البارت الخامس
صباحو مسك🌸
لا ينصح بدخول الحدايق🙊🌚😂
صلو على من لف الحب بين قلوبهم ..برباط عقد الطهر تكلل
عيونهم تحكي شوقاً
والشفتان تبارك بتقبيل جبينها
ورجفة بالايدي
ودموع تتلألاء فرحاً
كعدت شبعانة نوم بعد ماخلصت امتحانات يومين بس اكوم اكل وانظف شوي وارجع انام..
طلعت فستان بسيط كلوشه وردي ورد ابيض..
بعد ماسبحت بدلت ..ومشطت شعري سويته كبايه بس خليت بيها كرستالات..
اليوم تجي ام كمال تتفق على بعد باجر العقد وترتيباتة..
نزلت جوا لكيت يمامة لابسه فستان بينصل احمر وحزام على الخصر اسود ولامه شعرها بضفيرة صفح..
شفتها مسويه كيكه برتقال ..
فتت من يمها كرصتها على كيف صاحت اويي
-هوه ده
اداريين بيه من هسه غمزتلها
-دانه ولج خايفه ومتوترة
-انشالله الله يتممها على خير وباجر حتى نفتر على فساتين واو انا بالي فستان زيتوني ترتر قصير فوك الركبه..
-انا اريدة حوريه بسيط ..وحتى اجيب باقي غراض ميز المهر
ونكعد نشتغل بيهن انا وياج..
سمعنة دكه الجرس
ثنينه نباوع من شباك المطبخ ..
دخلهم يزن ..جان كمال لابس قميص زيتوني وبنطرون بيجي ..
وجه طولاني اعيونه ناعسات ملامحه بيهن جاذبيه
وهاي اختي ذابت صاحت
-ريتني نظاراتك
باوعتلها بيج خير احجيها اله
لايمه هسه يشوف نفسه عليه انا احله منه ..
طبت لبانه تثاوب ..
لابسه قمص ابيض بورد زيتوني وبنطرون اسود شعرها كاريه..
راح اطب قبلج اسلم على خطيبج
مدت لسانها وراحت تركض
هزيت ايدي
-الله يساعد كمال علينه ههههه
شوي طلعت ماما
اشرت ليمامة يله جيبي الضيافة وتعالي..
طبيت وراها يماما شايله الصينيه
وحجت بصوت ناصي خجلانه
-السلام عليكم
حطت الصينيه على الطبله بينه وبين امه..
سلمت وراها وانا حاصرتني الضحكة..
بوست وراها ام كمال الي ماهدت يمامة شبعتها بوس
اذا امه هيج كمال شلون ههههه
كعدنه
واتفقت امي وامه ويمامه بس مدنكه
وكمال يسولف ويه يزن
واحنه نباوع للوجوه
تالي ام كمال شاورت امي
بعدين علت صوتها
-خاله يزن خلي نخليهم شوي وحدهم حتى يتفقون بينهم على ترتيبات العقد
وكف يزن
-اي خاله يدلل النسيب
طلعت امي وامه ولبانه ظاله كاعدة
عضيت شفتي الها
وتضحك عرفتها تريد تخبث
رحت جريتها من ايدها وهيه تضحك ..
ورا اكثر من نص ساعة طلعت يمامه مدنكة وتعدل بشالها
باوعتلنه ..وجهه احمر من الخجل..
-خالة كمال يصيحج
-يالله ..
كامت ام كمال وبوست يمامه
-الله يهنيكم بعد قلبي كمال طيب وحنين ومهنايه بيه
