العيون والعشق

البارت ٤

الكاتبة نرجس الغرباوي
.
.
.
مرحبا اسمي حسين عمري ٢٣سنه طالب صيدله من بغداد مواصفاتي عيوني كبار لونهن اسود بشرتي حنطيه طولي١٨٩ جسمي رياضي ساكن ويه امي وابويه واخ واحد اسمه حسن اصغر مني...
عندي صديق اسمه علي من البصره تعرفت عليه بالجامعه وقوت علاقتي بيه وزادت علاقتي اكثر بيه لمن اجوي سكنوا ابغداد من رحنه للكليه شفته مو ع بعضه وطلع قبل ميخلص الدوام فمنرجعت من الدوام رجعت للبيت ورتاحيت كلت خلي اشوفه اتصلت عليه كال بالبيت كتله اني جايك رحت غيرت ملابسي واخذت السويج وطلعت وصلت البيتهم رمشت عليه حته يطلعلي مطلع اتصلت مره مرتين كلت خلي ادك الباب احسن دكيت الباب محد طلعلي كمت ادك قوي اسمع صوت بنت تصيح انطيني مجال شبيك بنتر سكتت محجيت اي شي😅 انفتح الباب واشوف بنت جنهه تفاحه من شافتني حسيته تفاجئت جانت متوقعه شخص غيري اجتني ابتسامه لا اراديه من شفتهه شعرهه منفوش ستوهه طالعه من الحمام هيه من شافتني خلت المنشفه ع راسه حسيته تضم وجهه مني اخدودهه صارن حمرر من الخجل اجيت اسئل قبل مااحجي كالت تفضل رايدمن كتلهه صيحلي علي كوليله حسين يريدك
دخلت هيه جوه واني بقيت اضحك 😅 شويه وطلع علي ضلينه انسولف بره مقبلت ادخل شفت جوارينهم اجه عليهم ترخصت منه ورحت للبيت كل شوي اذكر البنت واضحك حبيت عفويتهه وخجلهه وشلون احمرت اخدودهه من الخجل وشعرهه شلون منفوش😅...
.
.
.

شروق.. كعدت الصبح ع صوت امي
ام شروق.. يله ماما كعدي يله بنيتي حبيبتي حتتاخرين يله كومي
شروق.. اي ماما بس شوي والله دقايق مااتاخر
ام شروق.. يله ماما بين ماتغسلين وجهج بين ماتبدلين تصير ب٨ يله حبيبتي لا تعبيني
شروق.. يله كايمه
كمت بلكوه ميته نعاس لان البارحه اتاخرت كولش بنوم غسلت وغيرت ملابسي صاحتني امي ع الريوك مااشتهي بس امي متفكني اذا كلت مااشتهي اله توكلني مترتاح اكلت   شويه وكمت غسلت اخذت جنطي قبل لااطلع كلت بيني وبين نفسي معقوله همات الكاه واكف بالباب طلعت محد بالشارع هستوني دامشي وشفته طلع من بيتهم اتفاجئ لمن شافني اني مشيت سويت روحي ممنتبهتله رحت البيت سمر طلعت قبل لا ارن الجرس
شروق.. صباحو
سمر.. صباح الصباح 😁   شروق.. قصدج صباح الخبال 😅
سمر.. اكيد الخبال اهم شي 😂
شروق.. 😂😂
سمر.. شخبار الحلو 😉
شروق.. ياحلوو
سمر.. احمم احمم الحلو المقابيلكم
شروق.. هههه قبل شوي شفته
سمر..صدوك
شروق.. اي من طلعت هسه هو همات طلع
سمر.. 😂 لا تصجيمه لاشي
شروق.. خرب عقلج 😂
اكلج غير امس العصر لا خليهه بالمدرسه اسولفلج
سمر. شنو شصار امس احجي
شروق.. هياتنه وصلنه للمدرسه واسولفلج
سمر..اوك
... وصلنه للمدرسه
سمر.. يله غردي
شروق.. عاد خلي نخلي جنطنه بالصف ونطلع للساحه واسولفلج..
رحنه خلينه جنطنه وطلعنه
سمر.. احجي لااموتج
شروق.. هههه امس من رجعت للبيت العصريه كعدت اقره اجه ابالي هذا الولد ومكدرت اقره
سمر.. همم اي كملي
شروق.. اي كلت خلي اصعد فوك السطح واقره الشمس حلوه ودافي الجو صعدت قريت شويه وسمعت صوت ضحكه جذبتني اخذني الفضول اشوف منو اخذت الكرسي الجنت كاعده عليه خليته يم السياج وصعدت
سمر.. اي وبعدين🙂
شروق.. صعدت وشفت نفس الولد هو الي ديضحك مننزلت من شفته لا بقيت اباوع عليه وهو  يضحك صفنت ابوجه رحت الغير عالم وضحكته تخبل فجأ رفع راسه وشافني اني ع السريع نزلت بس احس گلبي مدري شبي احساس غريب
سمر.. ولج انتي دخلتي مرحلت الاعجاب بهذا الولد واذا بقيتي معجبه بي هيج راح توگعين بحبه
شروق.. صدوك لعد شلون
سمر.. عندج استعداد تحبين
شروق.. لا اخاف من هاي الشغلات
سمر.. لعد حاولي تخلصين روحج
شروق.. شلون هذا الشعور لا ارادي مداكدر اسيطر ع مشاعري شلون
سمر.. والله مااعرف...
رن الجرس ودخلنه للصف
كعدنه انحضر بكتبنه وندردش اني وسمر  دخلت المديره وياهه طالبه شفت بهاي الطالبه شبهه بالولد ندست سمر اكلج سوسو
سمر.. هاا
شروق.. هاي البنت تنطي شبهه للولد اتوقع اخته
سمر.. هاا لعد خلي نسمع شدكول المديره

المديره.. هاي طالبه جديده عدنه وحتكون زميلتجن بالصف اريدجن تعتبرنه مثل اختجن يله بنتي روحي  بنات منو يمهه مقعد  فارغ تكعد بي زميلتجن
شروق.. ست خلي تجي تكعد يمنه
المديره.. بنتي روحي كعدي يمهن
ازهار.. شكرا ست
المديره..شعدكم هذا الدرس
الطالبات.. عدنه احياء
المديره.. عليكم ست مروه
الطالبات.. نعم
المديره.. للاسف مجايه اليوم ست مروه خلي اشوف ابو الرياضيات اذا فارغ يجي ياخذكم درس..
شروق.. اجت البنت كعدت يمنه
سمر.. هلو شنو اسمج عرفينه عليج
اسمي ازهار عمري ١٩ سنه جنه عايشين بالبصره وحاليا اجينه البغداد
شروق.. اهلا وسهلا اني اسمي شروق وهاي صديقتي سمر
سمر.. واحنه نفس عمرج يعني راهمين 😅
ازهار.. اتشرفت بمعرفتجن
شروق. النه الشرف حبيبتي
سمر.. بس ليش عفتو البصره واجيتو البغداد
ازهار.. لان ابويه هنا يشتغل واخويه علي طلع جامعته هنا فقررنه نجي هنا نسكن
شروق.. شنو يشتغل ابوج
ازهار.. ضابط
سمر. شروق.. همم...
بقينه نسولف ونتعارف بقت البنيه ويانه تطلع بالفرصه وسوالف وضحك بسرعه تاقلمت ويانه اسلوبهه وكلامهه كولش حلوو عجبتني وكولش حبيتهه خلص الدوام حضرنه جنطنه ودنطلع كناله انتو وين بيتكم وصفتنله بيتهم بأي مكان كالت بعدني مااعرف المنطقه 😅
شروق.. ع الوصف مالتج تقريبا بيتكم قريب علينه او يمكن نفس الفرع 😅(الصراحه من وصفت البيت تاكدت ميه بالميه هيه اخته بس مكتلهه)
سمر.. زين تمشين ويانه مدام بيتكم قريب علينه
ازهار.. لا مو اخويه كال يجي ياخذني خليهه غير مره
سمر.. اوك براحتج لعد
يله شروق خلي نروح
شروق.. يله بيباي حبيبتي نشوفج بعدين
ازهار.. ان شاءالله باي
شروق.. طلعنه من باب المدرسه وشفت الولد نفسه صارت نبضات گلبي ادوك سريع مااعرف اليجرالي من اشوفه لزمت ايد سمر
سمر.. ها شوشه شبيج
شروق.. ذاك الولد الي اكلج عليه
سمر..  وينه يمعوده
شروق.. هذاك ابو الجاكيت الاسود
سمر.. همم والله هذا حلقوم 😅
شروق..هههه خرب حضج
گلبي كام يدوك سريع واني بس لمحته
سمر.. حقج غير چكوليت
شروق..😂😂اكلج صدوك هاي اخته ازهار شوفي هل اجه ياخذهه
سمر.. لعد لوباقين يمهه هذا الحلقوم يرجعنه
شروق.. 😂😂 اني مااقبل ارجع وياه
سمر.. غير تتعايرين
شروق. هههههه ولج منا احنه بالشارع لاتضحكيني
صدوك اهلي كالو اليوم يعزموهم حته نتعرف عليهم
سمر. صدوك
شروق.. اي والله
سمر.. هلا هلا 😉
شروق. انجبي
سمر.. ها ليش
شروق.. هيج يعجبني
سمر.. اي كولشي يعجبج 😉
شروق. كافيج عاد
سمر.. هياتني وصلت البيتنه بس كوليلي بالاخبار😉
شروق.. ههههه مو راح تشكل عينج ع كد ماتغمزين
سمر.. ههههه اي يالله مو تنسين اريد حار بحار الاخبار توصلني
شروق.. اي ديله ولي😂
سمر.. يله بيباي حب
شروق.. بايي😘
.
.
.
يتبع

اتمنى عجبكم البارت ممكن تصوتون حبايب گلبي😍🥰