العيون والعشق

البارت ٥

الكاتبة نرجس الغرباوي
.
.
.

ازهار.. داومت اول يوم اليه بالمدرسه الجديده وجنت خايفه مااتاقلم بيهه اخذني اخويه علي للمدرسه ودخلنه للاداره وصه المديره عليه شفت المديره شخصيتهه قويه وهادئه خلاني علي وطلع
كعدت يم المديره كلتلي احنه هاي المدرسه الهه قوانين ومااريد مخالفات كالت الزي مااريد مخالفه بيه مكياج ماكو وتاخير عن الدوام ماكو تجاوز ع مدرسات همات ماكو
ازهار.. ان شاءالله ست
المديره.. انتي مستلمه الكتب كامله من مدرستج
ازهار..نعم ست
المديره.. تعالي اخذج الصفج
رحت وياهه دخلنه للصف حجت ويه الطالبات بعدين كعدتني ويه بنات اثنين تعرفت عليهن وحبيتهن كولش ثنينهن حلوات بس وحده عيونه صفر كبار يجنن صفارهن فاتح وهيه بيضه تخبل كولت بيني وبين نفسي معقوله هاي البنت اليقصدهه علي خلصنه اليوم بالدوام ردنه نطلع سئلني ع بيتنه وين وصفتلن تقريبا هنه جوارينه  كاللي تعالي ويانه ردت اروح بس علي كالي اني اجي اخذج راحن هنه شويه واجه علي اخذني
علي.. ها زهورتي شلونج بالدوام
ازهار.. تمام
علي.. اهاا يعني ارتاحيتي الهاي المدرسه
ازهار.. اي كولش هم ونشال مني لان جنت خايفه انو مااحب هاي المدرسه او مالكه صديقات ارتاحلهن
علي.. اهاا اوك
ازهار.. صدوك علاوي كعدت ويه طالبات ثنين وحده منهن مواصفاته مثل البنت التحجيلي عنه
علي.. صدك يمكن هيه شنو اسمهه
ازهار..شلك باسمهه 😑
علي.. شبيج من هسه تتنحسين بعدني مطالب منج شي هو اسم شنو يعني بعد ماريده
ازهار.. شبيك ع كيفك مكتلك شي بس شلك بي 😶
علي.. هاهيه
ازهار.. اووو لتزعل مني اني اختك وحبيبتك
علي.. اي اختي تتنحس عليه
ازهار.. اني عيوني اطيكياهه غير حبيبي انته
علي.. مبين
ازهار..وداعتك
علي.. 😑
ازهار.. اسمهه شروق وهيه بعمري بعد شتريد
علي.. شروق صدك اسم ع مسمى اذا هيه البنت البالي لان احس لون شروق الشمس بعيونهه
ازهار.. اي حته هاي البنيه هيج
علي.. جا هيه هاي ماكو غيره
ازهار.. الصراحه اني اتمنى هيه لان جمال واخلاق تنگرط
علي.. صدك يعني هيه خوش بنت
ازهار.. اني بعدني مااعرفهه كولش بس اليوم من كعدت يمهه كولش عجبتني هيه وصديقتهه حبابات كولش
علي.. حتى تعرفين اخوج شلون يختار😁
ازهار.. تره بعدنه منعرف هيه لو مو هيه 😒
علي.. واني اكلج هي ومتاكد همين
ازهار.. ان شاءالله هيه
علي.. شكلج حابتهه كولش
ازهار.. ههه اي والله..
وصلنه للبيت
لكيت حيدر وسجاد راجعين همات للبيت قبلي
دخلت غيرت ملابسي وغسلت رحت صليت ورحت ويه ماما اساعدهه بالمطبخ انحضر الغده صبينه الغده وتغدينه كولنه شلت الماعين دااغسلهم وكفت اغسل اجه عليه حيدر
حيدر.. هاا ازهار بعدج تغسلين
ازهار.. اي ليش
حيدر.. من تكملين يردوج بالصاله
ازهار.. شنو شكو
حيدر..كملي وتعالي اني مااعرف شنو يردون
ازهار.. اوك هسه اكمل ع السريع
راح حيدر اني كمت اغسل سريع خايفه كلت شمسويه اني كملت غسل رحت لكيت امي وابوي وعلي كاعدي
ازهار.. هاا شنو تردون مني
ابو علي.. كعدي بنتي انريد نحاجيج
كعدت
ازهار.. شنو بابا شصاير
ابو علي.. لا ماصير شي
بس اخوج علي محاجي صديقه عليج يريد يتقدملج اني كلت العلاوي تريد تكمل بعدهي صغيره بس اني بعد اشوف رأيج اذا توافقين ان شاءالله خير واحنه نستفسر ع الولد ونشوفه فشدكولين انتي
ازهار.. كتله لا بابا اني اريد اكمل دراستي ومااريد اتزوج هسه
ابو علي.. براحتج بنتي
كمت من يمه كلت بگلبي منو هذا صديقه وين شافني لحكتني امي
ام علي.. بنتي اذا رايدتي كولي لتستحين
ازهار.. لا ماما اني الكولته الابويه هو اخر قرار الي
ام علي.. هاي هيه
ازهار.. منو هو صديقه
ام علي.. مااعرفه بنتي بس علي يكول خوش ولد دره هو من بغداد
ازهار.. هاا يله اني حروح ادرس
ام علي.. روحي حبيبتي
رحت الغرفتي طلعت الكتب رتبتهن وطلعت العندي دروس بيهن بقيت اقره منا للعصريه اجاني سجاد كال بعدج تقرين
ازهار.. اي تعال ادخل
سجاد.. كال جوارينه المقابيلنه عزمونه ع العشه اليوم
ازهار.. صدوك
سجاد.. اي شبيج يردون يتعرفون علينه كال الرجال اتمنى تقبلون الدعوه وتجون كلكم كاله ابويه ان شاءالله وكالت امي نروح كلنه انتي ترحين لو لا
ازهار.. اكيد اروح 😁
سجاد.. اوك راح اگول الامي وانتي حضري بعد شويه ونروح
ازهار. . اوك بس علي وين موجود
سجاد.. اي موجود هسه اروح اكله واروح اشتري كم غرض كالت امي زحمه ندخل وادينه فارغه
ازهار.. هم صدوك انت روح اني رايحه العلي
سجاد.. اوك
ازهار.. رحت الغرفة علي دخلت ها علاوي شدسوي
علي.. مااسوي اگلب بالفون
ازهار.. جايبتلك خبر حلو اريد البشاره
علي.. هسه تطلع اخبار بايخه احجي شكو
ازهار.. لا اوعدني تسويلي اي شي اطلبه بس يعجبك الخبر
علي.. وعد
زهار.. معزومين عند بيت الحلوه ع العشا وكولنه نروح
علي.. صدك (بكمزه)
ازهار.. اي والله عجبك الخبر هاا
علي.. ههه شنو طلبج
ازهار.. اطلعني بس مو هسه لمن اكولك
علي.. حاضر
بس يله طلعي خلي احضر نفسي علمود انروح
ازهار.. عابتلك يله اني همات اروح احضر نفسي
رحت غيرت ملابسي اني سافره يعني ماالبس عبايه بس حجابي كامل
لبست جبه بنفسجيه ارداناته مخصره من فوك ومن العكس وليجوه منفوخ ومخصره من الخصر وفوگ وعريضه من جوه بيه زخرفه بالردانات بلون بيجي ولبست حجاب بيجي منقش وساعه بيجيه وحذاء بيجي وجنطه بيجيه خليت مكياج كولش خفيف دخل عليه علي كال شنو مخلصتي
ازهار.. هههه مستعجل وهياتهه مقابيلنه شحالك لو رايحين نخطبهه
علي.. ههه يله خلصينه يمعوده تره كولنه كملنه بس اني بعدج
ازهار.. اني همات كملت ديله مشينه طلعت مشينه كولنه دك الجرس ابويه فتح لباب الرجال رحب بينه ودخلنه دخلو الرياجيل بالاستقبال واحنه جوه بالصاله
استقبلتنه المره كعدنه بس مشفت بنتهم بس المره عيونهه يخبلن وهيه هيج جبير بالعمر يعني تقريبا عمرهه نهايه الاربعينات شويه ودخلت شروق
شروق.. السلام عليكم
كولنه وعليكم السلام اجت سلمت علينه ضحكت لمن شافتني من سلمت عليه كالت طلعتي جارتي ومقابيلنه وماادري
ضحكت كولتلهه حتى اني ماادري
ام شروق.. طلعتن تعرفن بعض
شروق.. اي ماما اليوم تعرفت عليه بالمدرسه بس معرفت هيه جوارينه
ضحكنه كعدنه نسولف وتعرفنه عليهم اخذت رقم شروق و اخذت حسابهه ع الانستا كامن يصبن عشه كمت اساعدهن كالت ام شروق خليج كاعده حبيبتي احنه مجايبيج انتعبج كتلهه لا خاله شنو السالفه رحت وياهن بيتهم حلو ومرتب ونضيف كولش صبينه عشه دجاج شوي وكباب وطورشي وفاكهه وممخلين شي مجايبينه خطيه خلينه للرياجيل اول بعدين خلينه سفره وكعدنه نسولف وناكل وضحك حبيت عائلتهم كولش امهه حبابه كملنه عشه اخذنه المواعين اني وشروق وبقت امي وام شروق يسولفن جانت شروق لابسه تراك سود ماروني ومسويه شعرهه ليوره وشادته شعرهه طويل لونه بني راحت خلت الجاي ع النار واجتي لمت الزباله كالت امي مطلعه السله بالطرمه طلعت اتجيبهه رجعت تركض كتلهه هاا شبيج كالت اخوج بالطرمه كتله اها😂 اني حروح اجيبه طلعت لكيت علي ديغسل شافني اخذت السله ودخلت محجيت وياه وگفنه هيه تفرك واني اشطف 😅 ونسولف بحيث خلصنه بسرعه كالت يا نسيت اوديلهم الجاي راحت صبت انطته الابوه وبعدين صبتلنه رحنه كعدنه يم الامهات😅 يسولفن جابت شروق فونهه انطتنياهه اگلب بالصور كتلهه معندج حبيب واحد محجوزه اله
شروق.. 😂ماعندي و مااريد
ازهار.. ليش😅
شروق.. احسن شلي بالدوخه خليني مرتاحه
ازهار.. اي احسلج 😂
شروق.. انتي عندج
ازهار.. لا هم مثلج مااريد
شروق.. ههه لعد متفقين
ازهار.. 😂اي
خذانه الوقت واحنه نسولف دز علينه ابويه كال يله خلي نروح
ام شروق.. شنو السالفه خليكم بعد وكت
ام علي.. لا هم يالله خيه احنه هم تعبانكم
ام شروق.. شنو شسوينالكم مقصرين بحقكم
ام علي.. لا خيه كفيتو وفيتو يله نترخص...
طلعنه سلمنه عليهم طلعو ورانه شروق لبست حجابه وكفت بالباب مال المطبخ واشوف علي كلساع يخطفله نضره دخلنه البيتنه كالت امي والله ناس طيبين
ابو علي.. اي والله الله يكثر من امثالهم
دخلت بدلت ورحت غسلت وجهي كعدت بالغرفه اخذت فوني دخلت ع حساب شروق اگلب بيه لكيت مسويه الوحده تاكات اهوايه توقعته سمر بس متابعته كلت اسئل شروق و اشوفهه بالمدرسه اندك الباب صحت ادخل...
.
.
.
.
يتبع
اتمنى عجبكم البارت ممكن تصوتون گليباتي ❤