كأنكِ القهوة(مكتملة)

الثامن(غيرة)

صباح الخيرات

بين أسطر كتابي
اجدني اقراء أسمك
فأعيد النظر
وأطيل التفكير
احاول ان أُركز أكثر
فأجدني أرسم ملامحك في مخيلتي
كم مشاعري خائنة
خانت وعودها لي
بأن لا تميل للحب
فمالت..❤️

من رجعت للبيت كل شوي أصفن بتصرف علي وفرقد ..

بدلت ونزلت حتى أكل ليزن ياخذني أشتري ملابس وهديه لطيبة.،

باوعت من شباك المطبخ يزن مبدل وكاعد بالحديقة مهموم

الحب يعني بس اذيه ولوعه
الحب يخليك تتصرف تصرفات مو بوعيك احياناً
الحب يخليك اوكات مو انت
هوه متاهه
مره يوصلك للنجاح والسعادة
ومره يوصلك للانهيار والوجع واصعب شي وجع الروح..

جريت نفس
راح ابعد اي احساس ينتابني مااريد أعاني..

طبت يمامة  اباوعلها ضايجه
سألتها
وين ماما انا توني نزلت
بيت ام محمد جوارينه توجبهم
ولبانه بدروس التقوية..

حطت قوري جاي وخدرتلها
وطلعت كعك
ودردم
ينعل ابو الي يسوي رجيم بطلت حتى اعرس

-هههه خير شبيج

تعاركت انا وكمال كلش كلش
واحتمال هسه يجي

-يااااا شبيج
صبت الجاي بالكوب وخلت شكر
وكعدت على الكرسي وخاطت الكوب..

-ولج خابرني عصبي ومتخبل  على اهله يريد يعرس وكايليله الا دور سنوية بيبيتك وتعرس..

هوه يحجي بانفعال انا بس ضحكت
عاط عليه
انا محروك ومشعول شعل وضحكين شهامج ..
شيصبرني لحد مانعرس..

-حبيبي ماظل شي شبيك اصبر
مو يكولون احلى ايام هيه ايام الخطوبة..

صرخ شأصبر وانتي ميبستها عليه بوسه كوة احصل منج وماتندمجين وياي تخافين..

المصيبه هم ضحكت لان اذكرت قبل يومين من اجه وكاعدين  ..
بس طلع يزن وسد الباب هوه طفر انا عبالي شي طفرت

شبيك

باوعلي وصافن على وجهي
كال لاتتحركين

انا خفت شبيك شنو اكو
بريعصي لو صرصر على راسي ظليت انكت شعري
هوه كال خرب لا تتحركين
جمدت
تقرب وجرني عليه وماحسيت الا بايسني اريد ادفعة ماكو
منططه اعيوني  لان خايفه ينفتح الباب
ويرجع يزن

كوه وخرته بس ضايج
بس كتله خاف يجي يزن احد عيب
باوعلي كلي بسيطة وطلع

باوعتلها مصدومه
هيه كملت

ههههههه فيا اختي انا ضحكت وهوه كلي جايج انا اعلمج شلون انا محترك وانتي ولايمج

دنيت يمها وهيه غمست الكعكة وخلتها بحلكها..
ظربتها بيدها وكعت الكعكة