#ملتزم_وعشقته❤️
روااااايات ايوتة 😍😍😍
الحلقة الخامسة
مر اليوم وسماح ملقتش ذهبها اصلا مفيش حد منا شافه وهي مفكرة ان احني خديناه وخدينا بيه حاجات العرس وبدت تدعي وتعاود
قرب العرس هلباااا... قداش كنت متوترة وخايفة عكس تهاني اللي فرحانة ومش مدورة شي، توتري ف ان من يوم المقابلة الشرعية مشفتاش ولاطلب يكلمني ولاشي وباين اصلا انه صعب وطبيعته صعبة
عامر.. شن هذا
سماح.. خليهم يحسابو روحهم بيتهنو
تهاني.. توا انتي ظالمة وتدعي ماهو كله بيرجع علي صحتك
عامر.. امك هادي احترميها حتا قدامي
تهاني.. مناقص غير تعلمنا الاحترام
احمد.. خش... شن فيه صوتكم ف الشارع
محمود.. مش ناويين تهدو
عامر.. قول الكلام هذا لخواتك اللي مش محترمين حد ف هالحوش
تاج.. خلاص مش ضروري حتا فرحتنا تخربوها علينا الهي ف روحك انت ومرتك واحني ننحرقو
سماح.. ياريت تنحرقو ونفتك منكم
احمد.. ساد من الدعي شن جايبتيهم من الشارع هادو بناتك
سماح.. ياريتني عقمت ولاجبتكم
محمود.. استغفر الله العظيم
احمد.. اركبو حوشي فوق
تهاني.. شن فيه
احمد.. اركبو، ركبنا اني تهاني....
عند هدي..
حنين.. امي قريب العرس ومزال محجزناش ف هلبا حاجات
هدي.. اني معندي جهد نطلع اهو ساهر يطلعكم
ساهر.. عندي مندير
هدي.. ياولد سيورك تتزوجها وتهدرز معاها لين تمل ارزن
ساهر.. ومن قلكم نكلم فيها، من يومين مكلمتهاش ومنحبش الدوران هلبا
حنان.. تو تحبه مع مرتك
هدي.. نوض من غير تخفيف دم وارفع خواتك يكملو
ساهر.. عندهم خو تاني يقدر يرفعهم
هدي.. خوكم وين هوا
حنين.. ف داره قال عنده خدمة
هدي.. مفيك فايدة اني الغبية اللي خطبتلك نحسابك بتعقل
ناضت هدي طقت ع باب سامر وفتحت
هدي.. الله يعاونك وليدي
سامر.. سلمك يما خشي
هدي.. عارفاتك مشغول وتاعب
سامر.. شن فيه
هدي.. مزال ناقص بنحجزو ف حاجات العرس وخوك تعرفه صكر راسه ميبيش نوض سلم ولدي ارفع خواتك يكملو اليوم لان موعد العرس خلاص قرب
سامر.. تمام قوليلهم يلبسو
هدي.. يرضا عليك ياولدي دقايق بس ويكونو واتيات
اما احني مشينا ل حوش احمد معاش بدينا طايقين حوشنا بكل نستنا بالدقيقة العرس باش نطلع ونفتك
احمد.. خلاص فوتوها امي مش علي عقلها
تهاني.. مش ل درجة تتهمنا وتدعي علينا هكي هلبا راه
محمود.. باه شن بنديرو عارفين راجلها هوا اللي متحكم فيها
تاج.. توا شن الحل قصدي العرس الشهر هذا يعني بنقعدو ف المعاملة هادي هلبا
احمد.. كان عندك حل قوليه نرتاحو كلنا
دنيا.. كان تخلوني معاهم يوم نربيهم
احمد.. الله أكبر نموت ونعرف لسانك من وين جايبتيه
دنيا.. انتو متعرفوش دوا الشيباني وامكم
احمد.. فوتيهم متكلميهمش
دنيا.. باه تو غير يتزوجو تهاني وتاج والله قاعدتلهم وميربيهم حد غيري
محمود.. ربي يصبر
دنيا.. كان مرتك طلعت متع مشاكل راهو من امتااا مربيين
تهاني.. سعدودك بيها يااحمد
احمد.. ربي يعيني قولي قداش مشكلة بنخش فيها 🤦♂️
دنيا.. خلونا توا منهم
وكملنا حديث عادي
بدي العرس❤️درناه كبير عرس زوز بنات مع بعض جو خالاتي وعماتي مع انهم ميجوناش هلبا بحكم راجل امي اللي قاعد ف الحوش بس كويسات معانا
يوم الفاتحة 😍 مر يوم يجنن نشاط وفرحة لاتوصف حتا ليا اني اللي نسيت رفيق وكل شي يتعلق بيه، انقرت الفاتحة على خير قداش كان الشعور حلو ويجنن والاهم ان خلاص طلعت من شور امي الظالمة ووليت مرت سامر❤️
تهاني الفرحة متعطيها لحد ع قد رفضنا ف البداية ان نتزوجو ع قد فرحتنا توا
دنيا.. بنبكي تعرفو بتخلونا بروحنا
تاج.. بيني وبينك افتكينا من امي وعامر
دنيا.. هذا اللي مفرحني انكم فتكيتو
تهاني.. يلا مش حنقطعو بعض يعني صح بنكونو بعاد بس اكيد بين فترة وفترة حنجو
الاء.. اي هذا المهم تتهنو وترتاحو
احمد.. من قدام الباب... تاااج
تاج.. نعم
احمد.. تعالي شويا
تاج.. نعم احمد
احمد.. سامر برا يبيك
تاج.. نلبس ونجيك
احمد.. راجلك هذا راه🤦♂️
تاج.. حتا لو مزال، خلي نحط وشاحي ونجي
خشيت لبست وساويت روحي وطلعت وكانت ثاني مرة نشوفه فيها🖤
سامر.. مبروك عليك
تاج.. الله يبارك فيك
سامر.. كيف حالك ان شاء الله بخير
تاج.. كويسة بخير وانت
سامر.. تمام، جيت بحكم عادات هك منفهمش فيها المهم هادي هديتك
تاج.. اها شكرا من ذوقك، دقيقة ونجيك
سامر.. وين ماشية
تاج.. خليك، خشيت طبعا كنت مجهزة هدية ل يوم الحفلة وهي عبارة عن خاتم فضة بس بما ان جاب هدية عيب منعطيشي وقلت ان ثاني يوم نجيب شي ثاني😍
تاج.. وهادي هديتك حتا انت
سامر.. شكرا متاعبة روحك
تاج.. مفيش شي من قيمتك
سامر.. بما انك وليتي مرتي اعطيني رقمك باش نقدر نتواصل معاك
تاج.. تمام عادي، اعطيته رقمي وشكرته مرة ثانية وخشيت قداش فرق كبيير بين سامر ورفيق فرق السماء والأرض
تاج.. اكيد ساهر برا اطلعي
تهاني.. اي خلي نخش نجيب هديته
تاج.. انتي تعرفي ان عندهم سبر هكي
تهاني.. نعرف قالي
تاج.. وعلاش مقلتيليش خليتيني زي المسبوهة
تهاني.. نسيتك بكل
تهاني.. اطلعي توا حسابك بعدين
طلعت ل ساهر ونفس الشي غير ساهر كان رومنسي اكتر من سامر بهلباااااا
خشيت داري جاني فضول نعرف شن جايب فتحت شفت تعليقة ذهب ومعاها خاتم وخراص قداش كانت حلوة وراقية وباين من الاختيار ان مختارة ب عناية
ونفس الشي جاب ساهر ل تهاني غير كانت مختلفة شويا بس حتا هي تجنن
ثاني يوم كان موعد المركز مشينا اني وتهاني ودنيا اما الاء قعدت ف الحوش مع امي والناس اللي بايته ولبسنا البودري❤️❤️
جابو اهله القفة ف الليل كانت ابداااع بكل معني الكلمة مش ناقصها شي منظر حاجات كل شي يجنن
اليوم اللي بعده مكان فيه شي طلعت اني وتهاني والاء باش خديت هدية ثانية وهدية امه وبوه وخواته بوه بحكم ديما مسافر مفيش عليه كلام هلبا واسمه كمال
خدينا كل شي وروحنا رقدت طول كان ليا يومين مش راقدة بس ساعة رقدت نضت باش نكملو تجهيزات
يتبع.....
تفااعلو ❤️❤️❤️❤️❤️❤️
