#ملتزم_وعشقته❤️
روااااايات ايوتة 😍😍😍
الحلقة الثالثة عشر
فاتت الايام هدوء تام مفيش مشاكل مفيش اي جديد ف اللي قاعد يصير
سليم شاد خدمته وبس يروح متأخر يرقد
ساهر بدي يتحسن ويطلع
ساهر نفس حياته قاعدة
اما عند اسعد ورفيق....
اسعد.. توا شنو يارفيق
رفيق.. شن
اسعد.. ساد وانت تفكر كيف تنهيها البنت
رفيق.. شوف يااسعد اني مش ساهل وهيا اختارت الحرب هادي
اسعد.. حتشوف، يلا ماشي متبي شي
رفيق.. خيرك
اسعد.. عندي شغل نتلاقو بعدين
طلع اسعد وهوا ف باله خلاص حيكلم ساهر وقت يتلاقو ويحكيله حس ان تاج مسكينة ويبي يساعدها
اما رفيق قعمز يفكر شن الخطة الثانية بما ان الأولى منجحتش
هدي.. تعالي اهني
سليم.. نعم
هدي.. بنخطبلك وبنفتك منك
سليم.. جديات بتفتكي
هدي.. مش حنفتك بس يلا، ع المهم فيه وحدة ف بالك تبيها
سليم.. لالا مفيش مش جوي هك
هدي.. بنصدقك، يعني نخطبلك اني
سليم.. اي امي اخطبي،لكن بشري لا راه
هدي.. حتا اني مش مهبولة نخطبهالك
تهاني.. خيرها
تاج.. اي خيرها
هدي.. كان فيها خير راهو قاعدة عند راجلها
تاج.. مش شرط مرات هوا مش كويس
هدي.. معرفوهاش هادي
سليم.. خلاص فكونا من سيرتها
هدي.. بوك وين اماله
سليم.. مع عمامي ف المربوعة
هدي.. باهي نوض سلم ولدي قعمز معاهم
سليم.. فكيني منهم بندوش وبنرقد
هدي.. مغرب العفو امتا بترقد
سليم.. تاعب امي هيا نستأذن
طلع واحني قعدنا نهدرزو عادي لين رن تلفوني كانت امي
تهاني.. ردي علاها
تاج.. فكيني بتغم قلبي بالكلام وبس
تهاني.. ردي مرات حاجة مهمة
تاج.. الو
سماح.. خيرك مترديش بكري
تاج.. نعم
سماح.. غدوا تعاليلي
تاج.. سامر خدمة الصبح
سماح.. تعالي حتا بروحك شن بياكلوك
تاج.. كان قال سامر باهي تو نجي
سماح.. متتأخريش
صكرت ومستغربة اتصالها بس قلت حنفهم وقت نمشيلها
فات الوقت وروح سامر وقعد يتعشا
تاج.. كلمتني امي امبكري قتلي تبيني
سامر.. الصبح نخدم بري انتي واختك
تاج.. تهاني مع ساهر عادي نمشي الصبح بكري ونروح قبل الظهر
سامر.. رد بالك من الطريق
تاج.. حاضر، علاقتي ب سامر بدت تتحسن يعني نعيشو اليوم وننسو كل اللي فات
خشينا رقدنا عادي والصبح الساعة 11طلعت مشيت حوش بوي، وصلت
سماح.. خيرك تأخرتي
تاج.. ماهو زحمة وبعيد قصدي واضحة
سماح.. باهي خشي قعمزي
تاج.. مستعجلة ونبي نروح قبل سامر
دنيا.. نازلة... اهلا اهلا
تاج.. اهلين وينك مختفية
دنيا.. قاعدة والله اهو بديت نتحسن واموري كويسة
تاج.. تعالي نخشو نهدرزو شويا وبنمشي
سماح.. مش الدكتور قالك معاش تتحركي ماهو شدي حوشك
دنيا.. حنعاودها مع ان قايلتهالك المرة اللي فاتت حوش شيبانيا الله يرحمه ويغفرله ننزل وقت نبي ونركب حوشي وقت اني نبي محد دخله فيا انتي غير شدي المقمل متاعك بس
سماح.. حتا بعد شفتي الموت قاعدة متربيتيش
دنيا.. ياويلك من ربي بس شن نقول، تعالي تاج
خشينا وقعدنا نهدرزو المفاجأة اللي مكنتش نتوقعها ان خش عامر ورفيق مع بعض..
عامر.. جاينا ضيف اليوم
تاج.. اني بنروح
سماح.. وين مروحة
تاج.. جايبتيني باش نشوف المنظر هذا انتي ولاشنو
سماح.. جبتك اهني لانك خنتيه
تاج.. شن تخرفي انتي نسيته ونسيت كل شي يتعلق بيه تزوجت ونحب راجلي
رفيق.. بس اني مزلت نبيك
تاج.. شن تقولو انتو
سماح.. هيا عامر وانتي اطلعي خليهم
تاج.. شن هيا متاعك اني اللي بنروح
سماح.. لو تتحركي من مكانك اني اللي نمشي ل راجلك ونثبتله انك خنتيه
تاج.. شنو
سماح.. زي م جبت صورك واعطيتهمله نقدر نودرك ف ستين داهية
تاج.. عاودي عاودي صوري!!!
سماح.. رفيق من وين حيجيب صورك كان مش مني يعني
تاج.. متأكدة انتي امي
سماح.. هههههه امك امك متستغربيش
تاج.. افهمي اني تزوجت ونحب سامر نحبه افهمو
عامر.. من غير كتر الكلام اللي ماينفع
دنيا.. متكونيش مهبولة تكرهيهم صح لكن مش ل درجة تبيعي بنتك
سماح.. اني بايعتها من زمان ومتهمنيش
دنيا.. اعقلي احسن
سماح.. انتي بالذات متدخليش خليك بعيدة احسن من يكون مصيرك زيها
دنيا.. لا بالله متتحشمي انتي
اما رفيق اللي واقف بعيد ويشوف ب ابتسامة نصر انه حيحصل اللي يبيه ب سهولة بعد ضحك علي عامر وسماح
تاج.. خليني نروح ومعاش تشوفي وجهي
سماح.. علاش مكبرة القصة هي دقايق شوفيه شن يبي وروحي ومعاش نشوفك عندي
تاج.. فيقي علي روحك فييييقي بنتك اني مش حد غريب
سماح.. ميأثرش فيا كلامك ولاحتا تسخفيني احسن ليك تهدي
سكت وعرفت روحي انتهيت مع ضحكة رفيق اللي قتلتني، ندعي ف داخلي ميصير شي غلط متصير حاجة تخسرني ف حياتي
تاج.. من الاخر شن يبي هذا
رفيق.. نص ساعة مع حلوة زيك تكفيني
تاج.. شن تخرف انت
رفيق.. خلي نطمنك انتي مش طالعة من اهني لين ندير اللي نبيه
تاج.. ارحمني وافهم تعرف شن يعني تزوجت
رفيق.. واني شن همني، كل اللي نبيه حقي
بدي يقرب واني نبعد حسيت بالخطر حسيت بالدنيا وقفت بيا اصلا معاش عرفت شن ندير تعرفو احساس امك اللي مفروض تعطف وتحن عليك سلمتني ل حبيبي السابق ع طبق من ذهب🔥
متقولوش استسلمت لالا مكانش استسلام اكتر من انه.. شي منقدرش حتا نوصفه.
ضعفت ودخت من قوة وصدمة الموقف واخر شي شفته وسمعته ضحكة امي اللي عبت الصالة وعامر اللي شاد دنيا وهي تعيط....
ف نفس المكان.....
اسعد واقف يشوف ومش قادر يدير شي وحاير هل يخش عليهم او انه يركب سيارته ولاكأن حاجة صارت،،
قبل هذا رفيق محكاش ل اسعد ع انه حيجي ل حوش تاج او انه اهلها حيخلوها ليه لان اكيد كان حيعارضه من دون شك
بدي الشك يلعب ف دماغ اسعد وقرر انه ف هداكا اليوم يلحقه ويشوف شن اللي ناوي عليه قعد جهة الحوش يستنا بالدقيقة لين جي قدام الباب وشاف المنظر
بعد تفكير دار شي وطلع ولا قعمز ف سيارته وهوا ضميره بياكله نزل من جديد وهد ع الحوش وقتها رفيق نصدم لان اسعد رفع مسدسه ف وجه رفيق والعيلة كلها
اسعد.. سيب البنت سيبهااااا
رفيق.. انت كيف جيت وكيف عرفت
اسعد.. مدخلكش نوض
رفيق.. متدخلش ف......
اسعد.. لو متنوضش اني حنقتلك وربي منشوف حتا للصحبة اللي بينا
ناض رفيق ب استسلام وهوا يشوف ل اسعد ب حقد
اسعد.. انتي تعالي غطيها وطلعيها برا
دنيا.. ب به
اما اسعد اللي اتصل ب ساهر وجي لان كان ف خدمته وقريب من الحوش خش ومش فاهم شي من الموقف هذا
ساهر.. ش شنو صاير
اسعد.. هالكلب هذا متخليشي يطلع، حسابك علي ايدي يارفيق
ساهر.. مفهمت شي شن صار
اسعد.. هيا قدامي انت والشيباني اليوم حتبات ف الحبس وراسك انت واياه
رفيق.. متتهورش.....
اسعد.. اسكت ضم فمك انت حقير وتستاهل هذا كله
طلع بيهم الزوز وخايفين ان اسعد بجد يقتلهم بحكم بينلهم انه معنداش مانع يقتل وعنده عادي
اما ساهر اللي قعمز مصدوم وحيله مهدود بعد حكتله دنيا ع اللي صار
دنيا.. سامر سامر ضروري يجي
ساهر.. لبسيها وحنرفعها المستشفى
دنيا.. به به
اما سماح اللي ساكتة ولاتكلمت كل اللي داراته صكرت علي روحها الباب بس...
وصلو المستشفى
سامر.. خيركم شن فيها
دنيا.. م مفيها شي ب بس تعبت
سامر.. تعبت شنو الصبح خليتها مفيها شي
ساهر.. اهدا بس وكل شي ينحل
سامر.. فيه حاجة اني منعرفهاش ولاشنو
الدكتور.. طلع من الغرفة... حالتها مستقرة بس الباين انها متعرضة ل محاولة اغتصاب
سامر.. منو هادي
الدكتور.. الحالة اللي وصلت توا اعتقد اسمها تاج
سامر.. تاج! تاج مرتي عن اي اغتصاب تحكي
ساهر.. شكرا دكتور
الدكتور.. العفو
سامر.. شن شكرا سمعته شن قال
ساهر.. كلامه صح
سامر.. شن اللي صح
دنيا.. حنحكيلك كل شي
وبدت تحكي وسامر ساكت اخر شي شد راسه ومعاش تحمل اكتر
يتبع....
متأخرة لان الضي هارب 😭😭😭 وكيف كملتها الساعة حاليا 12:40دقيقة صباحا❤️
تفاااعلو 🥰🥰
