كأنكِ القهوة(مكتملة)

الثالث (صباح الخير)

البارت الثالث
وللصباح نكهه خاصة مع أشراقة أبتسامتك

🌸❤️🌸❤️🌸❤️🌸❤️🌸❤️🌸❤️🌸

وكأني أهرب من نظراتك

ينتابني الخوف

لا اعلم  حين أراك

أتوه ..
وأحساسي يحتاج معجم للتفسير

من انت ومايحدث لي بحظورك

لن أجد الاجابات الا منك..💓💓

مرت الايام ونفس الروتين..
مشيت وصلت لقسمنه وشفته كبالي..
بقميص أبيض وبنطرون جنز  رصاصي وحذاء رياضي ابيض..

تقربت بخطواتي تجاهه ..وأنا أشوفه مركز بيه ..
نفخ دخان الجكارة فوك ..
ورجع يباوعلي وشبه ابتسامة خفيفة انرسمت بوجه..
تقربت أكثر حطيت عيني بعينه ..

صباح الخير فرقد ..حجيتها رغم من المستحه أحس كلي أرجف ومرتبكة.. وحاولت ارسم على وجهي نفس ابتسامته
فتح اعيونه
حشجرجه بصوته ..
أحم ..أحم
-صباح الخير
وتعابير الصدمه بوجهه

تعديته ..وبداخلي أحس أنتصار طول الايام الي فاتت ودوامنة ..
اذا تلاقينه نظراته الي يضيقها عليه والابتسامة الي تنرسم بوجهه..

مااعرف شنو سببها ولا مره فكر يقترب ويسلم علينه ..
حتى من يجون بقية الولد يسلمون ويحجون ويانه هوه مبتعد..
أنا بس أسلم عليهم أجنبهم خوف وحذر..

بدينه محاظراتنه وانا احس نفسي لا ارادياً مبتسمة..
خلصت المحاظرة..
أيه رفعت اعيونها وتركص حواجبها
-اليوم المزاج عالي شنو فايتني..

أبتسمت الها ..
ردت احجي
قاطعني صوت ..التفتنه اله علي
-شلونكم بنات
-هلا علي ..الحمد لله حجينه سوا انا وايه
بقيه البنات مو يمهن يسولفن وحد..

دك على الستيج بأيده بقوه..

وعلى صوته وعقد حاجبة

-بنات أنتبهو راح نسوي كروب بالفيس ..بيه حتى الاساتذة موجودين
نستفيد بيناتنه..
-بس أنا ماعدي فيس بس أنستا..

-نصبيه لان تحتاجيه..باوع لاية
وأنتي أيه عدج فيس
-لا بس أنصبة حجت مو مهتمه لنضراته

باجر أتفقو واخذ حساباتكم وأسجلكم
تركنه وراح..

وظليت أفكر شلون أفاتح ماما..خل  أحاجي يزن وأفهمه أحسن شي..
همه يحذروني حتى من الاختلاط او اكعد ويه الولد حتى لو مجمعين..
يخافون عليه من بيت جدي اي واحد منهم خاف يخرب عليه حتى ما أكمل..

زينب ضربت ايدي الي حاطتها على الستيج..
..شعندج صافنه وأيدج على الخد حجتها وهيه تضحك

-ماعدي شي بس الا يسوون كروب الله يستر..

يله كومن نشتري شي جوعانين..
حجت طيبه وهيه تجرني حتى نطلع