وخز الدبابيس ... لانك تعنيني

١٦

بسم الله قبل ما نبدا ..

الرواية دي قيد الكتابة يعني اول ما الكاتبة تنزل انا بانزل باذن الله تعالى .. 

فما تسالوا عن الباقي ..  

قراءة ممتعة 

ــــــــــــــــــــــــــــــــــــــــ

_لما أحمد رشاني بالموية غضب الدنيا كلو اتجمع فيني وبقيت شايفة طشاش طشاش 💔وهو بكل بساطة يقول لي عيونك حارقاك؟؟،،،بقيت أضرب فيهو وألزو لورا واجوط ودموعي جارية لانو حقيقي زعلتا 💔💔قولته ليهو حيوان أنت حيوان في زول بعمل كده،،مشكلتك شنو معاي،،،يعني مستحيل يكون ده هظار،،الناس بتهظر كده؟؟،،،اول حاجه بارد وسخيف وشايف نفسك وما شايف زول ولا مراعي لزول،،،حاول يمسك يدي أثناء ما بضرب فيهو قولته ليهو اوعك،،زح مني،،،وعلى طول طلعتا من الموية وأنا ببكي 💔،،،شلتا شنطتي ولبستا شبطي،،،ماجد بقى بحاول يتكلم معاي،،حتى فارس ورهام قالوا لي ماشة وين وووو،،،،احمد كان لسة واقف مكانو،،،فارس قال لي أنا بعتذر ليك بالنيابة عنو،،قولته ليهو ما حصل شي أنا ماشة،،،رهام قالت لي لا ياخ ما تمشي،،،احمد غلطان والله ما كان مفروض يعمل كده،،،قولته ليهم خلوني امشي بس،،،ماجد قال ليهم طيب يا شباب خلوها على راحتها،،لانها ما ح تقتنع ليكم،،،انا ح اوصلا البيت،،،مشيت قدام ماجد وانا دموعي نازلة عشرة عشرة،،الموقف كان بايخ بالجد 💔،،احمد اتعامل معاي بطريقة عدوانية 💔وليه أنا ما عارفة 💔،،،،فارس عاين لاحمد بنظرة عتاب وقال ليهو ليه اتعاملتا معاها كده يا أحمد!!ماف سبب يخليك تعمل كده،،،رهام قالت ليهو بالجد،،انت عارف البت دي من شدة رقتها صوت ما عندها،،،بس بسبب عملتك دي هي فقدت اعصابا 💔،،،ياربي تكون حاسة بشنو اسي؟؟،،قال ليهم لو خلصتوا يلا نمشي.

_______________________________

ماجد وصلني البيت وقبل يمشي قال لي هبلة انتي بتبكي لسة،،،ما تبكي ياخ،،،صح هو زود الموية حبتين وبوظ ليك مكياجك ووشك الحقيقي ظهر بس برضو لسة عسل والله😂😂⁦❤️⁩⁦❤️⁩⁦❤️⁩،،،قولته ليهو ما نفسي اضحك،،،قال لي شكلك زعلتي بالجد منو،،عموما ما تركزي،،وبعدين من متين إنتي بتزعلي من زول هو بالنسبة ليك ولا شي!!،،،سكتا وما رديت،،،قال لي أنا ح امشي،،ما تبكي طيب،،بس افضى بتصل اونسك،،قولته ليهو طيب،،بعد مشى،،دخلتا جوه لقيت أمي في المطبخ،،قالت لي جيتي بدري مالك،،،قولته ليها زهجتا بس،،،عاينت لي وقالت وشك مالو؟؟،،كنتي بتبكي؟،،قولته ليها لالا الببكيني شنوو،،ح استحمى وانوم،،قالت لي طيب،،،مشيت استحميت وبعدها رقدتا،،بفكر في الموضوع ومنظري القبيل لمن نمتا 💔،،،،صحيت بصوت تلفوني،،كانت رهام رديت ليها ب رهام،،قالت لي نينا كيفك كويسة؟،،قولته ليها كويسة الحمد لله وانتي!،،قالت لي والله أنا عارفة موقف قبيل بايخ وزعلك بس ما تشيلي في قلبك،،انا ما عارفة أحمد عمل كده ليه بس هو اكيد ما قصدو،،،قولته ليها حصل خير أنا نسيت الموضوع،،قالت لي بالجد؟؟،،قولته ليها بالحبوبة 🙊،،قعدت تضحك⁦❤️⁩😂😂😂،،،قالت لي لا لو كده خلاص⁦❤️⁩يلا باي،،،قولته ليها باي،،،امي نادتني مشيت اتغديت معاها وسألتني من مازن،،قولته ليها ما عندي اخبارو،،،قالت لي اجي كيف كده،،،قولته ليها اممم انشغلتا بالرسم وبعدين اكيد هو مشغول بشغلو يعني،،بتسأليني منو ليه؟؟،،قالت لي لانو طول ما جاا علينا،،،قولته ليها لما يفضى اكيد ح يجي.