه كرعلي يا ابوي انا كرعلي،،،قولته ليها أن شاء الله ح يكون كويس صدقيني،،،بعدين ربنا موجود،،وهو قادر على كل شيء خلينا ننزل نصلي وندعي ليهو،،،يلا يا رهام،،،،احمد كان واقف وسرحان،،،،ما حاولتا اتكلم معاهو لانو م عارفة ردة فعلو ممكن تكون كيف وخصوصي إنو الحادث ده شكلو هزاهو شديد 💔،،،نزلتا مع ناس خالتو فتحية،،،سوقتها الحمام أول خليتا غسلت وشها بعدين اتوضينا ومشينا مصلى النسوان عبارة عن زاوية صغيرة كده عاملنها في المستشفى،،،رهام كانت بتبكي وبتقول لي أنا السبب 💔،،ياريت لو كنتا مكانوو،،،قولته ليها م تقولي كده،،،ده قضاء وقدر،،،ربنا يرفعو أن شاء الله،،،صلينا أنا وخالتو فتحية،،،دموعا نهائي ما وقفت بس بتبكي،،،رهام اتصلت على رنا كلمتها وكلمت ناس خالتو سعاد،،،لحدي الساعة ١١كده المستشفى دي اتملت بيهم،،،خالتو سعاد قالت لي فارس مسكيين يا حليلو،،م طلع من غرفة العمليات،،،قولته ليها ما عارفة والله💔،،،ابوي قال لي أحمد وين؟،،وصفتا ليهو مكانو وبقيت قاعدة بهدي في اخوات أحمد وامو،،،منظرهم كان يقطع القلب💔💔خالتو سعاد قالت ليهم استهدوا بالله م تعملوا كده،،،محنة وتعدي بس ندعي ليهو كلنا وان شاء الله ما بتجي عوجهه،،،،،،ابوي لما طلع لقى أحمد ببكي اول ما شافو مسح دموعو 💔،،،ابوي قال ليهو كفارة للزول ده،،،شد حيلك يا ولدي،،امك واخواتك حالتهم صعبة،،اتماسك عشانهم،،،هز ليهو راسو وبس،،،شوية والدكتور جاا طالع،،احمد مشى عليهو بلهفة،،قال ليهو طمني يا دكتور!،،،الدكتور قال ليهو ما ح اكذب عليك حالتو كانت خطيرة ولسة في خطورة على حياتو،،،احمد قال ليهو بكواريك كييف يعني،،وانتو ليكم كم ساعة جوه بتعملوا شنو،،فارس ما لازم تحصل ليهو حاجه فاهم،،،ابوي مسكوا وقال ليهو أحمد،،،الدكتور قال ليهو أنا مقدر الوضع الأنت فيهو،،،وانا ك دكتور اكيد لو في يدي حاجه انقذو ما بقصر وده واجبي اتجاه كل المرضى،،في احتمالية اعمل ليهو عملية تانية بكرة،،لانو الجزء الشمال مضرر،،معظم الإصابات في الراس والجزء الشمال ودي مناطق حساس جدا فلازم نتعامل معاها بوعي اكتر من كده،،،بعد الدكتور مشى أبوي قال لأحمد شفتا الوضع خطير برغم من كده لازم تطمن امك واخواتك،،،انا واثق لو فارس كان محلك،،اكيد كان خفف عليهم الحالة الهم فيها❤️،،،،،،بعدها لم نزلوا،،،ابوي قال ليهم الدكتور قال ح يعمل اللازم عشان فارس،،،قعدتكم في المستشفى ما ليها اي لزمة،،امشوا ومن الصباح تعالوا،،،،احمد قال ليهم ايوة،،قعد جنب امو وقال ليها أنا ح اكون معاهو وانتي ارجعي البيت ارتاحي م تنسي انو عندك ضغط،،،اكيد فارس ما ح يرضى يشوفك بالحالة دي 💔،،،،كانت بتبكي بس،،،بعد محااااولات حتى اقنعوها ترجع،،،رجعت هي ورهام ورنا،،ابوي وخالتو سعاد كانو قاعدين،،،قولته ليهم حتى انتو امشوا يا ابوي،،،خليتو ناس خالد براهم صح؟،،،ابوي قال لي اي والله بس البيت مقفل م تخافي،،،قولته ليهو حتى لو الدنيا ما معروفة والوقت اتأخر،،،خالتو سعاد قالت لي نخليكم براكم كيف،،،قولته ليها بنقعد عادي،،ابوي قال لي خلي بالك من أحمد حالتو اصعب من ناس بيتهم،،،قولته ليهو حاضر،،،خالتو سعاد قالت لي لو حصلت اي حاجه او احتجتي حاجه اتصلي علي! قولته ليها طيب،،،بعدها مشوا،،،ابوي مسكني مفتاح عربيتو،،قال لي خلو العربية معاكم م معروف بالليل ده يحصل شنو،،يمكن تحتاجوها،يلا يا بتي لحدي الصباح،،،،بعد طلعوا،،،مشيت قعدتا جنب أحمد،،،م كان في كلام يتقال لحظتها ولا كنتا ح اقدر اخفف عليه مهما اتكلمتا،،،عاين لي في عيوني،،مسكتا يدو وضغطا عليها❤️فضلنا في المستشفى لحدي الصباح وانا غفيت شوية بس أحمد ده نهائي عينو ما غمدت 💔.
