#ملتزم_وعشقته❤️
روااااايات ايوتة 😍😍😍
الحلقة الثامنة
تاج.. موضوعي هوا ع بشرى بنت عمك
سامر.. خيرها 🤨
تاج.. ءءء قصدي ءء
سامر.. احكي
تاج.. مرت عمك اللي هي امها قالتلي انك كنت تبيها
سامر.. وشن تاني
تاج.. ش شي بس قالت انك كنت تحبها وت تبيها بس هي تزوجت
سامر.. الموضوع هذا منحبش نفتحه
تاج.. اسفة فتحته بس من حقي نعرف
سامر.. مفي شي يستحق ان تعرفيه هي تزوجت واطلقت مش مشكلتي لكن انها تسببلي مشاكل هذا منبيشي
تاج.. تمام، وعم الصمت بينا
مر اليوم عادي ومحاولتش نضغط عليه باش يتكلم، ثاني يوم كان مفروض انها يرجع خدمة لان الاجازة متاعه تمت نضنا حطيتله فطوره ومشي الخدمة، واني درت الغدي ولبست ومشيت حوش اهله
هدي.. صباح الورد
تاج.. صباح الخير كيفك اليوم
هدي.. الحمد لله وانتي
تاج.. كويس الحمد لله، البنات وين اماله
هدي.. يضمو ف الدار اللي فوق كيف ركبو
سليم.. نازل من الدروج... علاش ف الحوش هذا متحترموش الراقد
هدي.. عليك صبح خيرك اليوم
سليم.. مركبة بناتك يخبطو علي راسي علاش
هدي.. بيضمو شن ممنوع
سليم.. نمشي حوشي تبعتيهم ع اساس يضمو نجي اهني يخبطو خيركم
هدي.. دور خدمة علي راسك وبرا اخدم خير من اليوم كله نوم وبنات
طق الباب فتح وهو معصب لقي بشرى وامها
سليم.. صباح النور مرت عمي
سالمة.. اهلين ولدي
هدي.. اهلين ب سلفتي
سالمة.. نضت الصبح دارت بشري كيكة قلت نشربوها مع القهوة
هدي.. خشو قعمزو
بشرى.. كيف حالك اليوم تاج
تاج.. كويسة بخير 😊
هدي.. كلمي تهاني تجي حتا هي
تاج.. حاضر
خشيت اتصلت ب تهاني دقائق وجت حتا هي
تاج.. تعرفي انه سامر كان يبي بنت عمه قبل
تهاني.. اي قالي ساهر امس بس محكاش القصة كأنه منبهينه ميحكيش
تاج.. واني نموت ونعرف شن قصتهم
تهاني.. الخبر اليوم ب فلوس غدوا ببلاش
تاج.. نموت كان منعرفش
تهاني.. هيا هيا نديرو قهوة خير
اما مع هدي وسالمة
سالمة.. شن جو الكناين الجدد
هدي.. ماشاء الله عليهم ف كل شي
سالمة.. اي بس مش ملاحظة انهم صغار
هدي.. اللطف ياربي ياسالمة معاش فيه صغار توا
سالمة.. باهي باهي، البنات وين
هدي.. يضمو فوق خليتهم
خشيت اني وتهاني بالقهوة والحلويات
هدي.. سلم يديكم ان شاء الله
تهاني.. سلمك
سالمة.. شنو مفي شي
اني وتهاني نشوفو لبعض
هدي.. مزال مزال ليهم شهرين بس
سالمة.. بالك فيهم حاجة
هدي.. اشربي سلفتي قهوتك تو تبرد
خدت تشرب وتسأل وتعرفو تقصقيص العزايز بس معاش شوية خبث🤷♀️
تهاني.. درتي غدي انتي
تاج.. اي درت وشكلهم قاعدين بيتغدو لتوا مقعمزين
تهاني.. خلاص بري جيبي غداك واني نجيب غداي مش لازم نطيبو
هدي.. حنين وحنان وين
تهاني.. كيف نزلو ف دارهم
هدي.. الهم هادو بيقعدو يتغدو
تاج.. اني مدايرة غدي وتهاني نفس الشي تو نجيبوه ونسقو وخلاص
هدي.. به مرة تانية معاش اطيبو اني نبعتلكم مزلتو عرايس
تهاني.. فكرتيني امي قالو مريضة
تاج.. ربك يشفي
تهاني.. مش حنمشولها
تاج.. مصدقت افتكيت من العراك والعياط
تهاني.. 5دقايق ميضروش العشية نمشو
تاج.. تو نشوف سامر قبل
حطينا الغدي وتغدو واني سقيت ل سامر ومشيت الحوش لانه مجاش
سامر.. جيت ملقيتكش نحسابك مروحة
تاج.. مرت عمك جاية وتغدو هذا علاش تأخرت
سامر.. به تمام
تاج.. اهو غداك
سامر.. سلم يديك❤️
تاج.. امي مريضة قتلي تهاني عادي نمشيلها شويا
سامر.. تبي نرفعك
تاج.. لالا عادي انت ارتاح تغدي وارقد واني نمشي نشوفها مع تهاني ونجي قبل متنوض
سامر.. خودي راحتك عادي
تاج.. صحتين🥰
مشيت خشيت الدار لبست عبايتي ووشاحي، وقفت قدام المراية ونتفكر ف كلام حنين لما قالتلي خوي كان يتمنا وحدة مختمرة يتزوجها او حتا تلبسه ع خاطره، هوا مقالي شي ولاحتا فرض عليا حاجة وهذا اللي خلاني مستغربة منه، خديت الخمار ف ايدي وطلعت الصالة
تاج.. بنطلع توا معاش تبي شي
سامر.. ياكل... لالا ردي بالك ف الطريق
تاج.. حاضر، ووقفت قدام المراية عدلت الخمار
سامر.. قام راسه... خيرك لابسة هك
تاج.. شي بنبدا نلبسه احسن
سامر.. ابتسم ب رضا، خديت مفتاحي ومشينا اني وتهاني لحوش امي وصلنا العصر بالضبط
سماح.. يادنيا ياهم افتحي الباب
دنيا.. شدي لسانك شن هذا فوق منعاني فيك
سماح.. افتحي الباب بري
فتحت الباب لقتنا سلمنا وخشينا
سماح.. ماشاء الله راجلك عرف يربيك😏
تاج.. ب ملل... السلام اولا ثانيا اني بأرادتي لبسته لارتجلي لاشي
تهاني.. سمعنا انك مريضة جينا نشوفوك
سماح.. فيكم الخير🙄
دنيا.. قعمزو خلي نهدرزو
تاج.. منبيش نعطل خليت سامر بيرقد اقلها نوصل قبل مينوض
دنيا.. احكولي شن صاير شن الجديد
تهاني.. ع حطت ايدك
دنيا.. وساهر
تهاني.. كويس🙈
دنيا.. عارفاتك انتي، وتاج
تاج.. نفس الشي سامر كويس معاي مشفت منه شي
دنيا.. بيني وبينك
تاج.. شنو
دنيا.. هوا اللي غصبك تلبسيه
تاج.. لا اني لبسته لان حنين قتلي عليه
دنيا.. مدام هكي باهي
سماح.. جايين توشوشو انتو ولاكيف
تاج.. حالك باهي المهم
سماح.. من ربي بخير
تهاني.. مشفناش راجلك اليوم غريبة طالع
دنيا.. وين طالع ياحظي منخمد راقد
سماح.. دنيااااا
دنيا.. شنو دنيا
عامر.. طلع من داره... شن هالصوت هذا ش... ماشاء الله مشرفينا اليوم
تهاني.. اي🙁
سماح.. نوضوك ب دوشتهم هادم
تاج.. هيا تهاني تو نتأخرو
عامر.. امتا جيتو باش تروحو
تاج.. وقت عليا والطريق بعيدة منبيش نعطل
سماح.. كيف مقالكش معاش تسوقي
تاج.. مدام واثق فيا عادي
سماح.. يلا😑
تاج.. متشوفيش شر
دنيا.. اركبو شوفو خوتكم قداش ليهم يسألو عليكم
تاج.. تمام هيا، هادي امي متغيرتش وقلبها قاعد قاسي زي قبل واحرف
ركبنا وشفت خوتي ووصلنا للحوش قبل المغرب وكان سامر كيف نايض
سامر.. كيف حالها امك
تاج.. كويسة واخدة بردة
سامر.. باهي كويس
مر اليوم عادي قعدت ف الحوش ومعاي سامر ومشينا الوقت
ثاني يوم زي اي يوم مشي سامر الخدمة بعدها طق الباب فتحت و.......
يتبع....
تفاااعلو ❤️❤️❤️❤️❤️
