العيون والعشق

البارت ١٢

الكاتبه نرجس الغرباوي♡
.
.
.
اجتي خالتي من السوگ وياهه ليث...

كامت مريم أخذت منهم لأغراض وسهر راحت وياهه وخالتي راحت تغسل وترتاح اجه ليث كعد يمي شويه واجه يزن ضل يباوع عليه و ع ليث شبي هذا اليوم

ليث.. هلا بأبو الزوز

يزن.. هلاا

ليث.. شبيك اليوم

يزن.. هاا مابيه شي

ليث.. لا بيك شو مو ع بعضك

يزن.. يمعود اكلك مابيه

ليث.. هاي هيه بس لاتعصب

ضل كاعد يمنه واني ولاحجيت كلمه مااعرف ليش من يجي يمي اصير خرسه بعدين خليتهم وكمت هو باوع عليه مااعرف احس حجي بعيونه

ليث.. هاا وين رايحه

سمر.. رايحه يم البنات

ليث.. اوك

رحت لكيتهن كاعدات بالمطبخ ويسولفن

سمر.. هاا ولجن شسولفن

سهر.. عابتلج كمزتينه

سمر.. ههه لا هاي بيه شي السالفه مادام كمزتن

سهر. مريم.. هههه

سمر.. الخاينات اضمن عليه

سهر..لا شبيج بعدين اكولج

سمر.. همم

اجه يزن كال السهر سويل جاي وراح

سمر.. شكد يحب الجاي

سهر.. ههه مو دائما يشرب بس اذا يضوج او يفكر بشي يشرب جاي اهواي

سمر.. اممم

سوت الچاي وصبته

سهر.. سوسو وديله الجاي عفيه

سمر.. تردين توديني علمود تسولفن الخاينات

سهر.. لا والله شبيج مو كتلج بعدين اكولج

سمر.. انطينياه

اخذت الجاي ورحت للصاله بس ليث

سمر.. ليث وين راح يزن

ليث.. مدري بيه هو اليوم ضاربات فيوزاته

سمر.. هههه ليش تحجي ع اخوك

ليث.. هاا ادافعيله

سمر.. هههه خلي اروح اشوفه وين

ليث.. روحي انتي وياه تلوگون

رحت الغرفته دگيت الباب ودخلت الغرفه ضلمه وبس جمرة الجكاير هو ماعرفني جان داير وجهه كال سهر دخلي وسدي الباب محجيت دخلت وسديت الباب رحت انطيته الجاي والغرفه ضلمه وضوه كولش خفيف بيهه
ردت اطلع لزمني من ايدي احس شعور غريب

يزن.. تعالي سهر اريد احاجيج

سمر.. اني مو سهر

شفته التفت كال سمر