#ملتزم_وعشقته ❤️
روااااايات ايوتة 😍😍😍
الحلقة الرابعة عشر ماقبل الأخيرة
دنيا.. هذا كل اللي صار سماح هيا اللي خططت لهذا كله
سامر.. اني حنقتلها
ساهر.. لالالا متوسخش روحك بيها حنلقولها حل فكر ف مرتك توا
دنيا .. شن مدايرة ف روحها باش يصيرلها هذا كله
سامر.. امتحان من ربي غير هي تنوض معاش نبي شي
مشي ساهر روح الحوش واصرت هدي بعد سمعت انها تمشي معاه هي وتهاني
تهاني.. اختي وين😭
سامر.. خلاص حتكون كويسة💔
تهاني.. الله لاتربحها امي هادي
سامر.. حيشوفو
تهاني.. نبي نشوفها
سامر.. ف العناية الفائقة توا متقدريش تشوفيها
تهاني.. تسخف وخيتي مشافت يوم حلو😥
سامر.. ربي يعوض
مر اليوم كله عادي وثاني يوم فتحت عيوني بشويا نشوف ف الاجهزة والتنفس المكان كان يخوف بجد، واللي يخوف اكتر وقت اذكرت اخر شي شفته ب عيوني وبديت نعيط ب هستيريا وخايفة ان اللي ف بالي صار
سامر.. خيرهم يجرو
دنيا.. ماشيين ل تاج😟
سامر.. ان شاء الله خير استغفرالله العظيم
الدكتور.. طلع من العناية... متخافوش هي ناضت وصارتلها صدمة بس اعطيناها مهدء وحننقلوها الغرفة بعد شوي
دنيا.. معاش قادرة نتحمل خلاص
ساهر.. نوضو نروح بيكم
هدي.. وين تروح بيا مش مروحة اني
ساهر.. توا شنو يما بتقعدي مش حديري شي
تهاني.. حتا اني مش حنروح كيف نخلي اختي ونمشي
ساهر.. من غير نقاش هيا امي وتهاني ودنيا حنروح بيكم وحنجي نقعد مع سامر
تهاني.. بس....
ساهر.. خلاص روحو والصبح نجيبكم
هدي.. باهي طمني سامر ولدي
سامر.. حاضر ان شاء الله
طلعو كلهم وقعد سامر حيله مهدود اصلا مش عارف من وين يطيحو عليه المصايب
ف المركز......
عامر.. اتفاقي معاك مكانش هكي
رفيق.. علاش شن اني كنت عارف انه هذا حيصير
عامر.. دبر حل شن دخلي اني
رفيق.. عندي صاحبي اهني حيطلعنا ب كفالة غدوا
عامر.. تم
نضت بعد ساعات لقيت سامر راقد جنبي ع الكرسي وجعني خاطري عليه هلبا شن ذنبه ف هذا كله شن دار باش يكون نصيبه هكي
الممرضة.. الحمد لله على سلامتك
تاج.. سلمك
الممرضة.. متخافيش كل شي تمام
تاج.. نبي اميا
الممرضة.. حاضر دقيقة نجيبهالك
كان ريقي ناشف جابتلي وشربت
تاج.. سامر سامر، مسمعنيش يادوب كنت نحكي ومش قادرة نحرك فمي
تاج.. معليش نوضيه
الممرضة.. استاد سامر
سامر.. نعم
الممرضة.. المدام تاج تبيك
سامر.. تاج تاج انتي كويسة
تاج.. اي كويسة متخافش
سامر.. متفكريش ف شي معاش تفكري
تاج.. اني منستاهلكش
سامر.. لالا معاش تقولي هكي هذا نصيب وامتحان من ربي
تاج.. انت مش حاس ب احساسي
سامر.. حاس بيك خلاص ارتاحي متاعبيش روحك وقت نروحو الحوش ساهل
نزلو دموعي ع حظي الحلو من جهة وع حظي الكارثي من جهة امي، مفيش ف قلبها ذرة رحمة
قعدت يومين ف المستشفى وبعدها كتبولي خروج وروحت الحوش
سامر.. هك مرتاحة
تاج.. اي كويس
سامر.. الدكتور قال معاش اتاعبي روحك ومعاش تتحركي هلبا، بناخدلك ادويتك وبناخد اجازة ونجيك
تاج.. علاش تاخد اجازة
سامر.. مش حنخليك بروحك مستحيل، تو نكلم تهاني تقعد عندك مابين جيت
تاج.. به
سامر.. متنوضيش من فراشك منعطلش
قرب باس راسي وابتسم بعدها طلع وجت تهاني وحنين وحنان وهدي
هدي.. خوفتينا عليك يابنتي
حنين.. مشفتيش خوي قريب هبل
حنان.. سامر خاف عليك اكتر منا كلنا
تاج.. ربي يخليكم ليا انتو عيلتي جديات
هدي.. مع انها امكم بس ربي ياخد فيها الحق ع اللي داراته
تهاني.. الله لاتربحها هي اللي وصلتنا ل اهني
تاج.. معاش تدعي ياتهاني
تهاني.. شويا فيها الدعي حرام اصلا انها تكون ام
تاج.. ربي يعرف تو يحاسب كل حد
هدي.. اكيدا تو بيجوك سلفاتي متجبدي قدامهم شي وكان سألوك قولي تعب حمل وخلاص
تهاني.. قداش قصقاصات ياعمتي
هدي.. قصقاصات وسكتي المهم فكينا منهم وقوليلهم انه تعب
تاج.. حاضر
هدي.. هيا يابنات خلو تاج ترتاح
حنين.. امي نبي نقعد مليت
هدي.. مش عندكم امتحانات توا قدامي الحوش فيسع، وتهاني تعالي هدرزي عليا
تهاني.. حاضر، وانتي كان تبي شي كلميني اهو تلفونك جنبك ارقدي ارتاحي
تاج.. تمام تاعبتكم معاي
هدي.. متقوليش هك بنتي انتي
مر الوقت حطيت راسي نعست مقعدتش دقايق الا ويجيني الكابوس اللي هوا رفيق نحلم بيه بنفس اللي صار ف الواقع، نضت مخلوعة نتفرج لقيت روحي ف داري ارتحت نوعا ما شديت تلفوني قريت قرأن استريحت، وجي سامر
سامر.. هيا خودي حبتك هادي
تاج.. به
سامر.. شن تحسي توا احسن
تاج.. احسن اي
سامر.. شن تحبي تاكلي
تاج.. تعرف ادير حاجة انت
سامر.. عادي نتعلم، امي قالت بطيب لكن مرات تعطل
تاج.. باهي استناها لين تكمل
سامر.. لالا تو نديرلك شي ع السريع تاكليه قداش ليك يوم مش واكلة كويس
تاج.. به اللي يريحك
سامر.. دقايق، طلع المطبخ كانت اول مرة ليه يخش بس معرف شي 😅دار توست يعني اسهل حاجة
تاج.. سلم ايديك
سامر.. مع ان مش حاجة صعبة يعني
تاج.. المهم النية عادي
سامر.. نبيك ديما تضحكي معاش تعدلي ع حد من اليوم امي امك وبوي بوك معاش حتحتاجي حد
تاج.. ربي يحفظك ليا
سامر.. دموعك هادم اخر مرة نشوفهم اخر مرة نبيك تضحكي وتفرحي
تاج.. ان شاء الله حاضر
سامر.. كولي ل يبرد
كليت واني ف قمة السعادة متصورين ومتخيلين ان تلقي الإنسان اللي يعوضك عن كل شي حتا عن اهلك هذا سامر صح زواجي منه معروفة طريقته بس مع هذا مع الوقت شفت مليون حسنة فيه
مر اليوم وهوا ف جنبي مفارقنيش يطلع يصلي ويرجع من جديد
سامر.. هيا توا ارتاحي وارقدي عندي كم حاجة حنديرها
تاج.. به اقعد جنبي ودير
سامر.. خلي نجيب اللاب توب ونجيك
طلع واني رقدت وهوا جنبي بس كرهت النوم اي كرهته وجاني نفس الحلم نضت نعيط
سامر.. خيرك شن فيه
تاج.. لالالالا معاش قادرة نتحمل خلااااااص
سامر.. فهميني
تاج.. نفس الحلم نفسه يجي كل مرة اني تعبت تعبببت
سامر.. اسسس خلاص اهدي اهدي ميصير شي
تاج.. خلاص وصلت حدي
سامر.. اسس تعالي، حط راسي ع صدره وايده عليه دموعي ينزلو من غير صوت كل مانسكر عيوني نشوف المنظر هذا💔
معاش سمعت شي غير صوت سامر وهوا يقرا عليا بصوت عالي اهديت وسكت
سامر.. اني معاك خلاص
تاج.. تااعبة💔
سامر.. ربي معانا انتي حتولي كويسة
بديت نخاف نرقد قعدت نايضة
مرت الايام واني كل يوم علي نفس الحال نرقد يجيني نفس الحلم انوض نبكي ونخبط
هدي.. بالك فيها حاجة
سامر.. منعرفش
هدي.. ارفعها ل دكتور نفسي
سامر.. شن مهبولة يما
هدي.. شن الدكتور النفسي للمهبلة بس
سامر.. مش عارف راسي مشوش
هدي.. ارتاح ولدي ليك ايام مش راقد
سامر.. بنروحو خلاص
هدي.. امتا جيتو انتو
سامر.. تااااج، خلاص امي الساعة 10 راه
هدي.. باهي غدوا تعالي الصبح افطرو اهني
سامر.. ان شاء الله
تاج.. نعم
سامر.. هيا البسي ونمشو
ف الفترة هادي طلعو رفيق وعامر من المركز ب كفالة!!
حيفكرو ف تخطيط جديد......
يتبع.....
غدوا الحلقة الأخيرة ان شاء الله
متقولوش قصيرة عييت منهم تعليقات قصيرة 🙂
هيااا تفاااعلو باش انزل الأخيرة بكري❤️❤️❤️
