#ملتزم_وعشقته❤️
روااااايات ايوتة 😍😍😍
الحلقة الثالثة
قعمزو هدي وبناتها الزوز، اما اني وتهاني لبسنا وساوينا روحنا وطلعنالهم
هدي.. سعد ولادي بهالبنات
سماح.. ههه اي
دنيا.. تهاني اطلعي احمد برا
تهاني.. تمام، حطت وشاحها وطلعت باش ادير المقابلة
تهاني اللي بيخطبها اسمه ساهر مواليد 90 يخدم بس نوعا ما مستهتر
شكله قنين ومهتم بروحه هلبااااا
ساهر.. كيف حالك يا تهاني
تهاني.. الحمد لله بخير وانت
ساهر.. كويس، وقعدو يتكلمو وارتاحت تهاني ف الكلام معاه وحست انه حيطلعها من القرف اللي عايشاته
ساهر.. المهم توا شن شروطك
تهاني.. معنديش شروط الا ان نكمل خدمة
ساهر.. حقك هذا
تهاني.. خلاص غير الشرط هذا معنديش
ساهر.. معناها تفاهمنا
تهاني.. مش حتقول شروطك
ساهر.. شروطي متوفرة معناها نتوكلو علي ربي
تهاني.. ع خير ان شاء الله، وطلعتت
دنيا.. افردي وجهك مش ضروري يشوفك بالمنظر هذا
تاج.. مش طايقة روحي
دنيا.. اضحكي ومتبينيله شي بعد يروحو اقلبيها علي روسهم
تاج.. ان شاء الله، لبست وشاحي وطلعت
اسمه سامر مواليد 86 شكله نفس الشي قنين وانيق
قعمزت وهوا يحكي واني ف عالم ثاني
سامر.. شن شرطك
تاج.. نبي نكمل ف خدمتي
سامر.. بس سمعت انك تخدمي ف خدمتين
تاج.. نقدر نسيب وحدة يعني نخدم صبح بس
سامر.. مدام هكي موافق عادي
تاج.. ان شاء الله خير 💔
سامر.. نتوكلو على ربي، كان رزين معنداش كثرت كلام بس مكنتش شايفة شي
خشيت داري بكيت لين نعست وشن حنقول ل رفيق لو سمع
نضت الساعة9 غسلت وجهي وصليت استخارة قلبي ارتاح بس في حاجة ف داخلي مزال خايفة
نحيت المصلية وطلعت لقيت امي وعامر مقعمزين
سماح.. خيرك رقدتي
تاج.... خشيت المطبخ كأن مسمعتهاش مش ناقصة عركة
سماح.. وحدة مش متربية
درت قهوة راسي مصدع وركبت ل دنيا
تاج.. احمد قاعد
دنيا.. طالع هوا ومحمود خشي الاء معاي
تاج.. الاء شن جوك
الاء.. تمام قعمزي
تاج.. تهاني وين اماله
دنيا.. هادي رسمت من توا فرحانة بخطيبها تهدرز معاه
تاج.. مصرع اللطف
دنيا.. هادي فالحة مش زي حالتك، والله كاني عندي ام وراجل ام زيكم والله حتا شيباني يعطس يموت راضية بيه
الاء.. فعلا وانتو تشوفو كل يوم وامكم للأسوء
تاج.. به شن رح نقول ل رفيق
دنيا.. ريت هالراجل اللي مالكتيه عقاب صايع، انتي اضمني مستقبلك وسيوره قلبك يحبه
تاج.. متخيلين ان ممكن يقتلني ولا
دنيا.. نراهنك لو قلتيله تعال اخطبني ووافق
تاج.. منعرفش
دنيا.. اتصلي وشوفي
قمت فوني وحاطه ايدي علي قلبي
رفيق.. وينك انتي مترديش
تاج.. رفيق صار معاي شي
رفيق.. سمعت!!!
تاج.. شن سمعت
رفيق.. اني نستغفليني ياتاج انييييي
تاج.. خيرك
رفيق.. بتتزوجي غيري قصدك
تاج.. ش شنو
رفيق.. تخوني فيااا
تاج.. بخوف... اقسم بالله مدرتها
رفيق.. نهارك احرف علي راسك نقتلك من دون منسخف عليك
تاج.. ه ه هما اللي يبوو هكي
رفيق.. اني مدخليش موتك ع ايدي يا تاج لو حاولتي تلعبي معاي
تاج.. ملعبتش معاك بس لو تحبني دير حل
رفيق.. ههههههههاي مصدقة روحك ومصدقة ان حيجي يوم ونتزوجك مصدقة ان اني تكون ام صغاري انتي
تاج.. شن اللي تقول فيه
رفيق.. توافقي تشوفي شن يصيرلك، وسكر الخط
دنيا.. شفتي الخايب هذا اللي شادة بيه ظهرك نظام امك راجلها خايب وتبيه
تاج.. مستحيل مكانش هكي
دنيا.. كلهم هكي مفيش فرق غير المدة متع الوجه الثاني طولت عندك
تاج.. ويهدد فيا فوقها
دنيا.. متخافيش واصلا ميقدر يدير شي غير كلام وبس انتي وافقي وفكك
تاج.. هذا اللي بيصير
دنيا.. الخايب هذا يعرف الحوش ووين تخدمي
تاج.. يعرف المحل بس حوشنا والمعهد لا
دنيا.. سيبي المحل وغيري ارقامك وعيشي وفوتيه
تاج.. ان شاء الله خير
تهاني.. غريبة متجمعين من غيري
دنيا.. تعالي قوليلي طلع خايب حتا هذا
تهاني.. بالعكس جوه حلو وراقي
دنيا.. باهي حد فيهم طلع كويس
تهاني.. حكالي ع خوه
دنيا.. شن قاال
تهاني.. قالي خوي شخصيته تختلف رزين وراقي اكتر منه ومتفهم و...
دنيا.. و شنو خيرك
تاج.. شنو
تهاني.. خوه ملتزم راه
تاج.. كملت عاد
دنيا.. خيره توا
تاج.. تشوفي ف حياتي ف لبسي هذا كله بنغيره لو تزوجته
دنيا.. وغيري شن يعني اني لما جيتكم شي وتوا شي مختلف تماما ََ
تاج.. منعرفش حاجة صعبة
دنيا.. صعبة طياح سعدك هني روحك مدام صليتي وارتحتي تم
تاج.. يستر الله وخلاص
مرو يومين وردو انهم موافقين وميبوش يعطلو ف العرس يعني مدة قصيرة
صبح لبست وطلعت من الدار اني وتهاني
سماح.. امتا بتطلعو تاخدو حاجاتكم
تهاني.. امتا يعجبنا
سماح.. شن قلة الأدب هادي
تهاني.. صبح جوي رايق منبيش نعكره
تاج.. هيا تهاني كولي بسرعة وقت
تهاني.. اللطف خيرك
دنيا.. صباح الخير
تاج وتهاني.. صباحووو
دنيا.. بتطلعو
تاج.. اي خلي تاكل تهاني وبنمشي نخاف نتأخر
دنيا.. تاج فيه حاجات ناقصيني بندير عيد زواج للخايب خوك مع انه مش خايب ع المهم جيبيلي الحاجات اهما ف طريقك
تاج.. به بنروح بكري اليوم تو نجيبهملك
دنيا.. سلمها حماتي الباهية
تهاني.. كملت اني هيا نطلعو
سماح.. انتي خطيبك مقالكش مفيش سواقة
تاج.. وعلاش بيقولي
سماح.. المهم تمشو من وجهي دخليش فيكم شن اديرو
تهاني.. هيا هيا فدد
طلعنا وكل وحدة مشت خدمتها ومر الوقت عادي
مشيت المحل وقلتلهم بنسيب اعطوني حقي ومشيت خديت حاجات دنيا وروحت اني وتهاني
رن فوني وكان رفيق اصلا كرهته معاش متحملاته
تاج.. نعم؟؟
رفيق.. من امتا اللغة هادي🤨
تاج.. شن تبي شن فيه
رفيق.. تكلمي معاي كويس ناسية من نكون
تاج.. ريت هالوزير اللي نكلم فيه فيق لروحك شويا خلاص خليني ف حالي
رفيق.. مش مخليك مش بمزاجك
تاج.. اني فاضية اللي قاعدة نتكلم معاك
صكرت ف وجهه ونحيت شفرتي كصرتها باش معاش يقدر يوصل فيا ولايفكر اصلا
طبعا عيلة سامر وساهر ميبوش يديرو بيان وهك بس دارو تلبيسة بسيطة جت فيها هدي بس....
يتبع...
تفاااعلو ❤️❤️❤️
