العيون والعشق

البارت الاول

بسم الله الرحمن الرحيم

الكاتبة نرجس الغرباوي

هاي اول قصة الي بهذا البرنامج اتمنى تنال اعجابكم

اني اسمي شروق عمري ١٩ سنه صف السادس اعدادي من بغداد ساكنه مع امي وابويه اني الوحيده  معندي اخ ولا اخت مواصفاتي بشرتي بيضه عيوني لونهن اصفر(مثل الي بالغلاف مالت البارت) شفايفي مليانه طولي ١٥٩ وزني ٥٥ شعري طويل لونه بني  عندي صديقه اسمه سمر مقربه عليه كولش...
ام شروق.. بنتي كعدي حتتاخرين ع الدوام يله بنيتي كومي
شروق.. اي ماما بس شويه
ام شروق.. كعدي ولج حتتاخرين
شروق.. كمت غسلت ولبست ملابسي ولفيت حجابي
ام شروق.. تعالي تريكي
شروق.. لاماما مااشتهي
ام شروق ميصير بنتي اكليلج شويه خلي ينفتح دماغج محتستوعبين اذا مااكلتي شي
شروق.. اكلت شويه وغسلت اخذت جنطتي وطلعت نصدمت بولد اول مره اشوفه بالمنطقة عيونه كبار حاده وجسمه رياضي ستغربت بس مهتميت ومشيت هو مشال عيونه مني كلت بگلبي شبي هذا يعرفني اول مره اشوفه هنا وجه غريب وصلت البيت سمر هو قريب علينه فرق كم بيت دكيت الجرس وبقيت واكفه صار عندي فضول اشوفه بعده واكف لو راح التفت واشوفه بعده يباوع درت ع السريع طلعت سمر
سمر.. صباحو
شروق.. هلا صباح الورد
مشينه اسمع واحد يصيح علاوي كلت بگلبي يمكن هو اسمه علي
سمر.. شبيج  اليوم بيمن تفكرين
شروق.. طلعت اليوم من البيت واشوفلك ولد غريب واكف مقابيل بيتنه استغربته هو بقه بس يباوع..
سمر.. حلوو
شروق.. عابتلج تموتين ع الحلوين
سمر. ههه هسه كولي حلو
شروق.. اي حلو
سمر.. لعد ما غمزتيله 😂
شروق.. الله يطيح حضج 😂
سمر.. صدوك اذكرت سمعت ابويه يسولف ويه محمد(اخو سمر)يكولون اكو ناس سكنت ابيت ام حسن المقابيلكم يمكن هذا ابنهم
شروق.. صدوك
سمر.. اي والله
شروق.. عليمن تحلفين 😅
سمر.. غير انتي ممصدكتني
شروق.. 😂😂
وصلنه للمدرسه واخذنه دروس ... خلص الدوام رجعنه للبيت دخلنه بالفرع مالتنه شفت من بعيد شباب ٢ واكفين قريب علينه واحد منهم راح واحد بقه واكف لازم اوراق بيده كلت بگلبي هذا يمكن نفس الشخص الي شفته الصبح
سمر.. شبيج شوشه
شروق.. شوفي هذاك الولد هو نفسه الي شفته الصبح
سمر.. صدوك مبين شخصيه
شروق. 😅 يمكن صدوك هذا ابن الي سكنو يمنه جدد
سمر.. شوفي شون يباوع جنه عرفج من بعيد 😅
شروق.. انجبي 😅
وصلت سمر البيتهم بقيت بس اني امشي وحدي وصلت قريبه عليه وهو مشال عينه مني سويت روحي مشفته ودخلت للبيت بس احس نبض گلبي يتخربط من يباوع عليه دخلت للبيت لكيت ابويه ديصلي وامي بالمطبخ رحت ذبيت جنطتي وبدلت ملابسي ورحت غسلت وتوضيت و صليت بعدين رحت يم ماما انحضر الاكل صبينه غده تغديت وكملت ورحت اخذت كتابي وداقره بقيت اكلب بالوراق واني افكر بهذا الولد هفف يربي شبيه كلت خلي اصعد فوق اقره  مدام الجو دافي وشمس حلوه صعدت وداقره واسمع سوالف بره وضحكه جذبتني صار عندي فضول اشوف منو اخذت الكرسي وخليته يم السياج وصعدت اباوع شفت هذا الولد الي شفته الصبح ديضحك وضحكته اجنن بقيت اباوع عليه ونسيت روحي جان اشوفه يرفع راسه ويشوفني نزلت ع السريع زين موكعت كمت الوم بنفسي هاي شسويت بقيت افتر ع السطح بعدين اخذت كتابي ونزلت...
.
.
.
اتمنى عجبكم البارت
ممكن تصوتن حبايب قلبي ❤