السلام عليكم🌞
ربما أرسم بين النجمات
نجمة بقلب
نجمه تحكي ما أشعر به
فتتلألىء كلما أشتاق لك
أنظر لها..
هل تشعر بها
كيف أن حبك جعل بريقها أجمل
لا تجعلها تتلاشى فتنطفىء
لا تبتعد
فهيه تستمد الحياة منك❤️
-هلا الله يسلمج
اعيونه ركزت بعيوني
جرنفس
-ليش باجيه
-لا ماكو شي يمكن من العدسات
تعديته ومشيت..
طلعنه ورحنه للخط وانا طول الطريق
مدنكه اباوع لخطواتي ..
اية اسولف بس بالي مو وياها..
معقوله يهتم بيه وينتبه حتى لعيوني
ويهمه امري
ياربي المشاعر بس بقلبي
لو هم بقلبة..
حطيت السجلات على طاولة الكافتريا..
وكعدت على الكرسي
غمضت اعيوني بوجع وتعب ..
ووحطيت عكس أيدي على الطاولة وبالابهام والسبابة ظليت افرك جبيني احاول اخفف الوجع ..
بس وين خف شوي بس هوسه الاصوات بالكافتريا ..
انحطت ايد على كتفي
وبصوت مبين عليه القلق..
-شبيج دانة دختي
حجت طيبة
وخرت ايدي وفتحت اعيوني
وابتسمت بتعب
-اي راسي كلش
طبطبت على كتفي
-راح اجيبلج شي تاكليه ويا جاي..وبعدها شربي بارستول ..
هزيت راسي بقبول.
واحنه ناكل
-الاربعاء كلش احسه ثقيل المحاظرات كلها رادلها دراسه وتركيز .. حجت ايه
طيبة جاوبتها
ربج كلولنه ساعه وتبدي المحاظرة الوراها..
تنهدت بتعب..
اي وهم انا البارحة رحت للسوك بعد تدرن خطوبة ابن عمي..وتعب بس رجعنه صعدت ادرس حتى العشا صعدتلي يمامة..
حطت قوطيه السفن وبلعت لكمتها وحجت زينب
شنو اشتريتي
فستان بينسل عنابي بيه لمعة خفيفة هيه الحفلة بالبيت..
طيبه..اي وفتحي شعرج بس مو ماتكصين صورة
هزيت راسي ب اي
خلصنه
أحذت بطل مي واشرتلهن
-امشن للقاعة شوي اهدأ من اهنا..
رحنه كعدنة بالقاعة
طلعتلي طيبه حبايه بارستول شربتها..
بعدها فتحت واحد من السجلات بديت أكتب..
بس الدوخه بعدهِا
رجعت غمضت اعيوني وخليت ايدي وباصابيعي اسوي مساج لجبهتي..
سمعت خطوات وصوت
السلام عليكم
فتحت اعيوني
علي وعلاء وفرقد ولد من شعبتنه وياهم عماد ..
كعدو وكل واحد كاض كوبة..
سلمنه عليهم
علي كعد يم اية وفرقد استند على الستيج قريب لطيبة لان بالطرف كاعدة
باًوعتله يحجي ويه عماد
يبتسم تك خد من يحجي عماد ..ويرفع الكوب ويشرب شوي وينزله.
ويجر نفس ويزفرة ويحجي..
