العيون والعشق

البارت ٩

الكاتبه نرجس الغرباوي♡
.
.
. 
علي.. كاعد بغرفتي دخلت عليه ازهار

ازهار.. هلاوو

علي.. هلاا زهور تعالي

ازهار.. اجه وقت اطلعني مو گلت

علي.. اي گلت بس مو هسه خليهه بعدين

ازهار.. لا علاوي فدوه والله ضايجه

علي.. اوك تدللين حضري نفسج هسه

ازهار.. باست علي حبيبي ادري بيك متردني

علي.. هههه ديله روحي حته احضر نفسي اني

طلعت ازهار تركض ههه

علي. رحت للحمام غسلت وغيرت ملابسي لبست جينز اسود وتشيرت احمر وسويت شعري ولبست ساعه فضيه وحذاء احمر وخليت عطر طلعت كعدت بالصاله اگلب بالفون لحد ماتخلص ازهار كعدت صحت ازهار كملتي سمعتهه كالت لا بس شويه ضليت كاعد انتضرهه بعدين طلعت احضر السياره شويه وطلعت ورايه صعدت كتلهه وين تردين كولي واني افرج بغداد كلهه

ازهار.. اي مكان بس كون
اطلع

علي.. اوك...  اخذتهه مول قريب ع منطقتنه دخلنه نفتر وكلساع مدخلتني محل تفتر بي وميعجبهه شي وتطلع اخر شي كالت خلي ندخل هذا المحل

علي.. اي وهم تفترين بيه ونطلع كلشي مايعجبج

ازهار.. هههه لا جنه بيه شغلات حلوه اهوايه

دخلنه للمحل كلت السلام عليكم گلت الازهار يله شوفي شغلج (بضحكه)

ازهار.. ههه

علي.. انتبهت اكو بنات ثنين واكفات يشترن وحده شفت وجهه بس مدري وين شايفهه فجئه دارت البنت البصفهه واشوف ملاكي يربي شطالعه عسل شفت ازهار راحت سلمت عليهن وبعدين كامت تباوع بالغراض واني كل شويه اخذ نضره عليهه يربي شنو من بشر اشرتلي ازهار تعال تريدني اختارله ع ذوقي وملاكي واكفه يمهه رحت وگفت يمهن وهيه بصفي احس گلبي صار عنده سباق ههه وگفت اختاريتلهه اسواره فضيه شفت ازهار عجبتهه اشتريتهه الهه بعدنه واكفين اخذت سنسله حلوه عجبتني هم اشتريتهه الازهار شويه واجتي ملاكي وصديقتهه كالن ترحون ويانه گلت خاف احرجهم ازهار كالت خلي نروح وياهم كتلهه اوك گلت نسلم عليهم ونروح زحمه نبقه يمهم رحنه وياهم شفت ابو شروق وامهه رحت سلمت عليهم وازهار همات سلمت كعدن البنات سوه واني گعدت يم ابو شروق يسولف وياي سوالفه حلوه ماتملل بس مااكدر اباوع ع ملاكي كالن البنات يردن يفترن كلتلهن وحدجن بس ابو شروق كالي خليهن يتونسن ماعليهن شي راحن بس اني مامرتاح لان اكو شباب مو خوش ويجون للمول علمود البنات راحن واني كاعد يم ابو شروق شويه وكتله عمو خلي اروح اشوف البنات وين راحن كال عوفهن ماعليهن شي كتله لا عمو اروح اشوفهن تأخرن كال روح براحتك كمت ادور عليهن رحت للطابق الثاني واشوفهن يمشن وراهن ولد بعدني اتقرب وشفت واحد من الولد يريد يلزم شروق ركضت وجريته وكفخته راجدي (ضريه كف) درت معاني وجهه احس نار تطلع مني سمعت ازهار كالت عوفه خليولي نترت بيهن كتلهن روحن يم ابوشروق رادت تحجي ازهار نترت روحن يم ابو شروق راحن واني لزمت الولد جماعته مدري وين اختفو مخنثين كال فدوه عوفني كلشي مامسوي كتله والله لو مو بمكان عام وناس منا جا خربت وجهك اليوم كال عوفني اگل للشرطه عليك كتله دول جنك حرمه ماتستحي دفعته ومشيت بس احس نار مشتعله بيه  رحت شفتهن كاعدات باوعت شروق خزرتهه نزلت راسهه بسرعه كعدت يم ابوشروق حاجاني بس مالي خلك لعبت روحي من الطلعه كلهه صحت ازهار يله هم يالله نروح كالت شروق لافدوه خليكم يمنه مااعرف مجرد ماسمعت صوتهه وشفت نضرتهه تغير مزاجي جنت معصب بسرعه هديت كال ابو شروق اليوم عيد ميلادهه لاتردهه كلتلهه اني اردج وبعيد ميلادج شفتهه ضحكت ضلينه كاعدين وكل شويه اخذلي نضره عليهه وتجي عيوني بعيونهه تبتسم ودنگ تعشينه ترخصت منهم وكمت رحت المحل الكسسوارات شتريتلهه سنسله ناعمه فضيه ضميتهه بجيبي ورجعت شفتهه منطلقه تسولف بعدين احتفلو بعيد ميلادهه وخلص ترددت انطيهه الهديه كلما اريد اطلعهه اتردد بعدين كال ابو شروق يله خلي نرجع للبيت رجعنه بسيارتي واني اتمنى الطريق مايخلص حته تبقه وياي واكدر اباوعلهه...