بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
_من كلام أمي خمنتا الموضوع،،إيڤا كانت واقفة قصاد أمي وقالت ليها العرس بدونك ابدا ما ببقى لي وأنتي عارفة كده كويس،،،والنور والله العظيم تلاتة راجل ماف منو،،،،يعني شنو متزوج؟،،،هل ده سبب يمنعو إنو يتزوج تاني؟،،اكيد لا يا أمي ودام هو عاوزني بالحلال فده بخلي اصراري يزيد عليهو❤️،،،،امي قالت ليها متزوج يعني مسؤول،،،يعني عندو أسرة قائمة بذاتها،،يعني متى ما زهج منك ح يطلقك ويرميك،،،إيڤا قالت ليها طيب ليه أبوي ما عمل كده؟؟،،مش المفروض كان يطلق خالتو سعاد!! عشانك وعشانا،بس وقتها هو اتمسك بيها،،عارفة ليه؟،،،لانو راجل قدر كلمتو،،،وانتي الطلبتي الطلاق وبيتنا اتجهجه وابوي بقى بعيد مننا 💔،،،قالت ليها خلاص بقيت أنا السبب،،،وبرضو يا إيڤا ما ح تتزوجي ولا تحلمي بكده،،،وعلى طول دخلت غرفتها،،،تسنيم قالت ليها الوضع اتعقد 💔،،،قولته ليها نسبة لانو الموضوع ده مؤثر على أمي فاكيد ما بتكون حابة واحده من بناتها تعيش نفس التجربة،،او على الأقل تكون سبب في خراب بيت واحده تانية وتاخد ابو من اولادو 💔 ردة فعلها متوقعة يعني،،،بس إنتي يا إيڤا اتكلمي مع أبوي هو قادر يقنعها صدقيني،،،قالت لي أنا اتصلتا عليهو أمس،،قال الاسبوع الجاي بالكتيير ح يكون هنا❤️،،،قولته ليها حلوووووو بس اتفائلي،،تسنيم قالت لينا بنات حصلت حاجه كده وعاوزة رايكم قبل اتهور،،،إيڤا قالت ليها احكي،،،قولته ليها حاجه شنوو؟؟،،قالت لينا فارس،،،انا وايڤا بصوت واحد قولنا ليها مالووو😂😂،،،قالت لينا بكرة عازمني طلعة من الصباح وقال ما ح يقبل مني اي عذر مهما حصل 💔،،وقبل شوية رسل لي في الواتس إنو عاوز رد،،،قولته ليها إنتي ما عاوزة تقابلي ليه يعني!!،،،إيڤا قالت لي ده الأنا بنبح وبقولو طوالي،،،قالت لينا انتو بكل عقلكم شايفين إنو أنا ينفع اطلع مع فارس،،،واحده بالحجم ده التقول أم لكذا طفل😂 ينفع تطلع مع ولد هو في الحقيقة اكبر منها بس الناس بتشوفها هي الكبيرة 💔،،،انا الاحاسيس دي من وأنا في الثانوي ما فارقتني 💔،،احساس تكوني براك،،،كل ولد بعتبرك اختو وبس،،،حتى لو حبيتي واحد فيهم ما بتقدري تقولي حاجه وحتى لو هو حباك ما اعتقد يعترف ليك ولو اعترف ح يتعقد من كلام الناس 💔،،،يا بنات أنا داخلة في كمية تراكمات واكتئاب ما طبيعي،،،انا تعبتا جد جد والله العظيم تعبتا شديد 💔تعبتا من افكاري من نفسي من وزني 💔،،،قولته ليها تسنيم إنتي عندك القرار على فكرة سوا عاوزة تضعفي أو لا،،،واكيد ح يكون في واحد قادر يتقبلك بكل حاجه فيك وح تكوني على قلبو زي العسل❤️،،،،إيڤا قالت لينا والواااحد ده فااااارس ها ها صح صح وبقت تدغدغ في تسنيم 😂😂❤️،،،تسنيم قالت ليها أنا ما بنكر إني مشدودة ليهو من فترة بس،،،بس الاحساس الجواي ده لازم اوقفو،،انا ما واثقة اذا هو عندو لي حاجه ولالا،،،قولته ليها شكلو كده عندو،،واكيد طلعة بكره دي ح توريك الحاصل كلو❤️،،،قالت لي نشوف.
