العيون والعشق

البارت ١٠

الكاتبه نرجس الغرباوي♡
.
.
.
حسين.. من شفت اخت علي و مراحت من بالي حاولت انساهه مكدرت خذت عقلي وهاي مو من عوايدي افكر هيج باخت صديقي اعتبرهه خيانه الصديقي قررت اخطبهه من علي رحت الامي

حسين.. يمه عندي موضوع

ام حسين.. كول وليدي شنو شصاير

حسين.. يمه اني اريد اخطب

ام حسين.. كلللوش علواه يمه جا اني ماكيف بس كلي عندك لو اني اشوفلك مريه

حسين.. عندي

ام حسين.. منيه يمه اني اعرفهه

حسين.. اخت صديقي السولفتلج عليه علي

ام حسين.. علواه يمه مبين خوش ولد وان شاءالله اخته تطلع هم مثله

حسين.. بس اني اريد اكول للولد وبعدين اذا وافقوا ترحين ونخطب حسب الاصول

ام حسين.. ان شاء آلله يمه بس ماسولفتلي انت تعرفهه شايفهه وهيج عاجبتك

حسين.. ههه اي يمه شايفه

ام حسين.. يعني عدك علاقه وياهه

حسين.. لا يمه ماعندي بس مره من رحت ع علي ودگيت الباب وطلعت هيه وعجبتني

ام حسين.. بيهه الخير ان شاءالله

حسين.. يله يمه اني اترخص

ام حسين.. الله وياك يمه ربي يحميك

///ثاني يوم////

(حسين)

رحت للدوام وشفت علي بس متردد احاجيه سئلني هو كال شبيك گلت خلي احجي فاتحت بالموضوع وگال اشوف البنت ولاهل وان شاءالله خير...

خلص الدوام واني تفكيري كله بيهه واخاف ترفض يربي احس صارت بگلبي وهيه دقائق شفتهه التفكير اكلني اكل خاف ترفض اتصلت بيه بس مفتحت الموضوع وياه وهو ابد مجاب سيره ختمتهه وياه وگلت اطلع افتر شويه يخف تفكيري شسوت بحالي هاي البنيه گلبته گلاب واني مشايفهه بس مره وحده.....

وره كم يوم رجعلي خبر علي انو البنيه متريد تزوج لان بعدهي صغيره و تريد تكمل

حسيت مدري شصار بگلبي من سمعت الرفض بس محسست علي.... خلص الدوام ورجعت للبيت الدنيا طالعه من عيوني احس شعور غريب احس گلبي مخنوك لاكتني امي بالباب

ام حسين.. هلا يمه الله يساعدك

حسين.. هلا يوم بستهه من راسهه

ام حسين.. شبيك يمه شو ضايج

حسين.. لا يمه ماكو شي بس تعبان

ام حسين.. هاا لعد روح غسل وصلي و ارتاح بين ماصب الغده مسويه اليوم دولمه

حسين.. لا يمه مااشتهي راح انام

ام حسين.. يمه شبيك انت تحب الدولمه شنو اليوم ماتشتهي

حسين.. يمه والله مااشتهي رايح انام لحد يگعدني