كأنكِ القهوة(مكتملة)

البارت ١٥

صباح الخيرات❤️

‏ينتظرني ماذا سأكتب؟
         وأنتظره.......
ماذا سيقول؟
                وبين أرواحنا كلماتٍ !.....
                                    تاه بينها  الانتظار...

(مشكورة حبيبتي أريج السعدي)

سديت الخط منها..
طلعت رقم أية
راسلتها
سلمت عليها وسألت عن أحوالها..
انتظرت جاوب ماكو..

أخذتني لهفتي لصفحته الشخصيه بالانستا شكد أتأمل ينزل صورة جديده اله
ماكو..
من سنة وأنا كل يوم أتمنى أشوفة
تغير عن آخر مرة لو لا..

نفضت أفكاري قبل أن أتعمق بالتفكير أكثر وأبجي..

تمددت بسريري وظليت أسبح وأستغفر واهديها لجدو..
رفعت السبحة وأباوعلها رغم هم فضة بس مو مالته دمعت أعيوني سامحني جدو ماحافظت على سبحتك وضاعت مني..
قريت سوره الفاتحة والسور الي حافظتهن وأستسلمت للنوم..

الصبح كعدت باوعت مكان آدم ماكو يعني كاعد..

طلعت للصالة
امه مكعدته توكله
غسلت وصبيتلي فنجان كهوة ..
كمال عدة مكينة كهوة خاصه خالها بالمطبخ هم يحبها بس العصر يشربها..

كعدت أشرب
حجت يمامة
-يزن خابر فديو وسولفت وياه انا وادم
وكال مشتاقين بس جيبين نجي..

أبتسمت الها
البارحه حاجيت طيبة بس الخبيثه ماخلتني اسولف وياه هههههه

-اي وانتي تكملين فنجانج سولفيلي لحد ماوصلنه
خبيثه شكد عدجن سوالف ماتحجن

رفعت حاجبي
هوه انتي جنتي بحالنه
كله بالج ويه كموله
حطيت ايدي على حلكي
باوعت لغرفتهم
-بس لا بعده اهنا
-ههههههه لا راح للمكتب ..يله كمليلي سالفتهم..

أبتسمت واذكرت وقتها

ردت استوعب الي كالة يزن

شنو يمتى.. شلون ..صدك

باوعلي
هز ايده
شبيج ماتكليلي صوجي حاجيتج
شبيج اثبتيلج على سؤال..

-شوفي اشياء احب احتفظ بيها لنفسي..
بس بعد الي صار اخر مره..
وابتعدت عني حسيت هواي جرحتها ..
واذيتها كل مره..
يمكن التجربه الي مريت بيها تركت بداخلي شك بمشاعر المقابل..
خوف وقلق ان احب واتعلق وتالي يصير شي..

بس انا كل ما اذيها اندم وراها بس مااعتذر الها
وهيه ترجع تحاجيني
وتكلي اثبتلك انا غير  بس..

باوعتله ومضيقه اعيوني

-سؤال حتى أفتهم منو الي بادر للثاني..

سكت ..وتنفس بعمق حجه
-هيه
فتحت اعيوني مصدومة

باوعلي
-شوفي ما انكر انا  نعجبت بيها وحبيت كريزما مالتها من عثرت بابنا وكومتها .