العيون والعشق

البارت ١٥

.
.
باوع عليه ويمسد بايده ع شعره

سهر.. روحو تفاهمو بغير مكان مااريد خبالاتكم تطلع هنا ههه

يزن.. هههه هو اني راح اخذهه

راحت سهر

سمر.. لزمني من ايدي وكال تعالي وياي

باوعت عليه كتله وين

يزن.. الغرفتي ابررلج الموقف

سمر.. لا ماكو داعي

يزن.. لا اكو داعي سحبني

سمر.. عوف ايدي واني اجي وراك

يزن.. باوع بنظره بمعنى اكيد كال اوك بس مو تتاخرين هسه تمشين ورايه

هزيت راسي بمعنى اي بس احس گلبي بعده ممرتاح

راح واني رحت غسلت وجهي وباوعت بالمرايه شفت عيوني مبين باجيه...
رحت الغرفة يزن دكيت الباب ودخلت لكيته يشرب جكاير اشرلي تعالي كعدي يمي رحت دار عليه

يزن.. ليش تسوين هيج بيه

سمر..اني السويت لو انته

يزن.. انتي گبل تحكمين ومتفتهمين مني شي ومتقبلين تحاجيني ع موقف بسيط لو ماسهر جان هسه ماتباوعين بخلقتي

سمر.. شنو هذا موقف بسيط انته منتبهت النظراتهه عليك

يزن.. ههه تغارين

سمر.. سكتت

يزن.. من اروح فدوه لليغار

سمر.. ضليت منزله راسي وساكته رفع وجهي بايده

يزن.. ليش هيج باجيه شوف عيونج ذبلانه

سمر.. باوعت عليه اجتني العبره مااعرف مشاعري متخربطه احس بخوف من اذكر نظراتهه خاف تاخذه مني حته لو مو هيه اكو اهوايه بنات مثلهه

تقرب مني وقطع سلسله افكاري كال شبيج باسني من عيوني وضل يباوع بيه نزلت دموعي مسحهن وحضني حبيبتي لاتضوجين والله گلبي يوجعني من اشوفج تبجين

سمر.. انته مراح تعوفني موو

يزن.. اعوف روحي ومااعوفج انتي حبيبتي وكل عمري

حسيت بارتياح وخرته

يزن.. وين مو هسه يالله رتاحيت ههه

سمر.. خلي اروح هسه يفتقدوني

يزن.. اوك حبيبتي ولتهتمين وتخلينه بهيج موقف مره ثانيه

سمر.. ان شاءالله طلعت من الغرفه بس احس الروح ردت بيه ورجعت ابتسامتي رحت للصاله شفت البنات كلهن كاعدات وليث وحسن وخالو جلال ومرت خالو وخالتي ام ليث باوعت التقى تخوزر بيه مهتميتلهه صاح حسن هلا بسموره كتله هلا بيك عيوني ورحت كعدت يم مرت خالوو

ام حسن.. هلا يمه افتقدتج

سمر.. اي جان عندي شغله سويتهه واجيت