صباح الخير
خوف وتوتر من الوباء
الاعداد بتزايد مروع
الله يبعد عنه الوباء وعنكم
والله يشافي المرضى
ويرحم الاموات
أبو بنه بطله قصة قلوب اتعبها الحنين توفى
بالكورونا الله يرحمه
وبنه مريضه🥺ربي يشافيها
🌸🌸🌸🌸🌸🌸🌸🌸🌸🌸🌸
رغم المكان الي أنا بيه هوه شيء يفوق الخيال
كاعده كبال البحر والصخور الكبيرة على الساحل بالون الاسود
زرقه مياه البحر وصفار غروب الشمس..
الي تحاول تحتضن موجات البحر
صوره حركت الحنين بداخلي اله
غمضت أعيوني وأنا أتذكر ....
بوجع اذكر كل الي صار والي خلاني أهرب لهلمكان
أحاول أرمم داخلي ..
باوعلي يزن وأنا أنزل من الدرج وضحك
هزيتله أيدي شبيك ..لبسي بيه شي..
أنا صارلي ساعة اباوع لنفسي
-ههههه لا بس وين العام وين هالسنة
هالسنه متحمسه للدوام وماكو خوف
العام كوه تمشين ومتوترة
-هههههه اي والله فرق هواي
كبرت احس سنه
كعدنه بالستيج بعد ما باوست وسلمت على البنات بلهفة
أية وطيبة أكرص بخدودهن سمنانات
زينب ضعفانه بعد الخطوبه أنخطبت بس ماسوت حفلة..
كانت عدهم حالة وفاة..
كل شوي عيني تروح للباب تترقب شوفتة..
شوي وطب علاء صاح
السلام عليكم
وصل يمنه وراه علي وصلاح
سلمنه عليهم
بس أباوع لعلي ظل صافن على أية
تقرب منها.
وظل يبسبس وياها وهيه ماادري شعجب مرة تبتسم مره دنك
سمعت صوته
هلو شلونكم مشتاقلكم
أباوعله بسلم على الولد وأنا أعيوني تاهت بتفاصيلة
شوي سمران أزيد كأنو سمنان من يم أكتافة
حسيت رجلي نضربت
أنتبهت طيبة
تقربت يم أذني وحجت بهمس
ولج كافي اعيونج راح تفضحج
دنكت خجلانة
سمعت صوته سلم على طيبة
رفعت راسي ابتسمت
-شلونك فرقد شخبارك
احسه ركز بعيوني
-الحمد لله زين
شلونها عطلتكم
بدينه نحجي عن العطله
علاء ضحك بس والله مبين خوش عطلة كاضياتها اكل ونوم كلجن سمنانات...
بس زينب
كفخة علي
وانت وكرشك شكد زايد
فرك على بطنة
-والله انتم ماقصرتو وياة دللتوه وهم وحبايبي هواي تدري ههههه
هاي خواتي كل وحده تخابر وتعال على غدا لو عشا ومحتارات شمسويات
وانا قلبي ضعيف يم الاكل مو النسوان هههههه
دنكنه ضحكنه
جراه علي
امشي فطير امشي
هاي كدامكم هاي السنه لحد يعزمة ههههه
بدن المحاظرات
طلعنه نروح للبيت مسطورين
يزن هالايام يجي عليه لحد ما احصل خط
