كأنكِ القهوة(مكتملة)

التاسع (لست أنت)

صباح الخير❤️

ليتك تعلم من له القلب مال
انه ذا المشاعر المبهمة

لا اعلم لماذا هوه..
كل مااعرفهُ هوه أضطراب قلبي عند رؤياه..

يكفي بأن يخبرني هوه المالك
وانا مملوكٌ لهُ...❤️

شوي واجت زينب وجهه مخطوف
باوعتلها
شبيج..
ها لو تعرفن منو ضارب صاحب محمود

وكفت ايه وانا كلنه

ايه باوعتلها باستفهام

منو بس لا بسببي

زينب شوفي الولد ماحجى بس محمود سولف كال يمكن من ورا صديقتج

لان كاسره عليه سياره باليل وصايره مناوشات بالحجي
خالينه ضاربهم ومتهجمين عليه
بس واحد حاجي كايله
هم حتى توب تتعرض لبنات الناس وتوصللهن
واذا وصلت يمهن اعيونك أطفيهن

هوه مهددهم يبلغ عليهم
وهمه هددوه عدهم تصوير وشهود

والاخ بالعها وساكت
وتاركيه

باوعتلها ايه مصدومه
-يعني بمنو تشكون
حجيت
والله دوخه معقوله الولد علي لو فرقد لو صلاح..

زينب لاتحجن شي خل نشوف حتى لو همه نسكت لان يستاهل هههههه
طيبه ضحكت
ولج عبالك سيارة ضاربته

ايه حل حتى يتوب يتقرب حجينه وياه ياسولوب وتهديد وما اقتنع

شفنه علاء وصل
سلمنه عليه وباوع لطيبة شبع ضحك
أخذ الحذاء وباوع الي امشي وياي اكو اهنا محل ملابس واحذيه امشي نجيبلها ..

رادت طلع فلوس خزرها علاء
-عيب ترا
هزت راسها وتتوسله
-لا مايصير

امشي دانه
مشيت وياه رحنه للمحل اختاريتلها
عااء دفع الفلوس..

علاء ضحك
والله سوالف عليجن هسه الا كعب طولن روحجن كوه

باوعتله بأنفه
-ياخي برستيج مانكدر
-ههههه

وصلنه الهن لكينه يمهن صلاح وعلي

اباوع ايه دايره ظهرها عليهم وعلي يباوعلها كل شوي ويجر حسرة

تقربت اطيت العلاكة لطيبة
الي مدنكه فشلانة

لبسته واتشكرت مني ومن علاء

يله ياشكر ولج راح تبدي المحاظرة امشو بسرعة
مشينه كدامهم وبصفي اية باوعتلها وضحكت
باوعتلي صفح ورفعت حاجبها
..شبيج وجهي بيه نكته

..لا بس شبيج ويه علي
مابيه راد يحجي ورياي درت وجهي هههه

كملنه محاظره بس فرقد ماكو ..

بعدها رحنه للكافتريا كعدنه ناكل
سألت علي
فرقد ماكو اليوم ليش

-عده شغل ابوه مسافر واخوه هم وهوه بمكانه اليوم