#ملتزم_وعشقته❤️
روااااايات ايوتة 😍😍😍
الحلقة الأولى
مسموح نقل رواياتي مع ذكر اسمي🥰
تاج.. بخوف... اقسم بالله مدرتها
رفيق.. نهارك احرف علي راسك نقتلك من دون منسخف عليك
تاج.. ه ه هما اللي يبوو هكي
رفيق.. اني مدخليش موتك ع ايدي يا تاج لو حاولتي تلعبي معاي
نعرفكم بروحي...
اني اسمي تاج عمري 23سنة مكملة قرايتي وحاليا نخدم معيدة ف معهد الصبح والعشية نخدم ف محل
حياتي عادية جدا حبيت زي اي بنت ف الدنيا بس اختياري للأسف خاطئ 💔
رفيق هذا عمره 26سنة هوا حبيبي واحد طايش ومتع عار بس مع هذا كله نحبه
عندي زوز خوت محمود واحمد اكبر مني ومتزوجين ساكنين فوق حوشنا
عندي اخت تهاني اكبر مني ب سنة وعلاقتي بيها كويسة هلبا
بوي متوفي من سنين وامي متزوجة راجل ثاني اسمه عامر وامي اسمها سماح
عامر معانا ك دور زوج ام ميحبناش ولااصلا طايقنا هوا ف حاله واحني ف حالنا ميصرفش ع الحوش احني نخدمو ونجيبو وهوا عنده عادي وامي مترفضلاش طلب حتا لو كان ضدنا مش صالحنا
خوتي احمد ومحمود كويسين معانا ومش مخليينا ناقصين شي حتا لو احني ب خدمتنا
___________________
صبح جديد ع صوت المنبه كانت عندي محاضرة حنعطيها بكري واول يوم ف المعهد وضروري الانضباط ف الموعد
نضت غسلت وجهي وتوضيت وصليت وطلعت للصالة
تاج.. صباح الخير
كلهم.. صباح النور
سماح.. طالعة توا
تاج.. اي وقت عليا بنتأخر
سماح.. باه ردي بالك
تاج.. مش حنرجع بكري بنمشي المحل طول متستنونيش
تهاني.. استني وصليني علي طريقك
تاج.. هيا بنتأخر
عامر كان ساكت اول مرة ف تاريخه متكلمش لبست السبيدرو متاعي وساويت وشاحي وطلعنا، اني نسوق عادي خوتي معارضوش لانهم واثقين فيا كويس
وصلت تهاني خدمتها واني مشيت واعطيت نبدة علي مادتي ومدرت شي ثاني
الخدمة حلوة لان تتعرفي فيها ع ناس من جميع المجالات وتستفيدي منها
طلعت بعدها المحل طول ونشتغل ف محل عرايس يعني فيلوات وحتا خدمتي هادي حلوة والاهم انها تجيب فلوس باش نسد حاجتي وحاجة الحوش
عامر.. انتي واثقة فيها هلبا
سماح.. علاش انت شفت منها حاجة
عامر.. نستنا لين ادير حاجة باش نكلمك فكري بنت ف عمرها تسوق علاش
سماح.. خوتها ميفضوش وهي تخدم ع الحوش مع اختها
عامر.. انهيه هذا ادبر كيف ادير المهم سواقة معاش نبيها
سماح.. خلي بالشويا تو نكلمها
عامر.. ايوا كلميها هادو بناتك وسمعتهم من سمعتك وانتي سمعتك من سمعتي انا شن بيقولو الناس لو بنتك ادير ف الغلط
سماح.. تم اني نكلمها وميصير الا اللي يرضيك
هذا هوا السم اللي قاعد يعطي فيه عامر كل يوم ع موضوع مختلف باش يرضي روحه ويطلع فيها راجل الحوش
______________
اما اني كنت قاعدة ف المحل خش رفيق
رفيق.. عمري😍
تاج.. حبيبي❤️
رفيق.. استاحشتك تعرفي
تاج.. اني اكتر
رفيق.. نتصل بيك مترديش
تاج.. كان المحل معبي كنت لما بنروح نكلمك
رفيق.. خلاص نوضي روحي الساعة 9توا
تاج.. اي شويا وبنخطم علي تهاني ومروحة
رفيق.. عندي مشوار توصلي كلميني
تاج.. حاضر
طلع رفيق وكلمتني تهاني مشيتلها وروحنا
___________
سماح.. خيركم عطلتو
تاج.. زحمة ياامي الطريق
سماح.. جبتو عشي معاكم مدرتش اني
دنيا(مرت احمد).. اهو درت عشي مفيش داعي تطلعو
تهاني.. سلمها مرت خوي الفالحة
الاء (مرت محمود).. حتا اني دايرة عشي
تهاني.. ربي يحبنا اعطانا نساوين خوت زيكم
عامر.. ويييين العشي انتي واياها
دنيا.. هذا خيره يعيط نمشيله نوريه قيمته المقمل
سماح.. عيب شن تقولي
دنيا.. والله راجلك مقمل وانتو راجل امكم مقمل يتأمر فوق منها كان تطلقوني عليه بس
تاج.. خلاص دنيا فوتيه خلي نخش نبدل ونحطو
دنيا.. متعطليش باش متلقونيش قاتلاته
سماح.. الله أكبر علي لسانك
الاء.. تعالي نخشو نوتو
بدلنا وحطينا العشي وجو حتا احمد ومحمود
سماح.. مفيش مرا توصل ياتاج
تاج.. من بتوصلي بس اكيد فيه
سماح.. انتي
تاج.. عندي سيارتي علاش نجيب من يوصلني
سماح.. مش راي وحدة ف عمرك تسوق
تاج.. لشن تبي توصلي
سماح.. دوري من يوصلك ويجيبك والسيارة مش شرط تبيعيها خليها ل عمك عامر
تاج.. اولا سيارتي من حر مالي محد يدخل ثانيا نخدم وسعدي طايح باش ياخد تعبي
احمد.. سكريه يما الموضوع خلي البنت ف حالها
سماح.. اني مش راضية
محمود.. يجيك وقت وترضي خليها ف حالها مدام احني واثقين فيها تم.
عامر.. هذا جزائي اني خايف عليها
تاج.. منبيكش تخاف خليه لعمرك
عامر.. احترميني اقلها
دنيا.. لا الموضوع يبي تدخل مني
سماح.. متتكلميش
دنيا.. وراسك الا بنتكلم، تو انت شيباني رجلك علي حافة القبر وتحارب ف الناس احترم شيبات راسك شويا
سماح.. دنيا احترميه
دنيا.. غير يحترم نفسه يحساب روحه حاجة وهوا لاخدمة ولا هم علي راسه
تهاني.. فوتي يادنيا معاش اتاعبي روحك
سماح.. متبيش تسمعي الكلام
احمد.. اني ومحمود اللي لينا الحق نحكمو اهني احني مش صغاره باش يتأمر ب داعي الخوف مفي حد حيخاف علي خواتنا زينا خليه لروحه هذا
سماح.. هذا هوا ف الحوش محد يسمع كلمتي
تاج.. لازم يعني كل يوم هالقصة يلهي ف روحه ويفكنا شره مليت منكم ومن تصرفاتكم هو يشحن فيك وانتي تجي تكملي شحنك عندنا
تهاني.. ساد انتو تعرفو العيب واللي يندار واللي ميندارش خلاص عاد
دنيا.. محد يدخل مرة تانية وبالذات هالشيباني اللي يحساب روحه قنين
الجو قعد مشحون وناضو الكل
يتبع....
شن رايكم نكمل ولا❤️❤️❤️🙈🙈
