في كل مساء أُلقي عليك في سري وداعا أخيراً، في كل صباح يعودُ القلب أدراجه ..🌸🌸
-وين صافنه الصفنه مو الج
حجت يمامة وهيه تكعد بصفي على المرجوحة وتهزها
-مابقى شي وتطلع القبولات وخايفة..
-انشالله خير دانه انتي تعبتي والله مايضيعلج تعب..
كومي خبطت كيكة وحطيتها بالفرن شوفيها ..
ماما تعبانه شو اليوم ..
كمت وكفت وسمعت صوت يزن واحد وياه
اشرت ليمامة كومي
ركضنه ركضة اخت الجذب ..
وصلنه نفتح باب المطبخ الي يصير كبال الباب البرا والتفتنه ..
صار يزن ولد وياه كبالنه ظل فاتح اعيونه على اخرهن
جريت يده الباب ودخلت وراي يمامه جر النفس كوه
-راح نحصل رزاله لو كتله من يزن
-والله الغلط منه اكو احد كاله يفتح باب البيت هيج وهذا صاحبه كلش واكف كبال الباب
-بس كأنو شايفته حجيت وانا مضيقه اعيوني احاول اتذكر
كفختني براس
-يا شبسرعه شفتي شعره شو انه التفتت التهيت شفت بس يزن والفشله بوجهه
وبنطرون الولد كابوي وترانشوز رياضي ههههههه
صبيتلي ماي من البراد اشرب وهيه راحت شافت الكيكة ..
ورا دقايق وطب يزن وهوه عصبي
ويجر بلبانه
-طاح حظجن شبيجن اليوم ماتكللي
أشر علينه ذن صارن كبال الولد.
وهاي فتحت باب الاستقبال وطبت تهوس يمه اهنا يمه اه يحبيبه يمه
ولجن هسه شيكول علينه ..
حطيت ايدي على حلكي من الصدمه والفشله باوعت ليمامه نفس الشي
ولبانة مغطيه وجهه بيدها
-حقك بس والله ماندري تصير بأرقى العائلات
حجت يمامة
وهيه تكص الكيك وحطته بالصحن وحطت قوطية سفن
ومدت الصينيه
-أخذ هاي وهسه يضوك الكيكه وينسى السالفة
هد لبانة وحجت والفشله مبين عليها
-عبالي ذن تأشر علينه .. بالاستقبال شفت المطبخ والبيت هدوء ..
وتعبت من الدراسه نزلت افرفش وياهن شمدريني
كفختها شفتي الولد شصار بيه
ضحكت وهيه تصفك بيدها
-هسه عباله مخبله انا وكفشتي ودشداشتي ..
ورا فترة طبت ماما للمطبخ نزعت حجابها..
وعلكتة
-خلصتن العشا ..طبيت سلمت على كمال
ابوج راح يجيب وياه صينية مشاوي ..
لان راح يجي أبو كمال وامه ..
باوعت ليمامة
-همزين طلع ابن عمو حسن
ماما تباوعلنه بأستفهام وأشرت بيدها
-شبيجن
هزيت راسي
-لا هيج
خزرتني
-سون كاستر وعليه جلي للتحلية..
صاحت عليه
-دانة طلعي الصحون حتى نجهز بس يوصلون..
بدينه نرتب وشوي أنفتح باب المطبخ ودخل بابا..
ركضت أخذت منه صينية المشاوي والعلاليك..
وراه دقايق دك الجرس وراحت ماما ..
والتهيت انا ويمامه نجهز الصحون ونرتب الاكل بيهن ..
يمامه صبت الكاستر بكاسات ورجعت تسوي جلي
ماما صاحت يمامه دانه لبانه تعالن ..
لبسنه الحجابات ..ويمامة وزعت الجلي فوك الكاستر..
رتبنه نفسنه ..وصلنه يم الباب
ولبانه تباوعلنه ..
-أستحي أطب الهم
دفعتها وانا اضحك امشي امشي ..
