العيون والعشق

البارت ١٨

.
.
.
شروق.. من اجتي سمر تشوفني وطلعت احس حرارتي ارتفعت ازيد تغطيت اريد انام مگدر راسي يأذيني دخلت امي تخبلت تريد تاخذني للطبيب اني اكره اروح ضلت تسويلي كمادات دخل ابويه شافني كومني گوه لبست جبه ولفيت حجابي بأهمال اخذني ابويه طلعنه نتمشى لان قريب علينه براس الفرع وگفت سياره منتبهت عيني ع الطريق سمعت صوت ولد حجه ويه ابويه باوعت شفت علي وياه ولد درت مالي خلگ روحي اسمع علي يگله اصعد اني اخذكم وضل يلح ع ابويه كله قريب مقبل الا يصعدنه صعدنه نمت ع كتف ابويه لان راسي موتني وصلنه نزلنه اخذني ابويه انطوني ادويه وابره كالت ميصير الا ابره مقبلت اخذ ابره اخاف منهه كالو متصيرين زينه الا ابره اخذت غصب ضجت منا راسي يوجعني ومنا جبروني كال علي امي تضرب ابر خلي تجينه باوعت عليه واني ضايجه ابتسم درت وجهي خليت ابويه يسولف وياه صعدت وهمات نمت ع كتف ابويه وصلنه نزل ابويه ونزلني خليت ابويه يتشكر من علي ودخلت امي تلكتني بالباب دخلت الغرفتي وتغطيت  شويه واجت امي جابتلي  برتقال واجت كعدت يمي مااشتهي اكل وكلتني غصب دگلي علمود العلاج دخل ابويه كال وره العشه امج تاخذج البيت ابو علي  علمود الابره كتله لا بابا عفيه مااريد اضربهه كال لعد تبقين هذا حالج مگدرت اغير رأيه مصر اضرب ابره.....

جابتلي امي العشه للغرفه تعشيت وشربت علاج كالت كومي غسلي بمي بارد علمود نروح تضربين الابره رحت غسلت وجهي وايدي ورجلي احس حرارتي صارت احسن دخلت للغرفه لبست جبه فوك ملابسي اني لابسه تراك ولفيت حجابي اجتي امي كالت يله كملتي كتلهه اي رحنه البيت ام علي وكفت اني وامي دگت الباب فتح الباب علي   سلم ع امي ودخلنه اجتي ازهار سلمت علينه ودخلنه للاستقبال و اجتي ام علي هم سلام وكعدت يم امي تسولف وياهه واني تفكيري كله يم الابره  يبوو ام علي باوعت عليه كالت  يله خلي اضربج كتله خاله عفيه مااريد ضحكن باوعت الازهار بمعنى كومي طلعت ازهار كالت شبيج تخافين متأذي جا شلون وراجن عرس وحباله وطلوگ تخافين من الابره احس صرت بنص هدومي كتلهه فدوه مااريد ضحكت وكامت تقنع بيه ضربت الابره وضلن يسولفن شويه دخلت ازهار جايبه عصير وكيك وكعدنه نسيت المرض ع السوالف ههه بعدين ترخصنه وطلعنه رحت للبيت دخلنه رحت بدلت وغسلت ورحت كعدت يم اهلي كال ابويه شوفي من ضربتي الابره شلون ردت عافيتج ضحكت كتله هاي اخر مره اضرب بعد ضحك كال ان شاءالله وامي كامت تسولفله شلون ماقبلت وضلو يضحكون ههه احس نفسي شويه احسن دخلت الغرفتي ورحت نمت....

كعدت الصبح مرتاحه وراسي ميوجعني كمت غسلت ورحت للمطبخ لكيت امي كاعده سوينه ريوگ واجه ابويه جايب صمون كعدنه نتريگ ونسولف...
رحت الغرفتي اقره هي عطله بس اقره بيهه اريد اطلع معدل عالي ضليت اقره شكو درس عدنه واراجع واحل بالرياضيات لمود ماانسه الشرح لحد ماسمعت صوت الاذان كمت توضيت وصليت ورحت ويه ماما اساعدهه بالخفايف... وره الغده اهلي ياخذون قيلوله اني ماانام الضهر رحت الغرفتي اگلب بالفون اتصلت عليه ازهار

ازهار.. الوو

شروق.. الوو هلا گلبي شلونج

ازهار.. هلا بيج حبيبتي تمام انتي شلون صرتي

شروق.. الحمدالله زينه

ازهار.. ضل بالي عليج اني وو

اسمع يمهه حركه مسئلتهه غلست

شروق.. فدوه الگلبج حياتي

ازهار.. فدوه الج حبيبتي اني اترخص بعدين احاجيج

شروق.. اخذي راحتج گلبي

ختمتهه وياهه گلت بگلبي منو يمهه وتخربطت سديت ورحت سولفت ويه بنت عمو زينب كالت ادخلج ويانه اگروب كلنه بي اني وخواتي و بنات عمو طلال ولولد كولهم كتلهه اني اخجل من الولد لان ممختلطه وياهم كالت عادي تتعودين انتي الوحيده ماكو عفيه دخلي وافقت ودخلتني كالت هسه مو كولهم  فاتحين باليل تبدي السوالف لان كلهه كاعده كتلهه اوك ضلينه نسولف بعدين ختمتهه وياهه وعفت الفون رجعت افكر بازهار كالت ضل بالي عليج اني وو منو الشخص الثاني لا اكيد تقصد امهه اي..  طلعت لكيت امي كاعده وابويه طالع رحت كعدت يمهه وضلينه نسولف وكتلهه ع الگروب الدخلتني عليه زينب

ام شروق.. يمه لا تسوين علاقه قويه ويه ولد عمامج خليج محترمه لاتشاقين سولفي وياهم بس ع گد السؤال والجواب خليهم يحترموج ويخلولج قدر ويحمدون بتربيتج

شروق.. ان شاءالله بس اني ممحاجيتهم ابد وتدرين بيه حتى مشايفتهم صارلي ٥ سنين تقريباً

ام شروق.. اي ادري بيج اني ما اوصيج بعد

شروق.. ان شاءالله.....

وره العشه دخلت الغرفتي وفتحت الفون خابرت ع سمر اشوف شنو اخبارهه حاجتني كامره.... 

بعدين رحت شفت الگروب كلهه تحجي وزينب گايلتلهم عليه   ومحاجيتني بالخاص كاتبه وينج رديت عليهه خرب حضج زينب اخجل احجي

زينب.. منين تخجلين انتي  بس كولي هلو وسلمي وهاي هيه تره اگلهم تخجل تحجي هههه

شروق.. انجبي هسه احجي...

(خلي اعرفكم ع الموجودين علمود متنخلط عليكم)(زينب الي تعرفتو عليه هيه بعمري عمرهه 19 واخته  رسل عمرهه 17 واخوانه ثنين مازن عمره 21 وامير 20 وبيت عمو طلال عنده بنات ثنين عبير عمرهه 20 وساره عمرها 18 وولد ٣ مصطفى عمره 19 واحمد 23 و فقار 26 وخطيبت فقار رشا عمرها 25 )

دزيت بالگروب رساله كولهه ردت ويرحبون بيه منطوني مجال احجي ههه كمت ارد عليهم واحد واحد ههه وفقار يكولي بعدج حلوه لو خربتي دنفوشه  لان اخر مره اجانه چان عمري 14 سنه وشويه سمينه والبنات كامن يصيحن تتغزل بيهه اليوم وين تروح من رشا  يسولفون واني اشارك وياهم بس قليل اخجل وهم من دخلت كل شويه واحد يسئلني شي واني اجاوب لمتهم حلوه يونسون هم هناك بيوتهم واحد قريب ع الثاني ويجتمعون تمنيت قريبه يمهم صارت ب1 وهم يسولفون ترخصت كولهه هدت عليه وين وبعد وقت كتلهم اريد انام لان سادس واگعد الصبح اقره...
سديت الفون وخليته ع الشحن ونمت... 
.
.
.
يتبع