صباحو حررررر🥵
شلونكم
الكهرباء اليوم بالضيم متنه حر
اللهم صل على محمد وال محمد🌺
غريبه بتكوينتها غامضه بيها سر..
مرورتها تعتمد على حالة الي يشربها
مره يحسها ماتنجرع
ومره يحس بروعتها
دنكت سكتت
رفع حنجي بأيده وباوعلي
حجه وهوه يبلع ريكه
-شنو الي بيج
ومخليج من ساعة ماتعرفين شنو الي اساوينو
داخلج مضطرب
مثل شخص واكف بمفترق طرق ومايدري شنو الي يختارو
عقلو يكلو شي وقلبو شي ثاني..
باوعتله وانا رمشت بعيوني اكثر من مرة
-تقريباً هيج
ابتسم بهدوء
اذا تحبين تحجيلي وتعتبريني صديق يساعدج تختارين الطريق الصح
يحجيها وهوه يعدل ياخة قميصة
بداخلي اكول شكد حلو هالانسان
كريزما ووعي وحظور
سكتت وأحتاريت شنو الي أحجيه
أذكرت يزن أنا ليش ما أخابرة وحتى يساعدني
داخلي محتار لان الي على لساني
هوه الرفض بس قلبي يكلي تأني
مااريد اختار شي واتندم عليه..
باوعلي تلكين صعوبه تحجيلي..
هزيت راسي باي بأحراج
-حب
سكتت
وهوه سكت
شوي
-وانت حبيت حجيتها وانا اباوعلة
ابتسم تك خد
مااعرف بس الحب الي يذكرو بالاشعار ويتغنو بيه ماحسيتو ولا عشتو
يجوز اعجاب
جر نفس وزفره بقهر ونظره حزن بعينه
أبوي الله يرحمو جان يكُلي بنت عمك ودق الك
ودق صغيره خجوله حلوه أبتسم من أشوفها..
مثل النسمه مرت وراحت
بلع ريكة
وهوه يكول بعدها بعمر ١٤وراحت ويه الي راحو وندفنو بأنقاض بيوتهم..
لا لحكت تنجح ولا لحكت تحب
بغصه حجه الله يرحمها
دمعت عيني مسحتها وانا اكول
-الله يرحمها
وأنتي
باوعت ليكدام جريت نفس
-مو حب أعجاب وما انكتب يستمر
بس..
سكتت ما ردت احجي
شوي وكام
-عجل مابلازم ما أضعط عليج يله تانروح
وكفت وحجيتها بتعب
-والله السالفة معقدة
ابتسم براحتج ..
بس حبيت أعرف الغموض الي بداخلج وتايخليج هيج حزينه ومهمومه ..
جاوبته
اكيد تعرف
سديت الفون وظليت صافنه
كلام يزن دوخني بالازيد
دانه هوه انسان زين واذا مطلق هاي مو نقطه تنحسب عليه بالنسبه الي مامعارض وابوي ماكتله لحد مااعرف قرارج..
بقى القرار الج اذا ماعدج نقطه عليه ليش ماتوافقين..
فكري زين ..
يزن مايعرف عن قبل واعجابي ونظراتة وكسرة قلبي..
كمت وانا بحيره بوضعي وقراري
طلعت ملابسي صدريه سوده ميدي بف وبأطرافها فراشات ناعمه ملونه
وسترة كابوي
اليوم أروح لايه ونروح لتقسيم
نتمشى
مااعرف اذا فرقد وياهم او الكاه بعدين ..
