بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
"حين ضممتها الى صدري لأول مرة علمت أن العناق أجمل من النظرات العميقة واجمل من كلمات الشعراء عن ارتباك البدايات،،علمت أن العناق ما هو إلا ترجمه لأحرف لم تُخلق بعد💕 أما عن شفتيها مذاقهما كمذاق الشهد بعد سنوات طويلة من ارتشاف الحنظل المر،،،لن أحكي عن قربها وملامستها فلو جلست أتحدث وأُأٓلف الالاف من الكتب سأملأ الأسطر كلها عن عينياها فقط ولن أكتفي 💕"
_صحيت الصباح لقيت إيناس خاتة يدها على لحيتي وانا اساسا كنتا ضاميها بيديني الاتنين 💕🌸،،زحيت شوية وبقيت أعاين ليها،،ما عارف ردة فعلها ح تكون كيف لما تصحى أو أساسا ح تتعامل معاي كيف بعد الحصل،،هو صح نحنا متزوجين والحصل ده شئ طبيعي بين المتزوجين،،بس ما كنا مخططين لليوم ده ولا عاملين حسابو،،،وانا بسحب يدي من خصرها اتحركت شوية بس ما فتحت عيونا،،،كنتا ماسكها قرابتن الخمسة دقايق بعدها سحبتا يديني براحه وختيت ليها مخده،،دخلتا الحمام ادوشتا وطلعتا عملتا لي قهوة،،،قعدتا في الصالة مسافة على أمل أنها ح تصحى كمان شوية بس لحدي الساعة ١٠تقريبا هي ما صحت وما من عوايدها تصحى متأخرة،،فقولته أعمل حركة،،،اكيد بتكون صاحية بس خجلانة،،مشيت الغرفة كركبتا على اساس خلاص طالع الشغل حتى عملتا نفسي بتكلم بالتلفون مع فارس،،،قفلتا باب الغرفة وفتحتو احساس خلاص طلعتا وكده،،،شوية وبدت تتحرك لحدي ما فتحت عيونا،،،اول ما رفعت راسها قولته ليها صباح الخير💕🌸....
كنتا حاسة بحركة أحمد لما قام من جنبي وكنتا مستنياهو متين يطلع من البيت عشان أنا اقوم حقيقي حقيقي ما كانت عاوزة اشوفو،،مش ما عاوزة اشوفو فعليا بس ما قادرة،،ما ح اقدر اقيف قدامو اصلا من الخجل 😂😂😂🤦،،،،فتحتا عيوني براحه وما كان في نفس في الغرفة رفعتا راسي شوية على اتجاه الباب لقيتووو بقول لي صباح الخير،،،ما قادرة اوصف ليكم منظري 😂😂،،سكتاا مسافة طويلة من الصدمة،،يعني هو غشاني 😭😭😭،،،بعدها قولته ليهو صباح الخير،،،رجعتا رقدتا تاني،،يعني هو المفروض يفهم بس لا كان واقف لسة 😭😂،،،لما شافني ما قمتا على طول طلع من الغرفة وقفل الباب،،،انا قومتا ومشيت الحمام اخدتاا حمامي ولبستا لي جلباب كده قصير... حرفيا اليوم داك ما اعتقد لساني خاطب لسان أحمد كلامنا كان بالاشارة ولغة العيون 😂😂😂🌸💕.
________________________________
ابتدت التجهيزات لعرس فارس وتسنيم وكنتا اغلب وقتي بقضي مع تسنيم 🌸💕،،كانت مصممة تلبس محجب،،قولته ليها ما ح ترقصي اسلو صح؟؟،،،قالت لي لا طبعا ارقص اسلو قدام أبوي بري بري دي قلة ادب دي 😂😂،،قولته ليها دي لو أنا كنتا رقصتااا غايتوو 🤦😂😂😂😂،،قالت لي بتعمليها،،،،في يوم كنتا ماشة على بيتنا لاقتني اخت نسيبة الصغيرة عمرها بكون ١٦سنة سلمت علي ومشت ناحية السوبر ماركت كان في واحد واقف ليها،،افتكرتو قريبهم أو كده،،،دخلتا لقيت أمي بتكورك في تسنيم،،قالت ليها ما عاوزة تاكلي طيب معذباني ليه كل يوم اعملي مديدة اعملي مديدة،،،قالت ليها يا عايدة عشان صحباتي وبناتك بحبوها بس والله،،،إيڤا قالت ليها ياااخي لا بالجد ما اتعرفنا مالك ما عاوزة تاكليها،،،قالت ليها عشان ارجع كلمبووظ تاااني 😒😒،،قالت ليها مالهم الكلمبوووظيين يختي 😂😂😂😂😂،،،طبعا إيفا كان يدوب عندها تلاتة اسابيع مما ولدت،،،تسنيم قالت ليها مش كفاية عرسي ما ح تحضري بس خليك ساكتة،،قالت ليها والله المفروض احضرو بس بقولوا قبل الاربعين عوارض وكده،،،وانتي اخترتي توقيت غلط يوم عرسك يدوب ح اتم شهر،،يعني ضيقة 😂😂قالت ليها خلاص نعمل الجرتق هنا عشانك،،،قالت ليها ودي عايزة كلام طبعا طبعا 💕😌،،،،قولته ليها عايني صدقت 😂😂😂،،،تنسيم قالت لي مسكييينة خليها 😂😂😂أمي قالت لينا هيي اصلا الجرتق هنا،،،إيڤا ح تكون معاها هند لحدي ما نمشي ونجي نجرتقكم هنا💕 إيڤا قالت ليها بحبك يا عايدة 😌😂😂💕،،قالت ليها لا تحبيني لا أحبك قومي اعملي الغداء سرعة،،،قولته ليهم عن نفسي راجعه البيت،،تسنيم قالت لي متين جيتي يختي دي غشوة معناها،،،قولته ليها اساسا مشيت سلمتا كم طلب وقولته اشوفكم محتاجين شنو وكده،،،امي قالت لي لالا كل حاجه تمام بس فضل الحنة الأربع الجاي وحنة العرس الخميس والجمعه العرس 💕💕،،،قولته ليها حلووو،،طيب يلا أنا ح امشي،،،طلعتا منهم ومشيت على بيت ناس أحمد،،لقيت رهام وخالتو فتحية وفارس 💕،،،قولته ليهو السيد العريس قال لي مرت اخوي،،قولته ليهو وحماتك 😌😂😂،،،قعد يضحك قال لي صح صح نسيت،،قولته ليهو كيف تنسى عاوز تسنيم تقتلك أنت 😂😂😂خالتو فتحية قالت لي كيفك يا بتي وكيف مع الشتاء ده؟،،قولته ليها والله تمام التمام انتو كييف؟؟،،قالت لي بخييير ياهو بس مع الجوطه دي،،،قولته ليها ههه الجوطة قربت تترتب،،شوية وأحمد جاا داخل اساسا ما كنتا عارفة انو ح يجي بجاي،،سلم علينا وقعد شوية،،،بعدها قال يلا نمشي نحنا،،،امو قالت ليهو اقعدوا اتغدوا يا ولدي،،قال ليها لالا فتران والله يدوب احصل البيت وانوم،،،قالت ليهو ربنا يعينك،،رهام قالت لي بهمس اعملي ليهو مساج،،قولته ليها إنتي منحرفة بشكل مخيف 😂😂😂،،بعد طلعنا ركبنا العربية واتحركنا،،كان في سؤال واقف لي في حلقي على طول سألتو قولته ليهو أنت يا أحمد ليه زمان قبل نتزوج لما كنتا بركب ورا ما بتسألني ولا بتضايق،،بتمشي الموضوع عادي ليه؟؟،،قال لي عشان هو فعلا عادي،،،حكاية انك تركبي قدام أو ورا ما مهمه المهم إنتي شايفة راحتك وين💕💕،،قولته ليهو ما كنتا بتخاف اقول عليك سواقي 😂😂،،،قال لي حتى لو قولتي مش في الآخر الواقع بقول عكس كده،،،عشان كده كنتا بخليك على راحتك بس....💕💕
