البارت السابع
صباح الخيرات
وجراح لا تلتأم بسهولة..
فكسرة القلب موجعة
لكن أبتسامة وكلمات من حولنا
وهم يواسون تلك الجراح
ككمادات تخفف حرارة الالم..
من خسر قلب ينبض بحبه
فتحل عليه ربما لعنة عدم الاستقرار..
او ان يعيش وهوه يشعر بالذنب ..
او يرى قلباً يخاف عليه مكسور
فتعيدهُ ذاكرتهُ لما فعل..
-شنووووووو
حجيتها وفتحت اعيوني
جر نفس قوي دار وجه يمنه وفرك لحيته وللجهه اليسرى
ما اكدر احجي اهنا امشي ناخذ البيتزا ونروح للكورنيش تكدرين لو دايخه..
ابتسمت بوجه
-لا الحمد لله زينه بس بارده
-انا احس نار جواي
وكفت
-يله امشي أخذنه الطلب
وصعدنه بالسيارة ..
شفنه مكان بالكورنيش
-اهنا حلو يله ننزل
اباوع الاشجار يحركها الهوا خشمي برد صار احمر
خليت ايدي بقمصلتي
واصيح
-اششششا
باوعلي ضحك
نرجع نكعد بالسيارة
-لا خلي
تقرب هوه ومد ايده الي
-تعالي نعبر هذا السياج الصغير ونكعد
هزيت راسي لا لا
-تذكر من طاحت لبانه من عبرت رادت تكص صورة وطاحت
لهسه اخاف رغم صارلها السالفه سنين
ابتسم
-ربج ستر جان تراب وماتعورت
وكفنه نباوع للماي وروجات الشط الخفيفة وأضويه الجهه المقابيلنه التنومه ..
جر حسره وزفرها ودخان البروده يطلع مثل الجكارة
بده يحجي
ودلي أصرخ بكد كسرة قلبي
ودلي أوكف كبالها وأكلها ليش
-شنو الي صار
باوعلي بطرف عينه
-مااعرف شنو الي كلبها
غيرتها الزايده تحكمها عصبيتها
وخلت سالفه انت شايف غيري ولذلك ماتتحملني..
نبتعد اسبوع وساعه مانطول من نرجع ادوس بطني..
باوعتله باسف
-صديقاتها شلونهن خاف هنه ياثرن عليها..
مااعرف من قبل الامتحانات تهدد
ومره بالفون كلتلي انت مامقدر النعمه الي غيرك يتمناها ويتمنى اشاره
بوقتها كلبت الدنيا عليها وخليتها فتره جرت عدل ورجعت..
منو كلك اليوم خطوبتها
بنية ويانه بالقسم راسلتني تتباركلي بالخطوبة
كتلها منو كال انا خطبت
سولفتلي مستغربه
مو البنات عزمني على خطوبة زمن ليش مو انت الخاطبها ..
ظليت مااعرف شنو اجاوبها
راسلت صديقتها المقربه
ترد بنتر واكدت الي الخبر..
-خسرتك ومع الاسف ماتحبك لو تحبك ماتسوي هيج..
حتى لو قصدها تحرك قلبك
او تريد تبين الك غيرك افضل
على العموم ياغالي مثل ماهيه عدها الي يتمناها
انت الف وحده تتمناك
غنيتله
أنساها لا تذكرها
وأتركها روح وأهجرها
