#ملتزم_وعشقته ❤️
روااااايات ايوتة 😍😍😍
الحلقة السابعة
ثاني يوم طبعا المحضر اللي دايرينه خيالي من الصبح تجهيزات والدنيا حايسة
هدي.. رفعت مرتك المزين انت واياه
ساهر.. الساعة 10 الصبح راه
سامر.. خليتها توتي ف روحها بعد شويا نرفعها
هدي.. مقتليش انت كيف حالك مع مرتك
سامر.. كويس الحمد لله
هدي.. باهي هي كويسة البنت ماشاءالله
سامر.. اي صح
هدي.. ياولدي بس متخلطش الامور وتقارن بينها وبين.....
سامر.. يما صكري السيرة هادي تعرفي انها تنرفز فيا
هدي.. عارفة بس كنت نفكر فيك بس
سامر.. متفكر متفكر صكرو
تاج وتهاني.. صباح الخير
هدي.. صباح الورد والياسمين
تاج.. كيف حالك ساهر
ساهر.. الحمد لله كويس
تهاني.. سامر كيف حالك
سامر.. بخير الحمد لله
ساهر.. بوي وين مشفتاش
هدي.. مع عمامك قاعد سأل عليكم قتله قاعدين مجوش
ساهر.. اني عريس مش بنقعد نساير ف الناس
هدي.. تحشم ونوض باش ميعطلوش ع الصالة
سامر.. متبي شي يما
هدي.. سلامتك ياوليدي رد بالك
سامر.. هي السلام عليكم
هدي.. وعليكم السلام
طلعت معاه ووصلني المزين، تعرفو مرات يكون هدوءه حلو ومرات مستفز بس مع الايام حيبان كل شي
لبست وكملت كل شي وكانت الساعة 6 بالضبط واتصلت بيا دنيا
دنيا.. ها وينك
تاج.. كيف كملت كلمت سامر
دنيا.. باهي حتا اني كملت تو نتلاقو ف الصالة
تاج.. تم سلام، صكرت منها وكلمتني تهاني
تهاني.. كملتي
تاج.. خيرك مزال انتي
تهاني.. قريب نكمل وانتي
تاج.. كلمت سامر قريب يجي
تهاني.. نتلاقو غادي سلام
لبست عبايتي ونزلت الخمار وطلعت سامر يستنا فيا مشيت الصالة وشفت امي💔
هدي.. الله يبارك علي كنتي الحلوة
حنان.. ماشاء الله قمر
هدي.. شن تهاني كملت
تاج.. كلمتني قتلي ف الطريق اكيد قريب توصل
هدي.. هيا نطلعو الناس بدت توصل وحنين تجي مرت خوك دخليها الدار
قعمزت نصور ونستنا لين رن تلفوني
سامر.. ايوا
تاج.. نعم سامر
سامر.. وين انتي
تاج.. شن فيه
سامر.. نتصل ب حنان متردش شوفيها
تاج.. به حاضر
صدفة حنان كانت جاية
حنان.. ها سامر مسمعتش الفون
سامر.. ترا اطلعيلي شويا
حنان.. حاضر هي، صكرت وطلعت وخش معاها سامر المرة هادي قداش انيق بالزبون وطالع عليه لونه ازرق ملكي
تاج.. شن هذا
سامر.. ولاشي بس قفطان
قفطان ارزق ملكي نفس الشي كبييير يلمع ياخد العقل❤️
سامر.. هادي هديتك ان شاء الله تعجبك
تاج.. حلو شكرا سامر 🥰
سامر.. متشكريش هذا واجبي، يلا اني طالع
تاج.. مش حتخش معاي
سامر.. لالالالا
تاج.. ع خاطري
سامر.. لا جو العرس منحباش تو نكلمك بعدين
تاج.. به على راحتك ❤️
طلع القفطان يجنن ذوق ع تنسيق ف اختياره واختيار الاكسسوارات
مر اليوم هداكا من اسعد ايام حياتي نسيت فيه الناس كلهم ونفكر كيف حتكون حياتي مع سامر وكيف حنسعده
بدت تفوت أيامنا عسل يوم عن يوم قداش طيب وينحب
لينا شهرين متزوجين شهرين من اسعد ايامي من دون مشاكل من دون عياط هدوء تام فيه تاج وسامر❤️
ف جهة ثانية مختلفة تماما...
رفيق.. قدرت تجيبه
اسعد.. البنت تزوجت راه
رفيق.. كيف تزوجت ومن منو
اسعد.. تزوجت سامر كمال اكيد تعرفه
رفيق.. اما سامر
اسعد .. سامر خو ساهر صاحبنا
رفيق.. الملتزم هذا
اسعد.. هوا هذا تزوجاته وعايشة معاه ف سعادة فوت البنت خلي تكمل حياتها
رفيق.. تكمل شنو نبيها اني بأي طريقة
اسعد.. مش متحبهاش وتلعب بيها خلاص كمل لعب مع البنات وفوتها مدام اختارت حياتها
رفيق.. اني الحاجة اللي نمل منها نفوتها بأرادتي مش تمشي مني
اسعد.. شعور الخسارة مش متعود عليه، انت مخسرت شي اعتبره درس وتعلمته
رفيق.. لالا منتعلمش اني حتشوف حنخليها تندم ع الساعة اللي فكرت فيها تخوني
اسعد.. رد بالك الانتقام يعميك راهي بنت ودعوتها حارة
رفيق.. صكر الموضوع معاش تحكي فيه
اما اني وتهاني كنا عند اهل سامر لان كانت مدايرة غدي
تهاني.. معاش كلماتك دنيا
تاج.. لا مختفية قالي احمد مريضة
تهاني.. هذا علاش ساكتة ومليهاش حس
هدي.. بالك تبو حاجة نديروها غدي
تاج.. لالا اهو نمشي نبدل اني وتهاني ونساعدك
هدي.. لالا انتو عرايس
تهاني.. خلاص معاش عرايس توا نساعدوك
لبسنا الزوز وبدينا نساعدو فيها
سليم.. سلام
هدي.. وين كنت صايع
سليم.. حرام عليك كنت راقد
هدي.. كذاب خشيت حوشك ملقيتكش
سليم.. رقدت ف الدار اللي فوق
هدي.. باهي
سليم.. تاج بنتاعبك ديريلي حاجة ناكلها
هدي.. وين مكاصيرك البنت عروسة
سليم.. ماهو كان زوجتيني معاهم
تاج.. تمام دقيقة بس ونجيبهولك
سليم.. منورة👍
دارو الغدي وكان كبير عازمة عليه واجواءهم تجنن
حنين.. تهاني راجلك قالك هيا
تهاني.. العفو هذا خيره
حنين.. منعرفش
تهاني.. نتلاقو غدوا اماله
طلعت تهاني قعدت مع هدي
هدي.. كيف جوكم انتي وسامر
تاج.. الحمد لله كل شي تمام
هدي.. ولدي عارفاته واعر وصعب اي حد يتحمله لكن قلبه ابيض
تاج.. صح والله ربي يقدرني ونسعده
هدي.. ان شاء الله يارب
سامر.. خش... السلام عليكم
هدي.. وعليكم السلام، كيف كنا نحكو عليك
سامر.. ان شاء الله خير
هدي.. كنت نحكيلها عليك
تاج.. صح
هدي.. تعشيت ولدي
سامر.. لالا معنديش نيا
هدي.. وين كنت بوك قالي مش مع الرجاله انت
سامر.. طلعت لان كان عندي درس ف الجامع
هدي.. ربي يعاونك ان شاء الله
سامر.. أجمعين
تاج.. خلي نجيبلك تاكل حاجة من امس مكليت شي راه
نضت من جنبهم للمطبخ
هدي.. قداش حنينة وقلبها طيب
سامر.. صح
هدي.. ولدي بنتكلم معاك لكن متعصبش
سامر.. ع شنو
هدي.. ءءء جت اليوم بنت عمك....
سامر.. مش حنصكرو سيرتها يما
هدي.. بنصكروها ياولدي بنصكروها
سامر.. شن اللي فتحها توا
هدي.. اني خايفة عليك وراسك
سامر.. متخافيش عليا نعرف شن قاعد ندير
هدي.. بنت عمك ونعرفها يمكن ادير شي
سامر.. خلي ادير ربع شي واني ننهيها
هدي.. ميجيش هكي والله ميجي
سامر.. منقعدش اخر عمري نتعارك مع المفرخ فهميها انتي والا اني نفهمها بطريقتي
هدي.. باه ميصير خاطرك الا طيب
تاج.. اهو عشاك
سامر.. صحيتي تاعبتك
تاج.. ولايهمك تعبك راحة ❤️
كلي سامر ولبست عبايتي وطلعت اني واياه الحوش
سامر.. صليتي؟؟
تاج.. اي صليت
سامر.. خشي ارتاحي اكيد تاعبة اليوم كله
تاج.. لو حكيت معاك ف شي تسمعني
سامر.. اذا مسمعتكش من بيسمعك
تاج.. هوا موضوع شاغل تفكيري ونبيله جواب
سامر.. قعمزي واحكي نسمع فيك
تاج.. ءءءءءء
سامر.. شنو
تاج........
يتبع...
تفاااعلو ❤️❤️❤️❤️❤️
