وخز الدبابيس ... لانك تعنيني

١٨

بسم الله قبل ما نبدا ..

الرواية دي قيد الكتابة يعني اول ما الكاتبة تنزل انا بانزل باذن الله تعالى .. 

فما تسالوا عن الباقي ..  

قراءة ممتعة 

ــــــــــــــــــــــــــــــــــــــــ

_لما أمي قالت لي كده بقيت أعاين ليها مسافة،،قالت لي أها رايك شنو؟؟،،،الود ود خالتك وما غريب عليك وفاهمك وعارفك وانتو متربين مع بعض تاني عاوزة شنو!!؟؟،،،قولته ليها قصة الزواج ابدا ما ليها علاقة بإننا متربين مع بعض ولا عارفين بعض يا أمي،،،الزواج ده حاجه مقدسة بالنسبة لي،،يعني لما افكر اتزوج ح افكر مرة واتنين وتلاتة،،،قالت لي مازن كمان محتاج ليهو تفكير،،،قولته ليها طبعا محتاج ما علشان هو ود خالتي على طول اوافق بيهو،،،عموما الزول ما بتعرفي الا تعيشي معاهو،،،يمكن حاليا أنا وهو علاقتنا ببعض عادية وحلوة،،بس بعد الزواج حاجات كتيرة ح تختلف،،،فماا أعتقد إنو الشخص المناسب لي أو بالأحرى الشخصية العاوزاها،،،قالت لي كلام لكن يا بنات الزمن،،،يا بت نحنا زمان الواحده ما بشاوروها حتى تكوني قاعده كده يجوا يقولوا ليك عقدوا ليك على فلان،،،قولته ليها أمي امي امي أنا محترمة جدا فكرة الزواج بالترشيح،،ناس زمان عندهم نظرة مختلفة عننا 💛 بس برضو ده ما بيمنع أننا كمان عندنا وجهه نظر،،،وبعدين وجهات النظر ما واحده ولا شنو،،،قالت لي صح،،طيب أنا أقول لخالتك شنو اسي!!،،،قولته ليها قولي ليها أنك ما فتحتي معاي الموضوع،،،دخلتا جوه ومشيت غرفتي،،،قعدتا على طرف سريري وقولته سبحان الله،،،ياربي ده نفسو مازن الانا حبيتو وكنتا مستنية بفااارغ الصبر متين يجي ويتقدم لي!!،،،كيف حاليا ما حاسة ولا بأي شعور اتجاهو،،زيو زي اي زول،،كيف طلع من نفسي بالطريقة دي كيف،،،"سبحان الله زارع الشعور ونازعه 💛".

مرت حكاية أسبوع وامي لسة بتزن في راسي بموضوع مازن وأنا رافضة حكاية يجي يتقدم لي دي،،احسن ارفضو كده قبل يصل البيت وكنتا مقررة في اللحظة الح يتصل علي فيها ح اقول ليهو أنا ما موافقة عليك،،،،في يوم من الصباح طلعتا ومشيت لايثار العروس 😂😂،،،لقيتا قاعده في الدخان وفوفة حارساها 😂😂،،،قولته ليها خالتو محرساك ليها ولا شنو؟؟،،،قالت لي ااااي،،،يا بت بتقعد خمسة دقايق وبتقوم 😒😒،،،قولته ليها لو كده خليك جنبها،،،قالت لينا حسبي الله يا كلباااااات،،،انتو ما عارفين الشي ده بخنقني كيف 😭😭😭،،،،فوفة قالت ليها استحمل يا جميل كلو يهون عشان سمعهه 😌😂😂،،،قولته ليها ايوووة،،وبعدين كلها فترة أسبوعين وتتفكفكي،،،والله تولعيها براك في بيتك يا خسيسة 😂😂😂،،،فوفة قالت لي اصلا النوع ده خاااافي منووو،،عاملة فيها بريئة ومسكينة 😒😒،،،قالت لينا لو خلصتوا اعملوا لي مديدة ممكن!!،،،قولته ليها ثواني اقوم اعملا أنا،،،،مشيت المطبخ عملتها ليها وجيت،،،فوفة قالت لينا اسمعوني هنا أنا لو العرس ده ما طلعتا بعرييس ح اجن بالجد💔😭😭،،،قولته ليها ألف مين يتمناك يا بت بتلمي في عريس ما تخافي،،،قالت لي عاوزة واحد بس من الألف ديل،،،ماف زول متمنيني 🙂🙂،،،لو في وينهم مخلني بايرة لحدي الآن 🙂،،،بقينا نضحك فيها 😂😂😂😂🙊،،،قولته ليها ما تيأسي وبعدين اتذكري إنو الزواج قسمة ونصيب يعني،،زيو زي الولادة الموت الشغل عندو يوم محدد فهمتي⁦❤️⁩،،،قالت لي فهمتا،،،يارب لا تتوفني إلا وأنا متزوجهه يارب 😭😭،،،قولته ليها اسمها لا تتوفني إلا وانت راضي عني 😂😂😂😂سجمك وسجم خشمك 😂😂،،،وبعدين بورة شنو،،والله إنتي لسة استني لمن عمرك يبقى ٢٥سنة بعدين اتزوجي،،،قالت لي ما بالغتي 💔💔،،،كتيرة كتيرة 😭😭،،قولته ليها ده لو اتزوجتي يعني 😂😂😂،،،،ضربتني في كتفي وبقت تضحك😂😂😂.