صباح الخيرات
جمعة مباركة معطرة
بالصلاة على محمد وال محمد
مال الكلمات باتت أمامكِ بلا أمل
وذاك البريق في عينيكِ أندمل
مالي أخوض معركة
وانا فيها شبه منخذل
ولكن قلبي يأبى الا أن ينتصر❤️
صاعدين بالمترو وانا واكفه مسندة نفسي واباوع للطريق
وكل شوي يوكف المترو بمحطة بعد ان ينطق اسم المكان والمكان التالي..
بعد مانطق سُلطان أحمد المحطه القادمة باوعت لعلي الي ضام ضحكته
ايه أول ماوكفنه وحرك ماتوازنت وطاحت
وظلت مستحية..
تكول يافشله الفشلة ..
حسوني بالعربانه مالته..
الصبح من أجو شافوني أتوسلو نطلع نتونس رغم تعبانه
أستحيت أرفض ومااردت التقي بفرقد..
اوووف يمامة من ارجع لازم اسولفلها..
لان من ظلت تتعذر أية
باوعتلي تريد تفهم شنو الي صار..
خابرت لكمال خبرته راح اطلع وياهم..
وصلنة توقف المترو نزلت قبلهم..
أخذت العربانه منهم
وهمه يضحكون ..
تقربت يمي وحجت ناصي
-عاااا ولج انا واكفه مامسويه شي وطحت
وذول الولد والبنيه ماتهين يتباوسون واا يمهم
يكض بريك يطير هههههه
-هههههه ولج راح شبعين من هيج مناظر
ولايمهم هههههه
المكان يجنن جايته قبل انا وكمال
ويمامة..
شارع وعلى الجهه اليمنه الحديقه الجبيره مرتبة بشجيرات واشجار كبيره وحشائش وبعدها من تركز سوف قبة جامع
ظلينه نفتر بالحديقة وزرنه الجامع من داخل..
طلعنه وظلينه نمشي ونسولف..
وكفنه نشتري ذرى مشويه وكستنا وعلي يحجي بالفون
باوعلي بتوسل
- راح ادزلك العنوان نظل ننتظرك..
عرفته هوه يريد يجي
سد الفون باوعلي
انا سويت نفسي التهيت بالكستنا أفتح الكشر وأكل
وأيه هم
تحمم دانه فرقد شوي ويجي
لخاطري سمعيه
_غالي ابو حسين بس لا تتوقعون مني شي..
سكتت
وكعدنه على مسطبه
وناس رايحه وناس جايه
واية وكفت كبال علي لا تباوع
ضحك
-هههههه ادري المن جاي اذا اغمض
كعدت عاقجه الوجه
شوي وفات واحد
أشكر اعيونه زرك لابس برمودا كابوي وتشيرت ابيض وجنطة شايلها على كتفه
يلتفت يمنى ويسرى
صاحت تغيض علي
-باعي هذا الصاك
جاوبتها
-اي والله بقلاوه بعد وبتركيا اويلي
وكف كبالنه علي خزرنه
-شلون شحجيتن
جاوبته ايه بس انتو تباوعون
للحلويات الي اهنا هم احنه نباوع هههههه
ضلو يداهرون
وانا شفت
ولد يطش الحنطة بالكاع والتمن الحمامات
نزلت حسوني وراح يمشي بخطوات بطيئة الهن وانا أصورة
رحنه يمهن شفت الولد يشتري من مره تركيه كبيره بالعمر الحنطة
طلعت ٥ليرة وأطتني
طشيتلهن وهذا اتونس انصفكله وهوه يلعب
ايه اشرتلها صورني
ظليت اسوي حركات وهيه صور
بعدين شلت حسوني
صحتلها تعاي اصورج انتي وابنج
وكفت اخذلهم لقطات
