#ملتزم_وعشقته ❤️
روااااايات ايوتة 😍😍😍
الحلقة الثانية عشر
خشت بشري بنت عمهم شادة قلبها وتتنفس بسرعة
هدي.. شن فيه خيرك
بشري.. ساهر ساهر
تهاني.. خيره ساهر
هدي.. تكلمي شن فيه
بشري.. ساهر دار حادث توا
هدي.. شن تقولي كيف دار حادث
بشرى.. والله دار حادث كبير
فجأة داخت هدي ومعاش عرفنا ننصدمو ب ساهر ولاب هدي اللي طاحت
سليم.. حنان جيبي عطر
حنان.. اهو هاك
بدي يشمم فيها وهي دايخة بدت تفيق بالشويا وتبكي
هدي.. ارفعوني ل وليدي نوض
سليم.. مفي شي اهو سامر كلمنا وقال بسيطة
هدي.. منرتاحش لين نشوفه
تاج.. خلاص تهاني اهو قالو حاله باهي وبيروح
تهاني.. مقاهرني غير هالبشري اللي ف كل مصيبة خاشة
تاج.. شن بنديرو
تهاني.. اني اللي حنوقفها عند حدها
تاج.. فكينا من المشاكل شدي روحك وقعمزي باين انها مش ساهلة
تهاني.. دواها عندي
بدي الحوش يتعبا بعد ماسمعو بالاقارب وبعد ساعتين تقريبا روح
طبعا ساهر كان يسوق ونعس ف الطريق وخش ف سيارة قدامه مكانتش ضربته قوية بس كسرت ايده وجروح بس
سامر.. خلاص متبي شي
ساهر.. لالا منور خوي
سامر.. تبي شي كلمني تلقاني
ساهر.. تم
سامر.. اهو تهاني اهما ادويته كل واحد ومكتوب عليه امتا ياخده
تهاني.. شكرا سامر مقصرتش
سامر.. تاج جت معاك
تهاني.. لالا قعدت مع حنين وحنان لان العيلة كلهم قاعدين
سامر.. باه كان صار شي كلميني
طلع سامر مشي الحوش واتصل بيا
تاج.. الو
سامر.. وينك
تاج.. قاعدة اماليك مروحوش قاعدين
سامر.. روحي ومتاعبيش روحك
تاج.. شن نمشي ونخليهم
سامر.. عادي ديري اي عذر وروحي نستنا فيك، وصكر الخط
حنان.. خيره
تاج.. مش عارفة قالي تعالي
حنان.. خلاص بري واصلا تعبتي هلبا اليوم
تاج.. تمام هي نتلاقو
لبست عبايتي وروحت الحوش
تاج.. خيرك شن فيك
سامر.. شي بس مش كويس اتاعبي روحك
تاج.. ومن قالك اني تاعبة
سامر.. احساس
تاج.. استغفر الله ياربي، بنخش نصلي
سامر.. به، خشيت توضيت وصليت العصر وجت ف خاطري حاجة كنت بنموت عليها
تاج.. شن ادير
سامر.. فيه ملفات ملحقتش نخدمهم امبكري جبتهم معاي
تاج.. قريب تكمل
سامر.. قريب، تبي حاجة
تاج.. ءء لالا شي
رجع سامر يكتب واني متكلمتش
سامر.. كلمتي تهاني
تاج.. اي كلمتها امبكري قتلي راقد
سامر.. به كويس، كملتهم ديريلي قهوة راسي
تاج.. حاضر، نضت درت قهوة وحطيت معاها حلويات
تاج.. نطلب منك طلب
سامر.. يشرب... اطلبي
تاج.. بما انك عارف ان اني حامل وهك ف جت ف خاطري حاجة
سامر.. متقوليش حاجة معجزة راه
تاج.. لالا ساهلة
سامر.. قولي هي
تاج.. خاطري نسمع القرأن بصوتك
سامر.. شن خطر عليك
تاج.. متفهمش فيهم الحاجات هادي هيا اشرب بسرعة
سامر.. به ساهل طلبك، مش عارفة شن خطر ف بالي الشي هذا بس كانت كمية الراحة والأمان فوق ماانتو تتصورو
سامر.. تبي شي تاني
تاج.. لو كان شريط راهو معاش نسكره صوتك مريح
سامر.. تعالي جنبي
تاج.. مرات نقول ان زواجي منك حاجة حلوة
سامر.. انتي عارفة شن صار لما طلعت من الحوش
تاج.. فكنا منها السيرة هادي
سامر.. ضروري تسمعي وتعرفي
تاج.. به
سامر.. يلعب ب شعرها وراسها ع صدره... مش عارف من وين نبدا بس اول مشفت صورك كأن من ولع نار جهنم ف قلبي انتي مرتي وبنتي وكل شي ف الحياة هادي
تاج.. تسمع وساكتة
سامر.. تعرفي علاش مسمعتكش وقتها، لان نعرف روحي مش حنصدق شي وكل كلمة كنتي حتقوليها تجي ضدك، طلعت مشيت ل صاحبي قعدت معاه مغبتيش علي بالي حتا ربع ثانية بس فيه شي داخلي يقولي لو رجعت حتكبر اكتر
تاج.. بس هي كبرت وفات
سامر.. صح كبرت بس مكنتش ابدا نبيها تكبر، تعرفي اني نختم ديما بأسمك وندعي ان كل شي يطلع غلط وتطلعي بريئة
تاج.. وتوا
سامر.. حتا لو مفيش دليل بس من كلام الشخص ينعرف هل هوا صادق ولا
تاج.. ياريت مصار هذا كله
سامر.. مرات حكمة من ربي اللي صار
تاج.. الحمد لله
سامر.. توا حنبدو من جديد معاش فيه شي يزاعل خلينا نكملو حياتنا من غير مشاكل من غير زعل
تاج.. ان شاء الله
سامر.. ساد الفترة اللي كنت فيها بعيد عليك معاش نبي شي يتكرر
تاج.. به
سامر.. غدوا نمشو للدكتور نشوفو صحة البيبي
تاج.. حاضر
سامر.. محلاها مرتي وهي هكي
تاج.. ربي ميحرمني منك
سامر.. هيا تو البسي وبري حوش امي اني بنمشي الجامع
تاج.. بتتأخر؟
سامر.. نصلي العشاء ونروح
تاج.. به رد بالك على روحك
طلع سامر ياربي راحة نفسية بعد كل الكلام اللي قاله راحة مفروض انها جت بكري بس عادي المهم جت حتا لو متأخر
صليت المغرب وقريت قرأن ومشيت الحوش مكانتش فيه الا بشرى وامها
هدي.. سامر وين اماله
تاج.. مشي الجامع
هدي.. اها باهي ربي يحفظه
سالمة.. قوليلي ياهدي
هدي.. نعم
سالمة.. سمعت انكم خطبتو ل سليم
هدي.. العفو غير من وين تجيبي ف الأخبار
سالمة.. مفيش حاجة تدرق
هدي.. مزال مفكرة نخطبله توا
سالمة.. غير رد بالك عاد اديرو زي مدرتو ل بشري وسامر قبل
هدي.. شن فتح هالسيرة توا
سالمة.. ماهو عيب ياسلفتي اللي صار
تاج.. علاش شن صار
سالمة.. هذا.....
هدي.. سااالمة الزمي حدودك
سالمة.. شن قلت اني المفروض البنت تعرف
هدي.. شن تعرف يعني مفيش شي تعرفه
سليم.. خش من برا... شن فيه صواتكم برا
هدي.. مفي شي نقاش واصكر
سليم.. باه، نبي عشي جيعان
هدي.. توا كنت برا علاش مكليتش
سليم.. ندس ف فلوسي نبي نتزوج بيهم
هدي.. باهي ربي دارلك عقل وبديت تفكر
سليم.. غير ارضي علينا بس
هدي.. تو نشوفو
سليم.. تاج بالله حطيلي حاجة ناكلها
تاج.. حاضر دقيقة بس
سالمة.. شن فيه بنية ف بالك
سليم.. لالا يامرت عمي مفيش أن شاء الله ندورو
سالمة.. اهو بشري بنيتي زين وفلاحة
سليم.. ف داخله... كان فيها خير ميطلقهاش راجلها... اللي فيه النصيب ربي يجيبه يامرت عمي
سالمة.. النصيب قدامك ياوليدي
هدي.. اني الحق منبيش ولادي ياخدو من العيلة كل مكان بعيد كل مااحسن
سالمة.. تو بالله ياهدي كناينك بعاد وتبي مشوار باش يمشو ويجو ماهو القريب خير
سليم.. عادي نتعرفو ع اماكن جديدة مش شرط كله من نفس المكان
هدي.. اني مادخلي هذا اهو ميختاروش بروحهم واني وين حنلقا البنت اللي تساعدني مش حنوخر ونخطبهاله
سالمة.. بنتي....
هدي.. ولدي صغير وبنتك مطلقة
سالمة.. وخيرهم المطلقات شن بنتي اطلقت ب مزاجها
هدي.. مش تصغير يعني بس لو ولدي مطلق ناخدله مطلقة ولدي عزري بياخد بنت
سالمة.. مش عاجبها... باهي باهي
تاج.. اهو عشاك وين نحطلك
هدي.. حطيله اهني ياتاج
سليم.. خواتي وين
هدي.. يقرو توا امتحانات
سليم.. اها باه
هدي.. كول كول ولدي
قعمز ياكل وسالمة تقصقص وادلل ب بنتها واني تفكيري مش معاهم بكل
يتبع....
قربت النهاية❤️
تفاااعلو 🥰
