#ملتزم_وعشقته ❤️
روااااايات ايوتة 😍😍😍
الحلقة الرابعة
بدت الايام تفوت وكل مرة نطلعو ناخدو حاجة مفي حد ساعدنا زي متعرفو ورفيق بعد غيرت ارقامي وسيبت المحل معاش نندري عليه
تهاني.. تعرفي الوقت يفوت واحني مزال نعتبرو مدرنا شي
دنيا.. تو تكملو مزال شهرين ع العرس
تهاني.. وووه نفكر فيه اكتر من نفكر ف روحي
دنيا.. خيرك تاج
تاج.. شي عادي نسمع فيكم
دنيا.. مكلمكش سامر
تاج.. علاش بيكلمني مثلا
دنيا.. خطيبته يتعرف علاها شن فيه ثاني
تهاني.. ساهر قالي لو مفيش فاتحة ميتكلمش معاها
دنيا.. هذا صح مش زي اللي عندك
تهاني.. دنياااااا متحكيش هك ع خطيبي
دنيا.. مصح وجهك وخلاص
تاج.. مع ان مرتاحة بس مش عارفة علاش مش مطمنة
دنيا.. ياسر معاش تفكري
عند هدي....
هدي.. كملتو ولامزال
ساهر.. الحوش واتي يما مزال حاجات بسيطة بس
هدي.. وانت ياسامر
سامر.. واتي
هدي.. خيرك العفو مش فرحان زي خوك
سامر.. عادي ضروري نصفق ونغني باش تقولي عليا فرحان
حنين(اخته).. المهم بيتزوجو
حنان(اخته).. واضح فرحانين يما غير مدققيش ي ماما بس
ساهر.. بنطلع متبو شي
هدي.. وين بتمشي تصيع
ساهر.. مفيش وين نصيع بنكلم تهاني وحاجات بناخدهم من برا
هدي.. ربي يهديك وخلاص شن بنقول
ساهر.. ان شاء الله، بتطلع معاي
سامر.. انت بتعطل واني منبيش
ساهر.. مش معطلين تعالي
وطلعو الزوز
فاتو الايام وكملنا فيهم كل شي مفيش حاجة نقصناها وناويين ان يكون عرس كبير وساعدونا احمد ومحمود ف المصاريف
سماح.. لابأس الصالة تكوي غالية
تهاني.. معاش لقيتي علي شن تتكلمي جاتك ع الصالة غالية
سماح.. اي غالية كان درتو بيها حاجة للحوش قبل متمشو اهون😒
دنيا.. خشت... جيت ف الوقت المناسب ولا
سماح.. خيره متشديش حوشك انتي
دنيا.. الحوش بأسم شيبانيا الله يرحمه ويغفرله نخشله وقت منحب
سماح.. مطول لسانك
دنيا.. كنت نسمع ف موضوع الصالة قلتو غالية
سماح.. متطلعي الا انتي اللي مقايلتلهم
تهاني.. مناش صغيرين احني
دنيا.. والفيلو يوصل اليوم العشية باش اديرو عليه بروفات نزلت باش نقوللكم
سماح.. مش المفروض تأجروه من اهني
تاج.. اني بنخش داري
سماح.. تعالي نكلم فيك
تاج.. شن تبي
سماح.. جاوبي
تاج.. الفيلو جبناه من تركيا اني وتهاني واكيد سمعتو الباقي
عامر.. شفتي ولا شفتي وقت نقولك البنات يخدمو ومياخدوش رايك ف شي تقوليلي لا كيف ريتي بعينك
دنيا.. ياشيباني العازة والقهرة اسكت طيح سعدك ومزالك فالح غير ف الكلام زي النساوين رد بالك تخدم علي راسك زيهم
سماح.. دنيا احترمي واسكتي وانتو كيف شي زي هذا منسمعش بيه
تاج.. كوني ام لينا تسمعي حتا بالتنفس متاعنا
سماح.. واني شنو
تاج.. مسد عايشين ف هم وغم مسد غاصبتينا نتزوجو مسد متحملين الحشرة متاعك وتقولي اني ام!! تبصري طبعا
سماح.. لو حاجة ثانية اديروها من غير علمي حتا العرس منخشلاش
تهاني.. احسن توفري مكان لغيرك😏
سماح.. معرفتش نربيكم بس حيربوكم رجالتكم متأكدة
دنيا.. ع الاقل مكانك تاخده جارتنا المريضة احسن وانتي اقعدي مع المقمل هذا
مشي كل حد يدير ف شغله وامي معاش كلمها حد ومقعمز عامر يشحن فيها
وصل الفيلو كان ابداااع زي اللي تخيلته لليلة عرسي ونفس الشي فيلو تهاني كان يجنن نفس بعض بس فيه اختلافات بسيطة
سماح.. هذا بكم ان شاء الله شكله غالي متجيبوش حقه بروحكم
دنيا.. خليك ف حالك النهار الاحرف
تهاني.. زي اللي نتمناه بالضبط ❤️
تاج.. يهبلو تعرفي❤️
دنيا.. ع قيس نيتكم جاكم كل شي يجنن
تهاني.. وطبعا منسيناش نساوين خوتنا انتي والاء بعد يومين يوصلو كل وحدة قفطان الحفلة متاعها
دنيا.. تهبلو والله انتو خواتي
الاء.. ربي يهنيكم ويفرحكم زي متفرحو فينا
تاج.. مفيش شي يغلا عليكم
فجأة عياط امي جاي من دارها مدورناش جت تجري وتخبط
سماح.. ذهبي وين
تهاني.. شن ذهبي وين ف دارك
سماح.. مهناااااش
تهاني.. دوري عليه كويس شن اللعب هذا
سماح.. يانهاري الاسود كان يريحو عمري يضيع
بدت ادور زي المهبولة وادور واحني وراها ومش فاهمين شي
عند سامر وساهر...
ساهر.. كلمتها البنت
سامر.. معندي علاش نكلم فيها
ساهر.. بتتعرف علاها بتشوف نظامها بتشوف نظامك
سامر.. تو تجي ونعرف
ساهر.. البرادة اللي عندك هادي مفهمتهاش
سامر.. بنقعد نهدرز معاها هكي وخلاص قصدي فكر
ساهر.. اني وتهاني نحكو ف امور العرس ونحاول نفهمها وهي تفهمني
سامر.. تو تجي ونديره هذا كله متخافش
حنان.. متبوش تاكلو
ساهر.. معنديش نيا بنكلم تهاني
حنان.. وووه ارزن وخي البنت رزينة وانت كل دقيقة بنكلمها
ساهر.. خطيبتي بتولي مرتي شن الحسد هذا
حنان.. هالشي اللي بنحسدك عليه، امي قتلكم عشرة دقائق تكونو الزوز لوطي منعرفش شن تبي
سامر.. به
اما احني بدينا ندورو ف الحوش كله وندورو تخيلو من كثر ماهي موسوسة حتا حياش خوتي ركبتلهم
سماح.. مزال مكان مدورناشي
تهاني.. وين توا
خشت سماح وتفاجأت ان حديدة من ذهبها قاعدة
سماح.. تخنبي فيا ياساقطة انتي واياها
تهاني.. احترمي نفسك احسن منسمحلكش تتكلمي علينا هكي
سماح.. حديدتي لقيتها فوق دولابكم وين الباقي
تاج.. ساد اتهام ومنندرو ع شي مش هادي اخلاقنا دوري وين متبي واثقين من روحنا
سماح.. عندكم ل غدوا ميطلعش الذهب كله تشوفو حسابكم.....
يتبع...
تفاااعلو ❤️❤️❤️❤️
