الهاربه

الفصل الثاني

《2》

بعد ايام ...
فاقت ليلى من نومها على صوت امها ..
حليمه: صباح الخير بنيتي ..
ليلى: صباح النور ماميتي ...
حليمه: سلوى قالت انه امس وصل وسام من لندن ..و اليوم العشيه بيجي يشوفك و تشوفيه..

قعمزت ليلى : حي .. اليوم ..
حليمه: ايه يابنيتي.. شنو بتلبسي..
ليلى: مش مهم اي شي ..
حليمه: به .. هيا نوضي ديري فطور توا تعصب مرت خوك و تديرلنا مشاكل
ليلى: خليها تطربق تبي تفطر تمشي تخش بروحها سم اللي يقتلها..
حليمه بصوت واطي : اششش يابنيتي ..تربحي والله ماناقصه مشاكل .. حتى عشاني يابنيتي ..اني جعانه..
ليلى: عشانك بسس ..
حليمه: سلمها بنيتي ...
باست بنتها على راسها ..

ليلى ناصت من سريرها: مستحيل انخليك ليها العقرب هادي ياماما .. الا مانرفعك معاي ...
حليمه: يصير خير .. مع اني والله متعوده ع الجيران .. مش عارفه شنو بندير غادي.
ليلى: مابتمشي مابناخد ..
حليمه: لالا خلاص خلاص نمشي معاك..

فرحت حليمه في داخلها لانها ماتبيش بنتها تمشي و تسيبها ..لانه حليمه بروحها خايفه من سلوى و ولدها عارفتهم مش حيديرو فيها خير .. ع الاقل ليلى تدافع عنها و توقف معاها ..
............................
جت ام وسام تنوض فيه ..
ناجية: وسام نووض ... اففففف .. هالريحه الفايحه منك مش عارفه امتى بتبطل من هالخمر اللي تشرب فيه..

مشت فتحت الروشن ..خشت منه اشعة الشمس .. حرك وسام راسه و غطاه بالوساده ..
وسام: اطلعي و خليني ..مانبيش انوض..
ناجية: نوض ياولدي عصر .. نوض باش تمشي لحوش ليلى ..
وسام مزال مغطي راسه و يحاول يكمل نومته ..
ناجية: البنت تلقاها تراجي فيك ..
وسام حول الوساده و قعد يشبح لامه و كأن يسترجع في ذاكرته ...
وسام: منو البنت هادي ..منو ليلى ..
ناجية: ووووه انت ناسيها .. خطيبتك .. ماهو كان تبطل هالوسخ تصحصح و تتذكر ..
وسام اتكه على مرفقه و قال: بالله كيف شكلها..

ناجية جت قعمزت ع السرير: العيون خضر و الشعر بني و الحواجب هكي حلوات تقول مرسومات رسم ..و الشوارب تقول منفوخات بالتوتوكس ولا شنو اسماه اللي ينفخو بيه الفنانات في افامهم ..
وسام :جسمها شنو ..
ناجية: تحشم ياولد ..
وسام رجع حط راسه ع الوساده و قعد يتخيل فيها
قال في داخله: شكلها بنت حلوه .. و بنستمتع معاها هالفتره ..

ناجية شافت لولدها القاتا سرحان يفكر عرفت انه يفكر فيها ابتسمت و طلعت ...
.................................
جي الموعد و وصل وسام لحوش ليلى .. قعمز في المربوعه خشتلا سلوى تجري ..
سلوى بصوت واطي: اسمعني هنا .. رد بالك تقوللها انك تشرب و لا تاخد في المخدرات .. وخليك واعي و مصحصح..
وسام: تي باهي النم الاحرف امي نفختهم بنفس الكلام..