#ملتزم_وعشقته❤️
روااااايات ايوتة 😍😍😍
الحلقة السادسة
يوم الحفلة اليوم المنتظر❤️
نضت بكري او بالاحرا مرقدتش كويس، مشينا اني وتهاني المزين رفعنا احمد ومحمود ودنيا والاء اما امي معاش احتكينا بيها ولااصلا كانت معدلة ع العرس💔
المزينة.. ماشاء الله عليكم تهبلو
تهاني.. خايفة نشوف روحي ف المرايا
المزينة.. هيا نوضو نرفعكم الدار باش يساعدوكم ف اللبس
خشينا الدار كانت معبية مرايات الله ع شكلي ومكياجي متوقعتش روحي نطلع هكي ولاحتا تهاني كانت مصدقة روحها😍
لبسنا وزاد الإعجاب
دنيا.. تهبلو والله سعدود سامر وساهر
الاء.. احلي يوم ف حياتنا نشوفوكم فيه فرحانين
تهاني.. ياريت امي معانا وتقولنا فيه الكلام هذا 😥
دنيا.. ياسر معاش تنكدي علي روحك اليوم فرحتك افرحي بس
تاج.. سيورها ترضي وتكتشف اللي صاير
جي أحمد ومحمود ورفعنا الصالة اللي طول عمري كنت نحلم تكون صالة عرسي فخمة كبيرة ديكورها يجنن❤️
بدت الصالة تتعبا بالناس اللي جايين شعور الرهبة بروحها ساد
تهاني.. تعرفي شن احلا شي
تاج.. شنو
تهاني.. ان اني واياك مش حنتفارقو كبرنا مع بعض وتعلقنا ببعض وتوا حنتزوجو خوت
تاج.. هذا اللي مصبرني انك معاي ف كل شي مش عارفة كيف حتكون حياتي التانية
تهاني.. سامر كويس حتا ساهر قالهالي لكن انتي شغلي مخك وقولي كيف حنتعامل معاه
تاج.. يااارب🤲
تهاني.. متفسديش فرحتك كل شي يهون
تاج.. ان شاء الله خير
دنيا.. فتحت الباب... هيا بتطلعو باش يزفوكم
تهاني.. مش مزال وقت خيركم مستعجلين
دنيا.. مستعجلين قهرتك الساعة 7
تهاني.. حتا توا لسانها طويل
دنيا.. كان تشوفو امكم كيف تضحك وتنافق ف الناس
تاج.. يعني مش جديد هذا امي هكي
دنيا.. قاعدتلها اني كان منربيهاش اني مش دنيا غير تصبر عليا، هيا هيا اطلعو
نفتح باب الصالة بالشويا خفت الأضواء جي الضي كله علينا مدايرين بث مباشر ع شاشات خاشين علي أسماء الله الحسنى شعور الخوف من عدد الناس ومن كل شي
وصلنا الكوشة قعمزنا وامي تضحك ع اساس فرحانة بينا💔بس ف داخلها فرحانة انها بتفتك منا وبتقعد مع راجلها
محلاها وقت تشوفي اقاربك وصديقاتك وناسك فرحانين بيك وقريب يقيموك من الارض، عندي صاحبة وحدة تزوجت قل التواصل بيني وبينها بس حضرت عرسي وهذا اهم شي عندي حتا لو مفيش تواصل هلبا ❤️
رن تلفون تهاني وكان ساهر قاللها ان وصل قدام القاعة خشو حنان وحنين واقاربهم
حنان.. محلاكم ربي يحفظكم من العين
حنين .. سعدودهم خوتي بهالجمال
عمتهم.. حنان بري انتي واختك ارفعو تهاني ساهر يستنا فيك
وناضت تهاني مشت معاهم
عمتهم.. ربي يعطيك علي قيس نيتك حتا انتي وتسعدي سامر
تاج.. ان شاء الله يارب 😊
بعد فترة نضت اني وخشيت دار وكان سامر عاطي بظهره تلفت، محلاه كيف طالع انيق شعره مساوي لحيته مرسومة وتجنن🤤
ابتسمت ب رضا دعيت ف قلبي ان من اللحظة هادي ربي يعوضني عن كل شي خسرته كل كسرة نكسرتها💔
حكينا شويا وساعدني لبست الكاب وطلعنا للسيارة بحكم ان كانت الطريق بعيدة الساعة 11 طلعنا من الصالة
طول الطريق سامر هادي ولو تكلم يتكلم ف هدوء وكلام موزون يحبب اي وحدة فيه
وصلنا حوشهم اللي نفس الشي عرسهم كبير ويجنن اختارو سامر وساهر ان ميخشوش للخيمة وقعدو برا
اهلهم يهبلو حبابين وراقيين يخشو القلب
هدي.. ان شاء الله متاعبتكمش الطريق
تهاني.. عادي مش هلبا
تاج.. لالا الحمد لله متاعبش هلبا
هدي.. ربي يهنيكم ويسعدكم
هدي عندها سليم ولدها اللي كان عايش برا جي ع عرس خوته مش متزوج وقرر انه يستقر اهني
حنان.. تاج تهاني هيا اطلعو يستنو فيكم
نظامهم كان حياش جنب بعضهم العيلة كلها واخدة ف نفس المربع متاعهم يعني كل حوش وحوش مفيش بينهم مسافة هلبا، حوشنا اني وتهاني قراب حتا هما بس مش جنب بعض يفصلنا حوش سليم
خشينا اني وسامر الحوش يجنن يلمع من كل شي ديكور يجلط كبير
سامر.. عجبك
تاج.. اي حلو هذا ذوقك صح
سامر.. اي خديته مع صاحبي
تاج.. حلو ذوقك ف الحاجات هادي
سامر.. ماشي حاله
تاج.. نبي نبدل
سامر.. تعالي نرويك الحوش
قعدنا نتمشو ف الحوش كان انيق بدرجة متتصوروهاش كل اثاث فيه ف مكانه كانت فيه دار خاصة بالحوايج والإكسسوارات ساعدني نحيت الفيلو ومسحت المكياج وفكيت تسريحتي، بعدها توضيت ولبست المصلية، طلعت لقيته شاد المصحف❤️
تاج.. نصلو😊
سامر.. هيا،،، وقف ساوي روحه وقفت وراه وكبر وبدي يصلي، مش حنحكي علي شعور الراحة لان لو كتبت الف حلقة منوصفاش بس اول مبدي سامر يقرا كان من دخلني ف عالم ثاني صوته خيال كل مخرج حرف يحكيه واني قلبي بيطلع مفهمتش علاش قري سورة مريم 🥰دموعي لااراديا بدو ينزلو مقدرتش نشد دمعة نزلت مني
كمل صلاة وبدي يدعي بصوت واطي مقدرتش نسمعه اما اني نحيت المصلية وخشيت الحمام نبكي بصوت 💔
سامر.. تاج تااج شن فيه
تاج.. بصوت يرجف... م مفي شي
سامر.. افتحي قوليلي خيرك
تاج.. شي، غسلت وجهي وحاولت نهدي ومنفقدش اعصابي من جديد
سامر.. شن فيه
تاج.. شي بس تاعبة
سامر.. تاعبة تبكي هكي نحساب صارتلك حاجة
تاج.. لا مصارلي شي اسفة خوفتك عليا
سامر.. ربي يستر، تعالي كولي
تاج.. به، وقعمزنا ناكلو
اما عند تهاني الوضع مختلف تماماً عني كانو فرحانين بحكم انهم تعرفو قبل الزواج بس وضعهم غييييييير
مرت الليلة بسلام وهدوء متفهم لدرجة لاتوصف ف كل شي شخصيت رفيق عكس شخصية سامر بس خفت مع الايام رفيق يلقاني وتصير مشكلة 💔
مرقدناش الليلة ابدا اول مرة ف حياتي نفرح وقت يهدرز معاي حد او ينصحني
شخصية سامر حلوة وجذابة حايرة انه مفيش وحدة من عيلته حاولت ان تتقرب منه
الساعة 11طق الباب فتحت
حنين.. صباحووو عروسنا
تاج.. صباح الخير حنين
حنين.. امي قتلك تعالي انتي وسامر لحوشنا
تاج.. به ان شاء الله
حنين.. متعطلوش نستنو فيكم ع الفطور
تاج.. تمام دقايق نلبسو ونجو
صكرت الباب خشيت وسامر كيف طلع من الحمام يجفف ف شعره
تاج.. وتيتلك الزبون متاعك تلقاه معلق
سامر.. شكراً تاعبتك
تاج.. مفيش تعب😊خش البس مابين لبست اني ونطلعو
وقفت نلبس رن تلفوني كانت دنيا
تاج.. اهلا
دنيا.. اهلين بالعروس شن جوك
تاج.. تمام شن اخبارك
دنيا.. صوتك فرحان يابنت
تاج.. اسكتي مش زي مكنت متوقعة الموضوع بكل
دنيا.. ع سامر
تاج.. اي كويس لدرجة متتخيليهاش
دنيا.. لا هادي تبي قعدة، تو نقول لخوك يجيبني بكري غدوا
تاج.. كلمتي تهاني
دنيا.. كلمتها حتا هي فرحانة
تاج.. امم هيا نتلاقو غدوا اماله متعطليش
صكرت من دنيا كنت مكملة لابسة قفطان طويل عرايسي لونه بودري هاااادي خديت اني وتهاني نفس الشي ولبسناه مع بعض
سامر لبس قداش طلع عليه الزبون العنابي يجنن❤️
لبست عبايتي ومشينا لحوش امه وكان استقبالهم يهبل بكل معني الكلمة ووصلت بعدي تهاني
تهاني.. محكيتيليش
تاج.. الامور ماشية مكنتش نتوقع ان كل شي ساهل هكي
تهاني.. هوا ساهل انتي صاعبتيها
تاج.. المهم مشت اموري، وانتي
تهاني.. متسأليش ❤️❤️❤️
تاج.. فهمت🤣ربي يهنيك ياوخيتي
تهاني.. يهنينا الزوز
سليم.. من الباب... اميييييييي
هدي.. نعم خيرك تعيط
سليم.. توا قوليلي اني ولدك ولا
هدي.. كان سخر ربي ولدي
سليم.. كيف تخلوني من غير فطور مدايرة عرس هكي كبره ومتقوليش نخطب لولدي ونزوجه معاهم
اني وتهاني شادين ضحكتنا من اسلوبه
هدي.. باه تحشم نساوين خوتك قاعدين
سليم.. اماله علاش اخترت الوقت هذا باش يشوفو عزوزتهم قداش ظالمة
تهاني.. بهمس... يحكي ع الظلم مشافش ظلم امي هذا
هدي.. باه تو نحطلك تاكل اسكت بس
سليم.. معاش نبي
هدي.. مدامك متبيش علاش قالب الدنيا
سليم.. وين خواتي وين تقول مش امي انتي😭
هدي.. حشمتنا حشم حالك ان شاء الله وانت زي العيل قريب تبكي
سليم.. تو نمشي نسافر من جديد
هدي.. شد خربتك وقعمز تو نحطلك فطورك اطلع هي
حطو الفطور مع عيلتهم وقعمزنا نهدرزو طول اليوم لين جي الليل وروحناااا
يتبع.....
تفااعلو ❤️❤️❤️❤️❤️❤️
