العيون والعشق

البارت ٣

.
.
علي.. رحت بدلت واخذت الاوراق وطلعت شفت بعد اكو طالبات ستوهن راجعات من الدوام لمحت من بعيد البنت الي شفتهه الصبح بقيت واكف انتضرهه توصل وتدخل البيتهم يالله اروح
حيدر.. هااولك بعدك واكف تباوع البنات😅متوقعته منك
علي.. دنجب شنو واكف اباوع ع البنات😑
حيدر .. جا شسوي واكف
علي.. طلعت اريد اروح للمدرسه اكمل اوراق ازهار
حيدر.. 😂جا ماتمشي شمنتضر
علي.. اكلك انت وين تريد تروح
حيدر.. امي دزتني ع ابو الاسواق
علي.. ديله ولي روح لابو الاسواق لا تضل تمسلت
حيدر.. 😂😂 اي رايح بس عود ردت اشوفك شلون تصجم
علي.. طاح حضك دمشي ولي
حيدر.. 🤣😂 رايح يمعود اعصابك
.
.
علي.. خرب حضه كلت هسه تجي ومكدر اباوعله هذا واكف يمي ويلزمه عليه لزمه 😅...

صديقتهه وصلت البيتهم بقت بس هيه تمشي
اتمنيت احاجيهه بس مااكدر شدكول عليه بقيت بس اباوع مااعرف شيصير بيه من اشوفهه وگلبي مااعرف شيصيرله دخلت البيتهم واني ركبت السياره ورحت للمدرسه كملت النقل مالت ازهار ورجعت دخلت للبيت اشوفلك سجاد وحيدر بس شافوني يباوعون ويضحكون🤭🤭 عرفت حيدر كايل السجاد عليه من جنت واكف بره
علي.. وين ازهار
سجاد.. بالمطبخ ويه امي ليش
علي.. هيج ماكو شي
رحت الغرفتي بدلت ورحت غسلت وصليت صاحوني ع الغده رحت تغديت بعد الغده رحت الغرفتي اكلب بالفون اجتي ازهار
ازهار.. ها علوش كاعد
علي.. اي تعالي دخلي
ازهار.. اجتني اخبار يكولون اليوم واكف تباوع ع البنات 😉
علي.. هذا حيدر الكلج مو
ازهار.. يعني صدوك اول تالي انت توكف للحله مالت البنات 😂
علي.. اني مااوكف للحله شيقنعكم وتره هذا الشي عادي اني هم شاب
ازهار.. 😂😂 اي حقك
علي.. اني وكفت علمود هاي البنت الشفتهه الصبح
ازهار.. صدوك والله خليت عندي فضول اشوف هاي البنت الاخذت عقلك
علي.. تشوفينه لان انتي وياهه نفس المدرسه وهيه هياته مقابيل بيتنه
ازهار.. اي😉 يله اني حروح اخذ شاور
علي.. اوك
صارت الساعه ب٣ونص اتصل عليه حسين
حسين.. الوو علاوي شلونك
علي.. الحمدالله وانت شخبارك
حسين.. تمام انت بالبيت لو طالع
علي.. اني بالبيت ليش
حسين.. اوك جايك
علي. . هلا بيك انتضرك
.
.
مرحبا اني ازهار عمري ١٩ سنه طالبة سادس علمي مواصفاتي بيضه عيوني كبار بنية طولي ١٦٠ اني مربربه يعني لا سمينه ولاضعيفه وسط شعري اسود فاحم يوصل النهاية خصري..
من شلنه البغداد واني ضايجه لان عفت صديقاتي ومدرستي وطبعا تعرفون شلون شخص من يعوف بيته الي كبر بي ويروح الغير بيت وغير مكان بس بعد ان شاءالله اتعود ع هذا المكان....  من سولفلي علي ع البنيه حبيته لان اني همات احب الحلوات😅ومن كال بعمري فرحني لان كلت اصادقه واروح وياهه للمدرسه المهم...
طلعت من غرفة علي لاكاني سجاد كال راح اجيب كم غرض من المكتبه واجي كتله اوك وراح قفلت الباب وراه😅 ورحت اسبح طلعت من الحمام دانشف بشعري سمعت الباب يندك كلت اكيد هذا سجاد رجع منطاني مجال طلعت اركض هاي شبيك انطيني مجال رحت تشلع الباب فتحت الباب واني شعري طالع ومخربص 😣 واشوف ولد غريب واكف خرب هبل خليت المنشفه ع راسي واني وجهي مااعرف شلون اضمه احس وجهي كب نار من الخجل والولد مبتسم حسيته يريد يضحك ميكدر 😅 كتله تفضل رايدمن كال صيحيلي علي كليله حسين يريدك
ازهار.. رحت اركض صحت العلي كتله ولد يكول اسمه حسين يريدك
.
.
علي.. محسيت ع روحي من طلعت ازهار ونمت وحسين متصل عليه اجتي ازهار كعدتني كالت ولد يريدك طلعت
حسين.. وينك يمعود صارلي ساعه اتصل عليك
علي.. ماادري اخذتني النومه
حسين.. اهاا اكلك متروح وياي للكوفي
علي.. هسه مالي خلك خليه باليل نروح
حسين.. براحتك
علي.. تعال ادخل
حسين.. لا اريد اروح بس مريت عليك اشوفك لان بالدوام اليوم انت مو ع بعضك
علي.. حبيبي ماتقصر
بقينه انسولف بره حسين كام يسولفلي ع موقف صاير وياه بس صدك ضحكني بقيت اضحك قوي وصوتي عله رفعت راسي واشوف ملاكي مخليه ايديه ونايمه عليهن وكذلتهه واكعه ع عينيهه وتباوع بس شافتني بسرعه نزلت حسيتهه حتوكع من كمزت كلت معقوله عدهه نفس الشعور الاحسه اتجاهه
كطع صفنتي
حسين. . شبيك بس باوعت ع السطح وصفنت شجاك هليام ابو الصفنات
علي.. ههه هيج ماكو شي
حسين.. لا شكلهه فراك البصره كلش مأثر بيك
علي.. والله الصراحه البصره صدك فراكهه صعب
حسين.. غير ولايتك اني هسه مااكدر اترك بغداد...

بقينه انسولف شفت باب بيت الحلوه انفتح طلع رجال مو كلش جبير اجه يمنه تعرفت عليه هو ابوهه الهاي البنيه كعد يم ابويه شويه ورحت يمهم بعد ماراح حسين مبين خوش رجال..
.
.
.

اتمنى عجبكم البارت ممكن تصوتون حبايبي😍😘