العيون والعشق

البارت ١٣

.
.
سمعت جهازي يرن رحت اشوف منو لكيت شروق تتصل طلعت من الغرفه

سهر.. هاا وين

سمر.. صديقتي تتصل هسه اجي

طلعت رديت

سمر.. الو حب

شروق.. الو هلاا حياتي شلونج

سمر.. هلا بيج يعمري الحمدالله انتي شلونج

شروق.. الحمدالله انتي بيت خالتج لو مرحتي

سمر.. ههه بيت خالتي فتحي كامره خلي اشوفج

شروق.. اوك

فتحت كامره

شروق.. عزااا ولج شمخليه الوجهج

سمر.. هههههه قناع

شروق.. بس حلو بارز عيونج بعدين ممسولفتلي ع هاي الحمره ههه

سمر.. ههههه عابتلج

شروق.. لعد وين البنات

سمر.. كاعدات بالغرفه خلي اخذج جوله بالبيت

شروق.. ههههه خبله

سمر.. عندي اخبار الج يويلي

شروق.. صدوك اخبار ايش احجي

سمر.. من ارجع اسولفلج رايدلهه كعده

شروق.. اوك احضر ناس خيره للكعده ههه

سمر.. اي عفيه ههههه

افتر بالبيت طلعت للطرمه مالت البيت كولش جبيره مقسومه اكو حديقه واكو لا بس هيج طرمه درت الكامره ع الباب

شروق.. من تزوجين واجيج عدهم نكعد كله بالحديقه

سمر.. ههههه الله كريم

اباوع ع صوره شروق واسولف بس دايرتهه كتلهه راقبيلي الباب

شروق.. عابت هههه

اجيت ادور الكامره عليه

شروق.. ولج اكو احد بالباب حيدخل

سمر.. عزاا

نفتح الباب واني واكفه شفت يزن دخل
يبوو شافني وركضت والفون بايدي دخلت الغرفه سهر وسديت الباب

مريم.. ياا سمر شبيج خرعتينه

سمر..ولج يزن شافني والله عيب

سهر.. حل ههه

سمر.. عابتلج

مريم.. صايرلج ساعه تخابرين

سمر.. انجبن ههه
باوعت للفون لكيت شروق دازه ضحكه

شروق.. خرب حضج موتيني ضحك حته من كد الضحك مااعرف شلون سديت الاتصال

سمر.. عابتلج غير انتي هاي خليتيني اطلع

شروق.. انجبي شفته يزن الي اجه موو