بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
_طبعا إيڤا بقت تعاين لأمي بخلعة،،،أمي قالت ليها بتكلم معاك افتحي خشمك ده ردي لي كنتي بتعملي شنو في البيت ده؟؟،،،قالت ليها مشيت لنون،،،،قالت ليها خشي جوه لمن اجي،،وطوالي مشت،،،إيڤا قالت لي واااي هي ماشة وين؟؟،،قولته ليها السوبر ماركت،،وسجمك الليلة هي اصلا زهجااانة،،،قالت لي يا زولةة أنا م عملتا حاجه غلط وبعدين أمي دي شايلاها مع نون ساي،،،على فكرة نون ما زيهم والله،،،قولته ليها زيهم ولالا،،الليلة ح تدقي،،كده تعالي،،،دخلنا لقينا تسنيم بتاكل في الباسطة وكان فضل اخر قطعه،،،إيڤا قالت ليها بكبووووظةةة❤️خلصتيها كلها يا كافرة،،قالت ليها أي حلوة حلا،،ايناس هاك القطعه دي،،،قولته ليها كتر خيرك 😏،،إيڤا قالت لينا اسي أنا أعمل شنو ولا اقول لامي شنو؟؟،،،تسو قالت ليها في شنو اصلا،،،قالت ليها شافتني طالعة من بيت ناس نون 💔،،،تسو قالت ليها سجمك مخيرة،،انا بقفل غرفتي علي وبعمل ميتة،،مش كفاية قبيل كان عندهم مشكلة وو.....،،،إيڤا قالت ليها أنا م عارفة لكن،،،هي اتصلت علي وقالت العريس الكان مفروض يتقدم ليها غير رايو وليها كم يوم بتتصل م برد عليها،،واول ما اتصلت عليهو من رقم غريب رد ولما عرف دي هي قال ليها انسي أني قولته عاوز اتقدم ليك وكده 💔،،،،قولته ليها على قول أمي وأنتي حلالة مشاكل،،،المهم إنتي اتصرفي عادي وم تجوطي اياك تجوطي،،،تسو قالت لي ده بت قليلة ادب اسي ح ترفع صوتا وتقل أدبها وأمي تنفسن بسببها والاكل يتحرم علينا 😭😭،،،قولته ليها الدخل الاكل هنا شنو اسي 💔😂،،،قالت لي أكيد أمي م ح ترضى تاكل وانتي ما ح ترضي عشان امي ما رضيانة وإيڤا ح تكون في شغلها،،وانا لو اكلتا أمي ح تحس اني ما عندي دم 😭😭💔عشان كده ما تتشاكلوا عليكم الله،،،قولته ليها في الحقيقة إنتي فعلا م عندك دم 😂😂😂،،،فجأه سمعنا صوت الباب،،،ايڤا ولعت عيونها وقعدت جنب تسنيم،،،تسنيم حاولت تقوم بس إيڤا ماسكة فيها،،،قالت ليها فكيني أنا والله ما بقدر انضرب معاك،،خلي ينجضوك بالمفراكه براك 💔😭،،،،امي جات ودخلت المطبخ،،ختت اكياسها وبعدين طلعت لينا برة،،،،فضلت تعاين لينا واحده ورا التانية،،،قالت لإيڤا إنتي يا ايڤا لما أنا أقول ما تعملوا حاجه بكون قصدي اذيكم يعني ولا احميكم؟؟،،،قالت ليها تحمينا اكيد،،،قالت ليها طيب أنا لما مانعاك من بت قمر دي وانتي بتمشي ليها معناها شنو!!بتكسري كلمتي صح،،،قالت ليها يا ماما والله إنتي فاهمه البت دي غلط،،،قالت ليها لا غلط لا شي،،،الصح ده صح،،،الناس ديل مما سكنا في الحي ده يوميا على الله مشكلة شكٍل واحيانا بتوصل مشاكلهم القسم،،ويوميا ريحه شيشتهم وسجايرهم دي طاقة نسوان على رجال،،،ده يبقى بيت اسرة مسؤولة؟؟؟،،،اكيد لا،،،وانا ساعة مانعاك من البت دي يبقى رجلك فوق رقبتك تسمعي الكلام وبدون نقاش حتى ودي المرة المليون احذرك منها،،،المرة الجاية ما بحذرك بقع فيك ضرب لمن الله يغفر ليك،،ما تقولي بقيتي كبيرة،،والله لو بقيتي طول البيت ده بقدر احسمك وادخلك في علبك فاهمه ولالا؟،،إيڤا طبعا أهون عليها يضربوها مما تسمع كلام حار،،كانت جاهزة تنفعل بس تسنيم عصرتا بيدها 😂😂،،وقالت لامي خلاص يا أمي أن شاء الله ما ح تضطري تتكلمي معاها أو معانا بخصوص الموضوع ده❤️،،،قالت لينا داخلة اصلي وانوم،،،قولنا ليها طيب،،،بعد دخلت غرفتها،،إيڤا خبطت تسنيم قالت ليها ليه ما خليتيني اتكلم،،،يخوانا والله والله البت دي مسكينه وطيبانة لمن عوارة،،بس انتو فهمكم واتجاهكم واااااحد،،،قولته ليها يمكن تكون كده فعلا بس يا إيڤا امي قالت كلام يبقى خلاص نتلزم بيهو وبطلي كلام كتير،،عاوزة تشوفيها وتلاقيها لاقيها برة الحي بس،،،ما الا تجيك وتمشي ليها،،،قالت لي فكرة برضو،،،المهم كده استحمى واجيكم 💛،،،،انا مشيت صليت وكالعادة سرحااانة فجأه جاني مزاج ارسم،،،طلعتا لي ورقة وقلم رصاص وختيت جنبي كم لون غامق وقعدتا في الارض وبقيت ارسم،،،اساسا من وأنا في الاساس برسم وعلى طول بس من وقت ارتبطا بمازن ما بتذكر قعدتا ورسمتا،،على طول كنتا مشغولة بيهو وبالي معاهو،،،كان معيشني في وهم كلو طار بشوفتي ليهو الليلة ده حتى في عيوني ما عاين،،،هل هو اساسا ما حباني ولا كان بلعب بي ولا بحبني بس ااتضطر يبعد،،بقيت ما فاهمه حاجه،،،،وقفتا تفكير وركزتا على الرسم 💛
