#ملتزم_وعشقته ❤️
روااااايات ايوتة 😍😍😍
الحلقة الثانية
بما ان متعودين ع الجو متع العراك مأثر فينا شي خشيت داري كلمت رفيق ورقدت بعدها...
ثاني يوم طلعت بكري باش منقابل حد يوم ف حياتي نبيه يمشي رايق قعدت ع البحر ونفكر ف مليون حاجة عارفة ان رفيق مستحيل يتزوجني وانه حب كلام بس وعارفة ان حياتي لو قعدتها مع اهلي حتمر جحيم لان كل يوم مشاكل ونفخ وعراك لاتفه الاسباب بسبب عامر
مشيت اعطيت محاضرتي وخديت غدي من المطعم ومشيت المحل
رفيق.. خيره صوتك حبي
تاج.. شي
رفيق.. قوليلي متعودة متقوليش
تاج.. نفس القصة مع راجل امي متاعبش راسك
رفيق.. باه عندي خدمة نكلمك بعدين
قعدت نستنا ف كلمة اني معاك احكيلي ويصر انه نحكيله بس رفيق مكانش هكي ابدا يسأل مرة ولو مجاوبتاش يسكت
مر اليوم واني مضايقة ومعندي خلوق نروح للحوش بكل لين اتصلت امي
سماح.. ايوا
تاج.. نخدم يما شنو
سماح.. روحي توا عندنا ضيوف
تاج.. مش وقته اني مرتبطة بخدمة مش نلعب
سماح.. روحي قتلك شي مهم كان هذا منفكر حتا نقيم تلفوني ونكلمك
تصدقو ان الكلمة هادي قتلتني مخلت فيا شي معقول هادي امي اللي مفروض كل دقيقة تكلمني تتطمن عليا ادير فيا هكي
صكرت الخط واول مرة دموعي ينزلو من معاملتها اللي مليت منها، اتصلت ب تهاني وخطمت عليها وروحت لقيت مرا كبيرة وزوز بنات معاها
سماح.. هادي بنتي الصغيرة تاج
هدي.. ماشاء الله عليها زين تبارك الرحمن
سماح.. وهادي بنتي اللي اكبر منها تهاني
هدي.. ماشاء الله علي بناتك ياسماح جمال واخلاق
سماح.. سلمك سلمك
طلعنا واحني مش فاهمين شي بدلت وصليت وفتحت نت، رفيق اتصل اكتر من مرة مرديتش عليه
____________
سماح.. شفتيها اللي قاعدة برا
تهاني.. خيرها تشكر وتعاود
سماح.. عندها زوز ولاد وخطبتكم ليهم
تهاني.. ايا علينا تقول مش مخرفين فيه الموضوع وقلنا منبوش نتزوجو
سماح.. ومن قال نطلب ف رايكم، شن بتقعدو ديما ف رقبتي برو ف حالكم
تاج.. يما معاش تعاوديه هذا ولو ع راجلك قوليله قاعدين علي قلبه
سماح.. ولو كان تتزوجوهم غصب يااني ياانتو
تهاني.. اني اللي مستعدة نعصيك عندي عادي هذا زواج مش لعب مفرخ
سماح.. اعصيني نتبرا منكم الزوز معاش تقعدولي فيه الحوش
تاج.. باهي تو ينفعك هذا اللي شادة بيه
سماح.. مدخلكش فيا ومتحكيش ف خصوصياتي غدوا حيجو ولادهم حتشوفوهم وتوافقو غصب عنكم ياويلكم تفكرو ترفضو نعيشكم ف جحيم عندي
طلعت وقربعت الباب وراها
تهاني.. هادي اكيد هبلت حتا عقل معاش فيها
تاج.. ياربي شن بنديرو
تهاني.. بالك يطلعو كويسين
تاج.. تبصري انتي تبي رفيق يقتلني لو تزوجت غيره
تهاني.. ع اساس هوا مقوم وكويس تي هوا سكار ليله كله هوا مش ف وعيه وغير انه متع مشاكل
تاج.. بس نحبه💔
تهاني.. حبة ان شاء الله ياريته حتا مداير فايدة
تاج.. مش عارفة
تهاني.. خلي يجي غدوا علي خير معندنا شن نديرو امك عقلها مشي ورا راجلها
تاج.. ان شاء الله خير يارب 💔💔
حاولنا نرقدو ف الليلة هديكا بس كل حد يفكر والف فكرة ف راسه
ثاني يوم مكانش فيه معهد عندي رقدت ومنضتش
سماح.. تاج تاااج نوضي
تاج.. عطلتي اليوم سيبيني
سماح.. مفتاح سيارتك وين
تاج.. شن تبي فيها
سماح.. حاجات بياخدهم عامر اعطيهاله
تاج.. سكري الباب وراك لاعامر ولاخرا
سماح.. احترمي نفسك واعطيه
تاج.. بصوت عالي... خلاص عاد درهتيلي كبدي تم قلت سيارتي مياخدها حد وخططي شن حديري ترا اللي فيا سادني متزيديهاش عليا صكري امه الباب واطلعي
سماح.. من امتا تتكلمي بيه الاسلوب هذا
تاج.. من اليوم هيا صكري الباب بنرقد تفيقيني انطين عيشتك انتي وراجلك
سماح.. قليلة رباية لمن بتطلعي بتطلعي لبوك انتي واختك
تاج.. بوي ردي بالك تجيبي سيرته علي لسانك احسن
سماح.. ريت هالبو اللي مالكاته
تاج.. اطلعيييييييي
سماح.. ضمي فمك ياحقيرة واليوم انتي واختك كان متوافقوش علي الولاد والله نتبرا منكم ونطلع كلام انكم ساقطات اقسم نخلي روسكم ف الارض
طلعت واني نبكي ونخبط بدون وعي معقول هادي امي اللي تطعن ف شرفي وتقولي الكلام هذا معمرها كانت تحبنا بس مش لدرجة تقول انا ساقطات💔
لبست وشاحي وركبت ل دنيا ضاق بيا كل شي ملقيت حد
دنيا.. اهلين تاج خيرك
تاج.. مضايقة
دنيا.. خشي احكيلي
تاج.. بديت نحكيلها ونبكي بشهقة متحشمة من كلام المفروض متقولاش ام لبنتها
دنيا.. هالشيباني هذا قداش ميدبر
تاج.. احمد وين هوا اللي يساعدني
دنيا.. كان يدوش يلبس ويجيك
تاج.. مش عارفة لو انك مش ف حياتي شن ندير
دنيا.. عارفة روحي قلبي كبير ونساعد ونلقح غير انتو اعرفو قيمتي بس
تاج.. حتا موضوع جد تتسهوكي
دنيا.. هادي الحياة مشيها بالضحك تمشي معاك كان بالنكد زي حالك متمشيش
احمد.. تاج عندنا
دنيا.. قعمز معاها نوتي الفطور ونجيكم
احمد.. شن دارولك المرة هادي
تاج.. ضروري نديرو حل امك معاش فيها عقل وراجلها احرف
احمد.. فوتيهم انتي
تاج.. اليوم قتلي لو متوافقيش ع الناس اللي جايين بتطعن ف شرفي
احمد.. تعرفي ياتاج
تاج.. نعم
احمد.. لو اني ف مكانك انتي وتهاني راهو لو لقيت الشخص المناسب واللي يسعدني نطلع منها العيلة هادي، عاجبك عامر اللي قريب حتا دقة قلبك قريب يتحكم فيها ولاعاجباتك امك اللي كل يوم للأسوء
تاج.. شن تحاول تقول
احمد.. اني ومحمود بعدين حنشوفوه ومستحيل نرضولك شي مش كويس ولو طلع الراجل سمعته او شي فيه مش مقبول حنرفضو بدون اي خوف
تاج.. به علاش ننغصب
احمد.. اطلعي من الهم هذا خيرلك مفي شي يدوم راه
سكتت ومطولتش الكلام ونفكر شن ردة فعل رفيق وقت يعرف بهذا
نزلت الحوش وفات الوقت وجت هدي وبناتها الزوز....
يتبع....
حلقة مش طويلة لان توا بس كتبتها
غدوا نعوضكم بحلقة اطول
تفاااعلو اعطوني رايكم ❤️❤️🙈
