العيون والعشق

البارت ٢

لكاتبه نرجس الغرباوي

نزلت رحت الغرفتي بقيت افكر كلت هسه شيكول عليه افف شسويت كلت احاجي سمر بعدين ترددت كولت لا خليهه باجر من اشوفه احجيلهه خلي اقره احسلي اخذت كتابي اقره كل اشويه وتجي ضحكته ابالي خرب حضي شبيه اني اليوم انجنيت عفت الكتاب ورحت يم امي
ام شروق.. ها ماما خلصتي دراسه
شروق.. لا بعدني ممخلصه مجاي اكدر اقره
ام شروق.. يمه اسم الله شبيج حبيبتي اخاف عين صابتج
شروق.. لا ماما شنو عين مبيه شي بس مالي خلك اقره بعد شوي اروح اكمل
ام شروق.. براحتج حبيبتي
ام شروق.. اكلج بنيتي اليوم سكنوا ابيت ام حسن ناس جدد
شروق.. صدوك هم كلتلي سمر عليهم
ام شروق.. اي ابوج راح يشوفهم خاف محتاجين شي
شروق.. اي زين ايسوي

ام شروق.. شنو رأيج نعزمهم حته نتعرف عليهم
شروق.. اي ماما بكيفج
ام شروق.. شكلج متحمسه تتعرفين عليهم
شروق.. ههه اي اريد اشوف عدهم بنات بعمري اتعرف عليهن
ام شروق.. ان شاءالله بعد كم يوم واعزمهم
شروق.. ان شاءالله
شروق.. اكولج ماما اريد كم شغله من الاسواق
ام شروق.. بس يرجع ابوج اكوله ياخذج
شروق.. اوك(كلت بيني وبين نفسي لا ادور من اروح واشوف هذا الولد خلي مااروح اليوم باجر اروحن احسن)
شروق.. اكولج ماما
ام شروق.. ها حبيبتي
شروق.. لدكولين الابويه مااروح خليه باجر اروح احسن
ام شروق.. بكيفج بعد
شروق.. حروح الغرفتي اكمل دراستي
ام شروق.. روحي بنيتي ربي يوفقج ان شاءالله
شروق...
رحت الغرفتي قريت شويه بعدين اخذت جهازي اگلب بالانستا
سمعت ابويه اجه..
رحت
شروق.. الله يساعدك باباتي
ابو شروق.. هلا حبيبتي
كعدت يمه اجت امي
ام شروق.. هاا مريت ع جوارينه
ابو شروق.. اي مريت والله ناس طيبين
ام شروق.. هاا خوش الحمدالله همزين طلعو خوش ناس مسئلتهم منين همه
ابو شروق.. يكولون من البصره
ام شروق.. هاا لعد ليش اجوي البغداد
ابو شروق.. مسئلتهم مكثرت عليهم بالاسئله
ام شروق.. اها خوش اني كلت نعزمهم ونتعرف عليهم شدكول انت
ابو شروق.. اي ليش لا باجر اعزمهم ونتعرف عليهم
ام شروق.. ان شاءالله
.
.
.

مرحبا اني اسمي علي عمري ٢٣ سنه من البصره طالب صيدله مرحله ٢ سكنه ابغداد جديد مصارلنه اهوايه لان ابويه شغله هنا واني طلعت الجامعه مالتي همات ابغداد فقررنه انو نجي نسكن ابغداد عائلتنه تتكون امي وابويه وثنين اخوان حيدر وسجاد واخت وحده اسمه ازهار مواصفاتي عيوني كبار بنية عندي لحيه طولي ١٩٠ جسمي رياضي بشرتي حنطية...
اول ماسكنه ابغداد طلعت الصبح اريد اروح للدوام اول مطلعت اشوفلك ملاك طلع من البيت المقابيلنه اول مرفعت راسهه اجتي عيوني بعيونه يربي شنو من عيون عبالك لون الشمس ضليت صافن ع الجمال البيه والترافه الشايلته ابواع عليه وهيه تمشي حسيته تمشي ع گلبي ضليت واكف مكدرت اعوفهه مااباوع عليهه وكفت يم بيت قريب مو كولش بعيد والتفت عليه خطفت گلبي من باوعت مشت واني مكدر ادور سمعت صوت يصيح عليه التفت شفت حسين صديقي هو من بغداد وتعرفت عليه بالجامعه وقوت علاقتنه
حسين.. شلونك ضلع
علي.. هلا والله الحمدالله انت شلونك
حسين.. والله ماشي الحال
علي.. يله اركب خلي نروح للدوام
حسين.. يله..
رحنه للدوام ولبنيه مراحت من بالي اتمنه اخليه يمي واكعد اباوع بعيونه
حسين.. شبيك يمعود اليوم خلصته كله صفنات
علي.. خليني وسكت
حسين.. ها شبيك
علي.. والله جني تمرضت
حسين.. سلامتك شبيك
علي.. مابيه بس تعبان لان تعرف بعدنه ستونه شايلين وتعب
حسين.. هاا الله يساعدك خاف محتاجين شي الله عليك كلي واني حاضر
علي.. سلامتك ممحتاجين شي حبيبي غالي ماتقصر
حسين.. شصار ع النقل مال مدرسه اختك
علي.. جبته وكلت اروح اليوم
حسين.. ها خوش
علي.. اي
... دخلت محاضره ومن خلصت طلعت قبل لا يخلص الدوام رجعت للبيت مريت للمدرسه مالت البنات علمود النقل مال ازهار بعدين رجعت للبيت
ام علي.. هاي يوم رجعت من وكت اليوم
علي.. اي مريت ع مدرسه مالت البنات علمود النقل مالت ازهار
ام علي.. زين تسوي وليدي هيه هم سادس ولازم تلحك
علي.. اي يمه يله اني اروح اغير ملابسي..
رحت الغرفتي غيرت ملابسي ورحت غسلت كلت خلي اروح يم ازهار رحت الغرفتهه
علي.. ها زهورتي كاعده
ازهار.. اي علاوي تعال ادخل
علي.. تعالي اسولفلج ع الضيم اليوم الشفته
ازهار.. اسم الله شنو من ضيم
علي.. ولج اليوم شفت بنيه تموت
ازهار.. هههه خرب حضك خوفتني عبالي مدري شبيك
علي.. ولج تخبلت من شفتهه ملاك يمشي ع الارض
ازهار.. صدوك وين شفتهه
علي.. طلعت من البيت المقابيلنه الصبح رايحه للمدرسه
ازهار.. صدوك يعني بنت الجوارين
علي.. اي
ازهار.. تقريباً شكد عمرهه
علي.. مااعرف بس اتوقع بعمرج
ازهار.. فرحتني همزين اكو بنيه بعمري قريبه علينه
علي.. اي همزين عندي اخت 😉
ازهار.. هههه شنو قصدك بالغمزه هاي
علي.. تعرفين شنو قصدي
ازهار.. لا يكون تريد تحاجي البنيه مااريدك تصير من ذولي الشباب ليضحكون ع البنات
علي.. اني ماريد شي بس اريد اعرف عنه كلشي معقوله تفكرين بيه هيج تفكير وحته لو تقربت منه نيتي اتزوجهه بس اريد اعرفهه
ازهار.. اهاا اوك
علي.. عفيه بزهورتي
ازهار.. صدوك كملت النقل مالتي
علي.. اي بس بعد شوي كالت من يخلص الدوام جيب اوراقهه
ازهار.. اوك لعد مكلتلك شوكت اداوم
علي.. كالت خلي تجي باجر
ازهار.. لعد خلي احضر كتبي وشغلاتي
علي.. اي حضري اني هم اروح ابدل حته اروح المدرستج الجديده
ازهار.. اوك
.
.
.
يتبع