صباح الخيرات
أنهم ساكنون بين طيات قلوبنا
مهما ابتعدنا
هناك أشياء تذكرنا..فتجمعنا
مهما حل الصمت بيننا
لايمكن لعمق احساسي بك
أن يخطأ
لكن عتبي على الظروف ..على من لهم العتب
لاعتب لك
فانك لست من جنى عليه بهذا الحب
أنما قلبي الجاني
والمجني عليه❤️
على هالمشي لازم باجر انتي جايبة
جرت نفس بصعوبة
-اي والله دنو هذا الحمل ثكيل ..
ركض آدم لابوه
ابتسمت اله
-هههههه كمال خبصني يريد عمية
شاله وظل يبوس بيه
يله نروح ندخل لمطعم
لا بعد مااكدر امشي احنه نكعد اهنا وانت جيبلنه لفات سفري
حجت يمامة وكعدت وهيه تجر نفسها بصعوبة
راح كمال واخذ ادم
وكفت يم يمامة..
رغم الظلام أكتسح السما والبحر
بس بقت الاضويه المسلطة على الساحل
خلت الموجات بشفافيتها وزرقتها
تتلاطم ..
وشكد ماتنظر الها ماتمل..
فتحت أيدي وغمضت أعيوني
أتمنى أصرخ مثل صرخه يزن..
-دانه بيج شي ليش متغيره هواي شنو الشي الي بيج وماتحجين
باوعتلها
-لا ما بيه شي
-لو ما انتي وياي مااعرف شأسوي
منا الغربة رغم حلو المكان ومنا الحمل وبالي يمكم ويم بابا وصحته التعبانة..
جريت نفس
-اوووف يا بابا من بعد وفاة جدو الله يرحمه بدة يتعب أذكر وقتها ..
باجر رابع أمتحان كعدت أباوع الساعة ب١١ الحمد لله مابقى شي وأخلص المادة..
وهذه الماده نعتمد عليها بالعملي ..
الي بعد امتحان الفصل الاول راح اكتب نصف البحث العملي والنصف الثاني أكرم..لذلك اختارنه الاستاذ سوا
حتى يحصل بحث متقن لان اكرم من ابرز الطلاب..
وانا مستواي جيد مثابره مو بدرجه ذكاء عاليه
بس اهتم بادق العمليات الحسابية والمعلومات ..
شوي وأنفتحت الباب يزن مخبوص دانه كومي لبس كابج
بسرعه جدو متخربط وراح نروح كلنه نشوفة..
دخلت لبانه وهوه طلع
بسرعه لبسنه وطلعنه شالاتنه شمرناها شلون ماكان
نزلنه بابا اصلاً صاعد بالسيارة
يزن اشرلنه بأستعجال بايده يله ..
طلعنه وهوه قفل البيبان
يزن يسوق السيارة وبابا يمة واحنه ورا
وليدي على كيفك حجت ماما
يزن باوع لبابا
-انشالله مابيه شي يابه ..
-انشالله البارحه من رحناله انا وياك شحلاته وكلي جيب البنات حتى يمامه اشوفها..
-اي والله حتى كلي يله عرس حتى افرح بيك
وكتله انشالله تفرح بية وباقي ولد عمامي..
وصلنه كلهم ملتمين بالحديقة ..
قبل نص ساعة جايبيه من المستشفى..
