كأنكِ القهوة(مكتملة)

مشهد

صباح الخيرات🌸

مشتاقة الكم 😍ولتعليقاتكم 😍وأراءكم😍

لان هيه مقتبس من أحداث حقيقة..
وأتمنى تكون مختلفة وحلوة وممتعة❤️
عن نفسي كلش حابتها❤️

هذا مشهد تقريباً من منتصف القصة

دانة💎

أحس بنفسي تخشبت ..اعيوني مشخصتها عليه..
أباوعله وفصلت عن الي يمي والي يمه..

وجهه احتقن واعيونه تباوعلي بترجي..
أنا أعيوني أحس حرارة تطلع منهم..

ما اريد أبجي كباله ..
وأبين صدمتي وأفضح نفسي
بس والله شي مو بيدي
أحس بالدمعة  تريد توكع ..

دنك ورجع باوعلي وزفر أنفاسه ..
وكام
جرتني أية ..
مشيت وهي جرني بدون أي أرادة..
التفتت أخير شي اله ورسمت أبتسامه على شفايفي الي يرتعشن من القهر..
وكعت دمعتي وياها..
ليش أبتسمت رغم الوجع الي حسيته أول ما أنهالت كلماتهم لمسامعي وهمه يتباركولة..
يمكن حتى أحييه على جرحه ..

دنكت بعدها ومشيت وأية جرني وانا أدموعي أنهالن مثل شلال ..
ماحسيت الا ماي يطش بوجهي
فتحت أعيوني كوه..
-دانه أنتي وياي
أشوف أية والقلق على وجهه
_ولج وكفتي قلبي ..شبيج ولج ليش هيج وين دانه القوية
هزيت راسي بلا
ما أكدر اتكلم أحس بغصة بلعومي ما تخليني أحجي..

ضغطت على نفسي وحجيت كوة
-فدوة خابري ليزن وتحججي هبوط بضغطي ..

هزت راسها بأي ودموعها ينزلن على حالتي..
وكفت  باوعت أنا بغرفة الطالبات
حتى شلون وصلت مااعرف
التفتت شفت لوجهي بالمراية
شلون تعب بلحظات..
عدلت حجابي
غمضت أعيوني بوجع..

🌿🌹🌿🌹🌿🌹🌿🌹🌿🌹🌿🌹🌿

فرقد❤️

من أرتشف من عينيك

نظرة

لونهما كالبن يسحرُ

عاشقٌ للقهوة

لا يرتوي من أول رشفة

فيها لسعة ومرة

لكنها

تجعل المزاج يتغير

من متعكر
الى صافي كصفاء حلو الماء

رؤياك يا معشوقتي

أدمان..

فيها منكِ ام أنتِ فيكِ منها

أم تمتزجان..

كلما  أطلت التفكير فيكِ
أحتجت لها..

وأذا قلبت الفنجان بعد أنتهاءهِ

وحاولت أن أُطالع فيه

أجدني أطالعكِ

فأنا أحبكِ أكثر مما أتصور..

أرائكم 😍

النشر انشالله حسب وقت فراغي ..

والتصويت لاتنسوه دوسون⭐️

تابعو حسابي فضلا @umjoodi123