#ملتزم_وعشقته ❤️
روااااايات ايوتة 😍😍😍
الحلقة الحادية عشر
روحنا من المستشفى بعد رجعت دنيا صحتها كويسة وكتبولها خروج اول مرة دنيا تنهار وتكون ضعيفة معروفة بالقوة بس من الصدمة ان امي ادير فيها وهك وخلتها تخسر ولدها معاش تحملت
احمد.. خليك جنبها تاج بنمشي ناخد ادوية وحاجات مهمة ونجي
تاج.. تمام ان شاء الله
الاء.. نركب نشوف محمود ونجيك
قعدت ف الصالة نلعب ب تلفوني شفت التاريخ، اليوم ليه 3 شهور مش باين ولانعرفو عليه شي ورابع شهر ليا ف الحمل، معشت شي من اللي نسمع فيه ديما ان حاجة حلوة وان راجلك معاك تدلعي عليه ويجيبلك شن تبي
الاء.. ف شن سارحة
تاج.. اه، لالا قاعدة
الاء.. تفكري ف سامر صح
تاج.. معاش تجيبي سيرته معاش طايقاته
الاء.. مهما يكون ف الاخر هوا راجل
تاج.. شن قصدك
الاء.. اي واحد ف مكان سامر حيدير هكي واكتر قصدي يلقا صور مرته باعتينهمله شن حيكون موقفه
تاج.. اني منلومش فيه بس المفروض انه يسمعني
الاء.. اللي داره رد فعل طبيعي بس مشكلتنا ان المدة طولت هلبا
تاج.. هذا اللي قاهرني اني
الاء.. انسي توا معاش تفكري فيه حافظي ع صحتك وبس
اما عند هدي كانت قاعدة هي وتهاني وبناتها
هدي.. كلمتي اختك ياتهاني
تهاني.. اي كلمتها الصبح قالت انها كويسة
هدي.. ربي يهدي النفوس
حنان.. حنين افتحي الباب يطق
حنين.. نوضي انتي
هدي.. بتنوضو ولاشنو توا
حنين.. باه اهو نايضة، ناضت فتحت الباب وعيطت
هدي.. هييي خيرك شن فيه
طلعت تجري بس وقفت لما شافت سامر قدامها
هدي.. س س سامر
جي حضنها وهي تبكي مش مصدقة ان شافت ولدها بعد 3شهور من غيابه
هدي.. حرام عليك حرااام
سامر.. يبوس ف ايدها... سامحيني يما سامحيني
هدي.. ربي يسامحك خوفتنا عليك
تهاني.. الحمد لله على السلامة سامر
سامر.. الله يسلمك، تاج وين اكيد ف الحوش
هدي.. تاج!
سامر.. نبي نشوفها نمشي ونجي
هدي.. تاج مش ف الحوش ياولدي
سامر.. اماله وين
هدي.. تاج بعد شهر من طلوعك مشت حوش اهلها
سامر.. علاش
هدي.. صارت فيها حالة ياولدي قريب هبلت يوم لقيناها لمت حوايجها ومشت
سامر.. تو نمشيلها
هدي.. خلي البنت علي راحتها
سامر.. مرتي يما شن خليها على راحتها
هدي.. اللي صارلها مش شويا خليها
سامر.. غدوا الصبح حنمشيلها ونفهم منها
قعمز سامر مع امه كان مستاحشها هلبا هدرز معاها ومشي الحوش ورقد طول
صبح يوم جديد... نضت دوشت وصليت وحطيت فطور احمد
احمد.. دنيا قاعدة راقدة
تاج.. اي حبتها فيها منوم ترقد متنوضش توا
احمد.. وانتي شن موضوعك مزال مبانش سامر
تاج.. صبح ياخوي فكنا من السيرة هادي موضوعه تسكر فوته
احمد.. لأمتا
تاج.. يفرج ربي وخلاص، واحني نتكلمو صوت الباب يطق
تاج.. كمل فطورك تو ننزل نفتح
حطيت وشاحي ونزلت تلاقيت مع امي
سماح.. متعرفيش تنزلي من الاول انتي
تاج.. خلاص خشي اهو جيت
سماح.. مقل ادبك تافهة
مرديتش عليها وفتحت الباب متوقعتش اللي نشوفه قدامي، سامر اي هوا مش عارفة شن صارلي قلبي قسي هلبااااا
هدي.. كيف حالك بنتي
تاج.. اهلين كويسة تمام خشي
هدي.. جيت نشوف مرت خوك سمعت انها مريضة وموضوع بنحكي فيه معاك
تاج.. اكيد تفضلي اركبي
ركبت وجيت بنركب وراها شد ايدي
سامر.. علاش تتجاهلي فيا
تاج.. نحي ايدك سيبني
سامر.. شوفيلي نكلم فيك
تاج.. سامر سيب ايدي مش وقتك بكل
سامر.. نبي نتكلم معاك
تاج.. مفيش بينا كلام خلاص
احمد.. نازل شاف سامر سلم عليه ودخله
احمد.. تاج تعالي
تاج.. فكني منبيش نشوفه
احمد.. شن فيه
تاج.. مفي شي ومعاش نبي
احمد.. من غير نقاش خشي وتفاهمو خير من امك ادير العار
تاج.. استغفر الله باهي خاشة
خشيت كان مقعمز ويشوفلي بدون ميتكلم
سامر.. بتتكلمي
تاج.. يهمك يعني
سامر.. كان ميهمنيش متشوفيش فيا توا
تاج.. الصح ان القعدة هادي تصير قبل 3شهور مش توا جاي تبي تفهم
سامر.. تكلمي نسمع فيك
تاج.. مفيش شي نحكيه
سامر.. متعصبينيش تاج تكلمي
تاج......
سامر.. علي صوتي شويا بس احكي
تاج.. معندي شن نقول كان يمكن تتصلح الأمور من اول مرة ونتكلمو بس انت فسدت كل شي
سامر.. حطي روحك مكاني
تاج.. لو اني مكانك حنسمعك ونحكم مش نحكم قبل منسمع
سامر.. به احكي توا بكل صدق وصراحة
بديت نحكي مش ع خاطر شي بس نبي نريح ضميري ويطلع الحق
تاج.. وهذا كل الي صار
سامر.. صورك كيف وصلوله انتي كنتي تبعتي فيهم
تاج.. لا ولاعمره بعت صورة بس منعرفش
سامر.. نوضي جيبي حوايجك ونتفاهمو ف الحوش
تاج.. سامر اني حكيتلك مش ع خاطر تسامحني ولاتغفرلي لا راه اني حكيت باش نكون مرتاحة
سامر.. المعني؟
تاج.. اني منقدرش نعيش مع شخص شك فيا حتا شويا، هذا موقف صار يمكن لو صار شي اكبر تطعن ف شرفي
سامر.. اي راجل ف مكاني حيدير هكي واكثر متعطينيش العذر يعني
تاج.. نعطيك العذر ف حالة انك سمعت وف داخلك مش مصدق نعطيك العذر وقت تقعمز معاي ف الحوش وتعاقبني نعطيك العذر وقت تحاول تصلح الوضع اللي صاير مش مشيت وخليتني متعرفش اني حية ولاميتة، تعرف حضرتك شن صار فيا تعرف قداش عانيت تعرف قداش مرة خشيت المستشفى هذا كله متعرفاش
سامر.. حقك عليا اني غالط ونعترف
تاج.. معنديش وين نصرفها كلمة حقك عليا سامر حياتنا مستحيل تمشي مدام خش فيها الشك
سامر.. افهمي اني مشكيتش فيك بس هي ردة فعل متوقعة من اي حد ف مكاني، انتي متعرفيش شن صار فيا وقت بعدت واخترت منسمعكش
تاج.. مصارلك شي والدليل انك قاعد قدامي توا
سامر.. بري جيبي حوايجك وهيا عندنا حوش نتفاهمو ونتعاركو فيه ميصيرش قدام الناس
تاج.. سامر خلاص م.....
سامر.. وقف... نستنا فيك برا ونادي امي وهيا منبيش نتأخر والطريق بعيدة
طلع بدون اي كلمة، قعدت حايرة بين اني نرجع وبين نقعد لان فيه شك يعني حياتنا شبه توقف المفروض
ركبت وف تفكيري الرفض
هدي.. بترجعي معانا صح
تاج.. منقدرش ن...
الاء.. كوني عاقلة ياتاج اعرفي كيف تتصرفي مش لعب هوا لو تبي تعاقبيه عاقبيه ف حوشك محد يندري عليك
مرديتش عليها وخشيت خديت شنطي وحطيت حوايجي ونقول كلام الاء صح ومزبوط وهذا اللي حنمشي بيه
نزل احمد الشنطة وروحت معاهم للحوش بديت نرتب ف حوايجي من جديد
سامر.. اني اسف
تاج.. ع شنو بالضبط
سامر.. ع كل غلط درته ع كل يوم كنت فيه بعيد عليك
تاج.. ربي يسامحك
سامر.. وانتي؟؟
تاج.. هذا شي منقدرش نقوله
سامر.. به بس عارف ان حيجي يوم وتسامحيني
تاج.. ادعي
طلع هوا واني كملت وخشيت لحقت درت غدي وقعمزنا نتغدو وهوا يحاول يغير الجو قد مايقدر
سامر.. حقا
تاج.. شن
سامر.. كأنك وليتي سمينة
تاج.. طبيعي هذا اي وحدة حامل تسمن
سامر.. اي صح.... شن قلتي
تاج.. شنو مقلت شي
سامر.. لا قلتي ان اي وحدة حامل تسمن انتي حامل تاج
تاج.. اي حامل من 4 شهور مش توا
سامر.. وخيره تقولي فيها من غير اهتمام
تاج.. لان كان الصح ان نفرح ف اول شهر بس توا عندي شي عادي جداً
سامر.. بس اني حنولي اب مستوعبة ان حنولي اب يعني
تاج.. اي لكن....
سامر.. خلاص معاش تفكري ف اللي فات خلينا نعيشو اليوم اني غالط ونعترف بس ياسر معاش تتكلمي بالطريقة هادي
تاج.. يستر ربي
سامر.. اهلي يندرو
تاج.. لا مقلتش
سامر.. باهي نفرحوهم معناها
تاج.. ان شاء الله خير
شفت ف عيونه فرحة كبيرة بخبر زي هذا بس حاولت منعطيشي وجه
خش رقد بعد الغدي والعشية مشينا وقلنا لأهله ونفس الشي فرحو حتا هما
هدي.. معناها فرحتي فرحتين بيكم
تهاني.. ربي يحفظك لينا
تاج.. حتقعدي احلي جدة ف الدنيا
هدي.. كبرت وحنولي جدة
تاج.. ربي يطول بعمرك وتعيشي وتزوجيهم
هدي.. الله يفرحكم زي ماتفرحو فيا
سليم.. خش... سمعت كلمة فرحة
هدي.. شن تبي جاي
سليم.. جيعان نبي ناكل
هدي.. وين كنت صايع لتوا المغرب راه
سليم.. طلعت مع صحابي وجيت مطلعتش برا المنطقة بكل
هدي.. باهي قعمز تو نجيبلك وبنحكي معاك
سليم.. شن داير مدرت شي
هدي.. ديما شاك ف روحك قعمز ترا
مشت سخنت غداه وقعمز يتغدي
هدي.. اغسلهم مش تحطهم وتمشي
سليم.. باهي
طق الباب بطريقة غريبة مشي سليم يفتح كانت بشري بنت عمهم شادة قلبها وتتنفس بسرعة.....
يتبع....
جماعة قصيرة متعلقوش بالله
الحلقة اكتر من 6000حرف معاش تحطموني❤️❤️❤️
