بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
_بقيت أعاين للصورة عشرة عشرة 💔،،،كانت صورة لمازن أنا بنفسي صورتها ليهو لما مرة طلعنا مع بعض،،،صح جسمي كلو بقى يرجف وقلبي ضرب شديد بس ابدا دموعي ما نزلت ولا انفعلتا خالص،،،قولته للبت ده حبيبك؟؟،،،قالت لي ايوووة❤️،،،بعدها قفلتا الشبكة اخدتا نفس وبقيت اعاين لملامحو،،،،قررتا أني ارسمو واوصل الرسمة بذات نفسي لحدي البت وكمان اعمل ليها برواز واغلفها❤️،،،،ابتديت رسم فيها على طول وكنتا مركزة شديد علشان تطلع حلوة ومرضيه،،،ما كنتا حاسة بشي وقتها،،،انا واحده من الناس التجاوز بالنسبة لي صعب بس لما الموضوع يبقى واضح قدام عيوني ومقتنعه إنو الشخص ده سلبي وما قدم لي شي غير الوجع ووقتها خلاص لازم يطلع من حياتي فبطلعوا عادي،،،،
______________________________
تسنيم دموعا نزلت وعلى طول طلعت،،،فارس طلع وراها وهو بنادي عليها،،،مسكا من يدها ولفتا عليهو،،،قالت ليهو فكني يا فارس ياااخ عاوزة ارجع انا،،،قال ليها طيب فهميني في شنو،،فجأه مزاجك اتغير،،،تسنيم في شنو في زول ضايقك من الجوه ديل،،كلميني بس،،،قالت ليهو بصرخه عشان تعمل شنو مثلا،،،ايوة ضايقوني وكل كلمة اتقالت صح،،،انا برميل يا فارس،،برميل ما من حقو يحلم يعيش ابدا،،،انا ما بت فهمتني،،،عبارة عن كتلة من الوزن الزايد 💔،،وبقت تبكي وتتكلم،،،قالت ليهو أنا خلاص ح اموت،،،الناس كلهم قرف في قرف،،قدر ما احاول اتأقلم واتعايش مع الوضع ده ما بقدر،،،عمتي طبيعي في حالة أنها بتنرفزني بكلامها،،اولاد خالتي،،الجيران،،اي زول القاهو في حياتي بنتقدني،،،كلهم قدموا لي الوجع،،،لو،،،لو واحد بس فكر مجرد كلمة شينة منو قدر شنو بتبكيني وتقهرني وتخليني ما اقدر انوم ما كان قالها والله ما كان قالها،،،انا كنتا طول عمري زي المهرج لكل واحد عرفتو في حياتي،،،بضحك لما صحباتي يقولو علي بقرة،،،ايوة بضحك يا فارس،،،بضحك عشان ما يقولوا معقدة 💔،بس اخر الليل واول ما اخت راسي على المخده ببكي،،،ببكي وقلبي بوجعني،،،انا ما عشتا حياتي طبيعية زي زي اي بت وعمري ما هعيشها،،،إيڤا وايناس على طول بجبروا بخاطري بس علشان ما ازعل وعلشان يواسوني بس أنا واثقة لقدام ما ح يقدروا يعملوا كده،،،انا تعبتا من الحوالي،،،انا بكره اي زول بعلق علي،،،بكره الناس شديد يا فارس،،بكره اطلع من البيت،،بكره البس اسكرتي علشان اساسا ما بجي قدري هههه،،،انا،،،فارس قال ليها تسنيم إنتي حلوة شديد❤️،،،وماف زول عارف الجواك ولا في زول عارف إنتي بتمري بشنو،،،ماف زول عارف مُعاناتك،،،بس صدقيني سوا فضلتي كده او خسيتي ف بالنسبة لي واحد،،،واحد يا تسنيم❤️،،،قالت ليهو ما تحاول ابدا تجاملني،،،بس لو سمحتا رجعني البيت،،،،قال ليها طيب،،،،ركبوا العربية واتحركوا،،،وهي طول الطريق بتبكي بصوت مسموع 💔،،،فارس قال ليها تسنيم خلاص الله يرضى عليك ما تبكي،،،وجعتي قلبي 💔،،،م ردت عليهو وكل ما تتذكر البنات وهم بقولوا كلمة برميل ونظراتهم وضحكهم بتزيد في البكااا 💔💔.
