بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
_بعد تسنيم سافرت 💔 رجعنا البيت أنا وامي وايڤا مشت على شغلها،،،البيت كان هادئ كده وما فيهو روح،"دايما في اي بيت بكون عندك اخ او اخت لو بات برة البيت او غاب كم ساعة بس بتحس نفسك مخنوق 💔حتى البيت بفقد هيبتو بغيابو 💔"،،،،امي قالت لي خلت لينا البيت شين،،،قولته ليها هي مش ح تقعد شهر،،قالت لي لالا يمكن تجدد،،،لكن برضو احسن نفسياتها تتحسن 💛قولته ليها أيوة صح،،،،اليوم داك شغلتا نفسي شديد عشان ما اتذكرا مع إنو كل مكان بذكرني بيها،،،،،إيڤا جات راجعه المساء لقتنا مستائين حاولت تغير الجو،،،عملت لينا عصير وفشار،،،قالت لينا بكرة تسنيم تجي وتكرهكم البيت والله 😂😂😂،،،قولته ليها أنا اشتقت ليها ياخ 💔،،قالت لي ياخي ياخي،،اتأقلموا على كده وخصوصي إنتي يا أمي،،،امي قالت ليها ليه في شنو،،،قالت ليها ما هو نحنا ما قاعدين ليك 🐸💔مصيرنا نتخارج،،،امي قالت ليها بمناسبة الموضوع ده،،ان شاء الله تكوني عقلتي واتراجعتي عن قرارك،،،قالت ليها لا ما اتراجعتا+إنو قبيل أبوي اتصل علي وقال جايينا بكرة المساء عشان يتكلم معاك في الموضوع ده،،،قالت ليها وفكرك ابوك ح يغير لي راي،،،انا قولته ليها كده يا أمي قبل تنفعلي،،،انتي العرفك شنو إنو إيڤا ح تعاني وانو بيت المرة الأولى ح يتخرب بسببها وانو ح تحصل الف مشكلة بس علشان هي اتزوجت راجل متزوج،،،مش يمكن يحصل العكس،،يكونوا كلهم متفاهمين وما تحصل ولا مشكلة،،،ما اعتقد انو تجربتك تتكرر مع مرت النور الاولى ولا قصة خالتو سعاد تكرر مع إيڤا،،،يمكن هم يتفاهموا،،،او حتى يمكن ما يتفقوا بس كل واحده ح تكون كافية خيرها شرها 💛،،ما شرط نفس التجارب والقصص العشناها تتكرر مع غيرنا أو اولادنا،،،وما صح اصلا نوقف قراراتنا بناء على احتمالات يمكن ما تحصل ايڤا كبيرة بما فيه الكفاية وعاقلة ومسؤولة عن قراراتها البتاخدها،،،يعني لو كانت حاسة بنسبة ١٪ إنو النور بيتو ح يتخرب بسبب زواجها منو فأنا متاكده أنها ح تتراجع،،،،امي إنتي والداها ومربياها يعني المفروض تكوني عارفة هي شنو،،،قالت ليها ما هو ده زاتو المحيرني،،انا والداها ومربياها،،،والمفروض هي تكون عارفة كويس أني ما ضدها ولا ضد أنها تتزوج،،انا مشكلتي كلها في أنها تتزوج راجل مرة،،،الراجل بلف بلف وبرجع لام اولادو ومرتو الكبيرة،،،الخوفة إنتي يطلقك ويرميك مع شافع ولا اتنين،،ساعتها ح تقولي يا منو!!!؟،،،،إيڤا قالت ليها ماف حاجه إسمها يلف يلف،،ده زواج زيو زي زواجو الاول،مرتو على راسي من فوق هي واولادها 💛،،والراجل ما بتحكمو مرة يا أمي،،بحكمو عقلو ورجولتو وتصرفاتو،،،غير كده لا،،،قولته ليها بالظبط كده،،،،امي فضلت تعاين لينا وقامت مشت غرفتها،،،إيڤا قالت لي شكلها كده بدت تقتنع،،،قولته ليها أنا يدوب عرفتا أنا جايبة قوة الراس من وين 😂😂😂🙊،،،بس صدقيني هي غير مصلحتك ما عاوزة،،هي خايفة عليك وخوفها مبرر،،،بس ح تقتنع وح تشوفي 💛💛،،،قالت لي أن شاء الله ياخ 😪،،،قبيل شفتي الهدية حقت فارس لتسنيم واااي جاااني شلل فقلبي 😭😭😭😭😭😭💛،،،،قولته ليها يا بختها بده صاحب 💛💛،،قالت لي صاحب شنو إنتي صدقتي 😂😂😂😂 الود بموت فيها والله💛💛،،،،،قبل انوم فتحتا الواتس اب وختيت صورة تسنيم كتبتا عليها "جميلتي بات المنزل هادئا عودي سريعا فإزعاجك وتلك الضحكات العالية افتقدها حقا 💔" فارس رد علي بقلب مكسور 💔،،،قولته ليهو انت كويس؟،،،قال لي لا بس الحمد لله،،قولته ليهو على فكرة هي ما علقت على الهدية بس كانت بتبكي وهي ماسكاها 💔قال لي أنا بحبها والله العظيم بحبها❤️قولته ليهو م عارفة اقول ليك شنو بس استودع كل حاجه لربنا واكيد ما بحصل إلا كل خير❤️.بعدها سجلتا رقم أحمد علشان لو حصل واتصل تاني ارد طوالي.
