البارت ال٢٠
اللهم صل على محمد وال محمد❤️
صباح الخير
❤️
مُعتركات كثيرة تصيب دواخلنه
مع أول نبضه للحب
تبدأ
هل هذا هوه الحب..
هل يحبني بالمثل
خوف من الفشل
او الافتراق
تتخبط تلك الظنون
تضعنا بمتاهه الحب
من الصعب أن تفهم وقت عصف المشاعر الذي ينتباك
أين يكمن الصح
كنت معك في صراع مع قلبي
من أوحى له بأن يفتح بابه ليستقبلك
ضيفاً بارد المشاعر
مالذي جذبك اليه ياقلب❤️
فتحت أعيوني بتعب
أباوع شنو الي اصار
أذكر أخر شي من ركضت وصعدت درج المشاة للعبور للجهه الثانية
ماحسيت الا بالجهه الثانية وصلت
كل مره أحس أهلك وانا اصعد وأنزل الدرج ،،
مسحت أعيوني وكفت وانا اجر نفس وازفرة أهدي نفسي
أشرت لتكسي وطلعت عنوان الشقة بالخريطة
وكفت سيارة الاجرة تقربت وأنا نفسي بعدة سريع اعيوني حمر فتحت الباب الخلفي
وكعدت واطيته النقال
أبتسم الي السائق
ومشت السياره وانا دموعي رجعت تنزل
أحس حركه بمعدتي رهيبة..
الفون يرن باوعت اية بس مارديت
عشر دقايق وصلت فتحت باب السيارة نزلت
وانا احس بدوار رهيب مشيت مو متوازنه
غواش بس قويت نفسي
اكيد ضغطي راح يهبط
او راح أتقيء وصلت لباب الشقه
بشق الانفس ضغطت زر الجرس وانا اعيده بأستمرار
انفتحت الباب وكمال كان وجه معصب
ماسمعته شنو حجه
بس زحته بايدي للجهه اليمنى
وبخطوات مو ثابته ركضت للحمام وبديت أستفرغ
اسمع صوت يمامه وكمال
وانا كوة كدرت انطق
- ماااااي راح اموت
شربت شوي وغسلت وجهي
رجعت راسي على الحايط وانا اتنفس بصعوبه يمامه دخلت سدت الباب
ونزعت وانا كاعده وغسلتني واحس نار بداخلي ملتهبه
وكفت وانا بعدني اترنح
نشفتني ولبست كلبيتي وطلعت يم الباب اتلكاني كمال سندني للغرفة..
كعدني على السرير
عدلي المخده وآدم يسأله
-واوا دنو اتيه بابا
-اي بابا خطيه دنو بيها واوا
نمت وهوه اجه حبيبي باسني براسي..
سحبه ابوه وهوه يحاجيه
-خليها تنام حتى صير زينة
كعدت ولميت رجلي لصدري وميلت راسي..
شكد رسمت قبل من يجي ويصارحني
شلون أرتبك وأخجل وأفرح
والاماكن الي ممكن ان يعترفلي بيها بالكليه أتخيل أهنا او أهنا
لحد ما أزوج وتحطم كلشي
بداخلي
بس بقت عدي غصه اتمنيت اعرف
وقتها نظراته وابتسامته الي رسمتلي حبه
هوه اعجب بيه ..حبني.. او لا..
اذكر بعد زواجه بأسبوع داوم
كاعدين بالكافتريا
علي كاض ايد ايه ويحرك بقلب صلاح
ها ولك كلت انا اولكم اكبل واخطب ..
تالي بقيت حديقة
-دانة بله عليج شبيها الحدايق مو احسن من العرايك والتحكم وتغار عليه واغار عليها ودوخة راس
