العيون والعشق

البارت٦

الكاتبة نرجس الغرباوي♡
.
.
.
علي.. كعدت الصبح اروح للدوام واوصل ازهار المدرستهه غيرت ملابسي وطلعت اشغل السياره علمود بطريقي اوصلهه واطلع شفت ملاكي طالعه باوعت عليهه هيه مشت بطريقهه جنهه متشوفني ركبت السياره وشغلته اخذت نفس عميق وذبيته مااعرف شنو من احساس عندي اجتي ازهار صعدت بالسياره وصلتهه المدرسه وصيت المديره عليهه وطلعت رحت الدوامي كالعاده لكيت حسين منتضرني سلمت عليه ورحنه يم الشباب وسولفنه اشوف حسين عنده كلام يريد يكوله وساكت كتله شبيك اليوم مو من عوايدك تضل هيج ساكت(بضحكه)
حسين.. اريد احاجيك بموضوع بس مااعرف شلون
علي.. شبيك يخوي احجي بيك شي محتاج شي اني بخدمتك
حسين.. حبيبي تسلم بس اني اجيت اطلب ايد اختك من بعد موافقتك ودكلهم علمود ادز اهلي عليكم
علي.. والله اتشرف بيك وباهلك بس يخيي هيه تدرس وتريد تكمل دراسه
حسين.. واني مكلت مااخليهه تدرس لاوالله اخليه تدرس واحطهه بعيوني
علي.. ادري بيك وانعم من اصلك
حسين.. بعد رويحيتي اني اخلك تسئل الاهل وانتضر ردكم وان شاءالله خير
علي.. ان شاءالله اردلك خبر....
خلصت اليوم بالدوام ورجعت مريت ع ازهار حته اخذهه وياي للبيت محجيت وياهه بالموضوع كلت خاف تنحرج مني او شي كلت اكول الامي وابويه بعد يمهم السالفه سولفتلي ع البنت الي وياهه وعرفت من حجيهه انو هاي البنت الي اخذت عقلي وگلبي من نضره وحده رجعنه للبيت رحت غسلت وغيرت ملابسي وصليت وره الغده كامت ازهار تغسل بالمواعين اني فاتحت اهلي بموضوع ازهار وكتلهم عليه وعله اخلاقه كال ابويه بعدهي صغيره وتريد تدرس كتله اذا ع الدراسه كال اخليهه تدرس وحطهه بعيوني كال ابويه اسئلهه هيه بعد بكيفهه شنو رأيه هيه وان شاءالله خير كلت السجاد روح شوف ازهار خلصت غسل واذا مخلصه كوله يردوج بموضع راح سجاد شويه واجت ازهار فاتحه بالموضوع كالتله اريد اكمل وماافكر بالزواج كامت هيه راحت تدرس شويه وكمت الغرفتي ضليت اگلب بالفون حاجاني حسين ومافتح الموضوع المهم ان مكتله موافقين او لا سديت المكالمه منه وبقيت اگلب دخلت عليه ازهار العصر كالت معزومين عند الحلوه وهسه حنروح تروح كمز گلبي لمن سمعت كتلهه اي وطلعتهه حته احضر روحي 😅
لبست بنطرون ثلجي وبدي اسود وحذاء اسود وشسورت شعري طلعت لكيت الكل طالعين ومنتضريني اني وازهار دخلت ديله بسرعه مخلتي بقت تضحك ودكول شحال لو رايحين نخطبهه كلت بگلبي غير بدون تبديل اخليجن تروحن😅 ومانطيج مجال طلعت اني وازهار رحنه رحب بينه ابوهم ودخلنه كعدنه بالاستقبال والبنات بالصاله كعدنه نسولف شويه وصبو العشه تعشينه وخلصنه طلعت اغسل بره اسمع سوالف بالمطبخ يربي بس اشوفهه لحضه وحده شويه وطلعت اسمع خطوات همه شوي تصميم البره مالتهم شلون ركن يعني اذا طلع احد من باب المطبخ او الاستقبال ميشوف الي يغسل لحد ميوصله من سمعت صوت سديت المي ودرت اشوف منو اباوع ملاكي طالعه شافتني وركضت للمطبخ وشعره يطير بالهوه وراهه كلت ربي هلكد تحبني وتسمع دعائي بسرعه ابتمست وغسلت اجتي ازهار اكو سله جانت بره اخذتهه ودخلت اني رحت دخلت كعدت يمهم بقينه نسولف جان اهم شي عندي انو ملاكي ويايه بنفس البيت مو شرط نفس المكان اهم شي اتنفس هوه الي يمر عليهه بعدين كام ابويه وكال خلي نروح ترخصنه وطلعنه بالطرمه مالتهم ابويه يشكر الرجال وامي تسولف للمره طلعت شروق وگفت بالباب مالت المطبخ كل شويه اخذلي نضره عليه اخر مره باوعت عليه ابتسمت ونزلت راسهه ااخ يگلبي تمنيت يبقون واكفين بعدين طلعنه رحنه للبيت رحت غيرت ملابسي بعدين رحت الازهار دگيت الباب صاحت ادخل
علي.. هاا زهورتي كاعده
ازهار.. اي حبيبي تعال
رحت گعدت يمهه
علي.. اكلج انتي مساعه فتحو وياج الموضوع وشفت ردج بس اني ماكلت للولد موافقين او لا اني اكولج عليه هو ولد دره من الله مو صديقي وامدح بيه وانتي هم اختي واخاف ع حياتج
ازهار.. اي واني هذا ردي مااريد اتزوج هسه شنو تريد تخلص مني😑
علي.. لا شنو اخلص منج انتي غير حبيبتي بس اني گلت ماكو احسن منه ويحافظ عليج انتي رويحتي واخاف عليج
ازهار.. اي بس اني مااريد اتزوج
علي.. براحتج انتي واعيه وتعرفين مصلحتج
ازهار.. هسه يطلع صديقك اجكم وجاي تقنعني بي 😅
علي.. هههه اني جماعتي كلهم صاكين
ازهار.. اوك من اريد اتزوج اكلك اتجيبلي من جماعتك الصاكين
علي.. ولج شو صايره ماتخجلين شلون تحجين هيج يمي ادب سزز (بضحكه)
ازهار.. ههههه اي اني اكلك ماتزوج اجكم واذا خطبني واحد اجكم انته من يمك سد الموضوع😂
علي.. شو طالعه عينج😅
ازهار.. لعد عيني جانت طامسه😂
علي.. خبله متصيرلج جاره😅
ازهار..😂😂 صدوك سئلت شروق
علي.. شنو سئلتيهه 😐
ازهار.. سئلتهه مرتبطه لو لا
علي.. ايي
ازهار.. كالت اي
علي.. صددك
ازهار.. 😂😂 لا والله اشاقه كالت لا
علي.. الله يطيح حضج
ازهار..😂😂
دخل حيدر
حيدر.. عادي ادخل وياكم
ازهار وعلي.. اي تعال ليش لا
حيدر.. غصباً عليكم ادخل 😂
علي.. عبالي عقلت😂
ازهار.. اكول مو من عوايده يستأذن😂
حيدر.. واللهي ملل مشتاق للبصره
ازهار.. اي مو هناك دايح حته منشوفك هنا اكيد تحس بملل 😂
علي.. ههههه
حيدر.. هو اليحجيلج شيحصل غير الطنات 😂
ازهار وعلي.. 😂😂
ازهار.. وين سجاد ماكو
حيدر.. ملتهي😂
ازهار.. بيمن ملتهي
حيدر.. ولج غير مكبل جا مثل حضي ضال حديقه
ازهار.. صدوك السافل شو مكايلي عليهه😂
حيدر وعلي.. 😂😂
علي.. عاد اني المكبل حسافه اخويه لاصغر مني مكبل واني ضال حديقه😂😂
حيدر.. جا من وكفت للطالبات ماحصلت😉🤣
علي.. الله يطيح حضك 😂😂
ازهار..خلي اروح اسوي هجوم ع هذاك المنحرف 😂
حيدر وعلي.. مشينه نروح وياج
ازهار.. هو ديخابر هسه
حيدر.. اي طردني من يمه 😂وخابرهه
ازهار.. شوف شراح اسوي بي 😅
دخلت للغرفه شفته خجل وارتبك كعدت يمه وحجيت بصوت ها حبيبي دتخابر منو
اسمع الكبل مالته دكوله منو هاي هو كلهه هاي اختي بعدين احاجيج اني تقربت شنووو اختك انت ويه منو دتحجي دتخوني هيه تهسترت 🤣😂 كالتله لا ماكو بعدين انطيني اختك احاجيهه اخذت منه الجهاز كتلهه انتي منو وشعندج ويه خطيبي وهو يصيح لا ازهار شدسوين وعلي وحيدر يضحكون كالت شنو خطيبته من شوكت يعني جان يضحك عليه وبجت ضحكت بصوت اني كتلهه شبيج يمعوده تره اني اخته دااشاقه ردت اشوفكم كالت لاتكذبين عليه كتلهه واللهي مدااكذب عليج ضحكت كالت هو يمج كتلهه اي خليولي خل اسولف وياج عادي اريد اتعرف ع مرت اخويه اذا ماتمانعين كالت لا بلعكس حبيبتي بقيت اضحك ع سجاد واكف ويباوع ويأشرلي يله انطيني كتلهه خلي اطرده وارجعلج ضحكت هيه كتلهم يله وسدو الباب وراكم جان يصيح حيدر بس اريد اعرف ليش منو يحاجيهه لازم يطردنه سمعت البنت ضحكت طلعو همه وسجاد مقبل بقه كاعد يمي كتلهه عرفيني عليج من وين اسمج عمرج
كالت اسمهه نور عمرهه ١٨ سنه من البصره تعرفت عليهه وعرفتتهه عليه وسجاد لازك اذنه ويه اذني 🤣😂 ويسمع بعدين كوتلهه حيموتني هاجياه ضحكت هيه وانطيتهه الجهاز واشرتله اني الك وطلعت لكيت حيدر كاعد بالصاله باوعلي بطرف عينه ضحكت رحت يمه كتله خلي نباوع فلم وين علي كال هااا نباوع فلم الخاينه ضحكت كتله شبيك كال مابيه لعبت بكفشته بايدي كتله حروح اسوي شاميه وانته طلعلنه فلم حلو كال خووش ضحكت ومشيت رحت العلي هااا عيوش
علي.. هلاا زهورتي
ازهار.. متجي ويانه راح نشوف فلم اني وحيدر واني حروح اسوي شاميه
علي.. ثواني وجاي
رحت سويت لكيت مطفين الاضويه ومشغلين الفلم رحت اركض خليت الشاميه وكعدنه نباوع هستوه بده الفلم وطلع سجاد كال شدسون الخونه ضحكنه كناله كايلك ضال غرگان بالحب😂
ازهار.. اكعد تره متحلفتلك اني بس مو هسه خلي ضحك وكعد ويانه اني صرت بنصهم لان فلم رعب😂 صرت بين سجاد وعلي حيدر مااكعد يمه يخوفني كل ماتصير لقطه تخوف يكمزني😂 كتلهم بارده وكفو الفلم بين مااجيب بطانيه واودي المواعين مالت الشاميه واجي جبت تغطينه نمت ع ايد علي بقينه سهرانين بعدين ضلينه نسولف ونضحك صارت الساعه ب٤ الصبح كتلهم اني خلي نبقه انام هنا كولنه
سجاد.. هههه الخاوفه تخافين ترحين تنامين وحدج
بقو يضحكون
ازهار.. لا والله بس حلوه هيج لمه ونام لزمني من خدي كال هاي هيه نمت بنصهم علي مخلي ايده جوه راسي وسجاد مخلي راسه براسي 😂
حيدر.. اشو مطلعيني من الدائره
ضحكنه كناله شلون انته الحصه...
فزيت الساعه ب١١ الصبح باوعت السجاد مخلي ايده ع وجهه حيدر وحلكه شلون الواحد الزعلان وماراضي 😂 وحيدر مطلع رجليهه من البطانيه وفاتح اديهه 🤣🤣
علي حاضني بس عدلت نومتي فزز ضحكت كتله صباح الخير
علي.. ااا بيش الساعه ضحكت كتله ب١١ كال نامي نامي كتله لا راح اكوم كال شعندج كاعده من الصباحيات كتله الساعه ب١١ تره كمت غطيت حيدر ورحت غسلت رحت المامه لكيتهه بالمطبخ تسوي غده كمت احضر وياهه ونسولف...
.
.
. يتبع
اتمنى عجبكم البارت ممكن تصوتون 💙